完整藏文原文 · 德格版页 当前仅加载第 3 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཤི་བའི་ཡོ་བྱད་ཀྱི་སྐྱིན་པར་དགེ་སློང་ཀུན་དགའ་བོ་བྱིན་གྱིས་བརླབ་པར་བྱའོ། །བྱིན་གྱིས་བརླབ་པ་ཡང་འདི་ལྟར་བྱ་སྟེ། གཎྜཱི་བརྡུངས་ལ་དགེ་འདུན་ཐམས་ཅད་
D1.003.0114a01.01ཚོགས་ཤིང་མཐུན་པར་གྱུར་པ་དང་། དགེ་སློང་གཅིག་གིས་གསོལ་བར་བྱའོ། །འདི་ལྟར་བྱ་སྟེ། གནས་མལ་བཤམ་པར་བྱས་ལ་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བགོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་བ་དང་དགེ་སློང་གཅིག་
D1.003.0114a02.01གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། གནས་འདིར་དགེ་སློང་ཁྲུམས་སྟོད་གུམ་ན་དེའི་ལྷུང་བཟེད་དང་ཆོས་གོས། གོས་དང་གོས་ཀྱི་རིན་དང་བཅས་པ་ཀུན་དགའ་བོའི་སུག་པ་ན་མཆིས་ཀྱིས་གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་
D1.003.0114a03.01དགེ་འདུན་གྱིས་གནང་བར་མཛོད་ཅིག་དང་། འདི་ལྟར་དགེ་འདུན་གྱིས་དགེ་སློང་ཁྲུམས་སྟོད་གུམ་པའི་ཡོ་བྱད་ལྷུང་བཟེད་དང་ཆོས་གོས་དང་གོས་ཀྱི་རིན་དུ་བཅས་པའི་དངོས་པོའི་སྐྱིན་པར་དགེ་སློང་ཀུན་དགའ་བོ་བྱིན་གྱིས་བརླབ་པར་བགྱིའོ། །འདི་ནི་གསོལ་བའོ། །སངས་རྒྱས་བཅོམ་
D1.003.0114a04.01ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་དགེ་སློང་ཡང་གཞན་དུ་གུམ། ལྷུང་བཟེད་དང་ཆོས་གོས་ཀྱང་གཞན་ན་མཆིས། དངོས་པོའི་སྐྱིན་པ་ཡང་གཞན་ན་མཆིས་ན་དེའི་ཆོས་གོས་དང་ལྷུང་བཟེད་གང་དབང་བར་འགྱུར་ལགས། ཉེ་བ་འཁོར་དངོས་པོའི་སྐྱིན་
D1.003.0114a05.01པའི་དགེ་སློང་ངམ་ཁྱིམ་གང་ན་ཡོད་པའོ། །གླེང་གཞི་ནི་མཉན་ཡོད་ནའོ། །དེའི་ཚེ་དགེ་སློང་ལག་གི་བླ་ཞིག་ཤིའོ། །དགེ་སློང་རྣམས་དེའི་ལྷུང་བཟེད་དང་ཆོས་གོས་ལ་འགྱོད་པས་མ་བགོས་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་
D1.003.0114a06.01ཀྱིས་བཀའ་སྩལ་པ། དགེ་འདུན་ཐམས་ཅད་བསོགས་ལ་ཅི་འདྲེས་སམ་མ་འདྲེས་པར་གྱུར་པ་དེ་བརྟག་པར་བྱའོ། །གལ་ཏེ་འདྲེས་ཏེ་དགེ་འདུན་གྱི་ནི་མཆོད་རྟེན་གྱིར་བྱས་ལ། མཆོད་རྟེན་གྱི་ནི་དགེ་འདུན་གྱིར་གྱུར་ན། དེ་ལྟ་བུ་ཆོས་དང་མི་མཐུན་པ་ཡིན་པས་དེའི་ལྷུང་བཟེད་དང་
D1.003.0114a07.01