完整藏文原文 · 德格版页 当前仅加载第 3 函德格 290b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་གྱི་བར་ན་འབབ་ཆུ་རོ་ཧི་ཀ་ཞེས་བྱ་བའི་འགྲམ་ན་སྐྱེས་ཏེ། དུས་དུས་སུ་ཆུ་ཕྲུག་པས་དེའི་རྩ་བ་བྲུས་ནས་རླུང་གི་ཤུགས་ཀྱིས་འགྱེལ་ཏེ་གགས་བཞིན་དུ་ཆུ་བཅད་དེ་འདུག་གོ། །དེ་ནས་ཆུས་རྒྱལ་པོ་ལེགས་པར་རབ་སད་ཀྱི་ཡུལ་ནི་ཆུ་མེད་པས་མ་རུང་ལ། ཟས་གཙང་
D1.003.0290b01.01གི་ཡང་ཆུས་མ་རུང་སྟེ། རྒྱལ་པོ་ལེགས་པར་རབ་སད་ཀྱིས་རྒྱལ་པོ་ཟས་གཙང་ལ་སྤྲིང་བ། ཤིང་དགེ་བའི་སྙིང་པོ་འགྱེལ་ནས་འབབ་ཆུ་རོ་ཧི་ཀའི་གགས་སུ་གྱུར་ཏེ་མཆིས་ན་གཞོན་ནུ་མཐུ་དང་ལྡན་ཞེས་ཐོས་ཀྱིས་དེ་བཏང་བའི་རིགས་སོ། །རྒྱལ་པོ་ཟས་གཙང་གིས་སྨྲས་
D1.003.0290b02.01པ། ཁོ་བོ་གཞོན་ནུ་ལ་བཀའ་མི་སྩོལ་ལོ། །འདུན་པས་སྨྲས་པ། ལྷ་བདག་ལ་གནང་བ་འབའ་ཞིག་སྩོལ་ཅིག །ཅི་ནས་ཀྱང་གཞོན་ནུ་ལ་ཡང་བཀའ་མ་སྩལ་བཞིན་དུ་རང་ཉིད་གཤེགས་པར་འགྱུར་བ་དེ་ལྟར་བགྱིའོ། །རྒྱལ་པོ་ཟས་གཙང་གིས་ཁས་བླངས་སོ། །
D1.003.0290b03.01འདུན་པས་འབབ་ཆུ་རོ་ཧི་ཀའི་འགྲམ་དུ་གཞོན་ནུ་རྣམས་ཀྱི་སྐྱེད་མོས་ཚལ་རེ་རེ་བརྩིགས་ནས་སྨྲས་པ། གཞོན་ནུ་དག་སྐྱེད་མོས་ཚལ་དུ་འདོང་། དེ་རྣམས་སོ་སོའི་ཤིང་རྟར་ཞུགས་ནས་སྐྱེད་མོས་ཚལ་དུ་དོང་བ་ལས་ལྷས་བྱིན་གྱི་སྐྱེད་མོས་ཚལ་གྱི་སྟེང་ནས་ངང་པ་ཞིག་འཕུར་
D1.003.0290b04.01བ་དེ་ལྷས་བྱིན་གྱིས་མདས་བསྣུན་ནས་བྱང་ཆུབ་སེམས་དཔའི་སྐྱེད་མོས་ཚལ་དུ་ལྷུང་བ་དང་། བྱང་ཆུབ་སེམས་དཔས་བཟུང་ནས་མདའ་ཕྱུང་སྟེ་སྨན་གྱིས་གླན་ནས་སོས་སོ། །ལྷས་བྱིན་གྱིས་བྱང་ཆུབ་སེམས་དཔའ་ལ་སྤྲིང་བ། ངང་པའོ་ནི་སྔར་ངས་བཟུང་བ་ཡིན་གྱིས་
D1.003.0290b05.01སྐུར་ཅིག །བྱང་ཆུབ་སེམས་དཔས་སླར་སྤྲིང་བ། ངས་གང་གི་ཚེ་ཁོ་ན་སེམས་ཅན་ཐམས་ཅད་ལ་ཕན་པའི་ལྷག་པའི་བསམ་པས་བྱང་ཆུབ་ཏུ་སེམས་བསྐྱེད་པ་དེ་ཁོ་ནའི་ཚེ་ངས་སེམས་ཅན་ཐམས་ཅད་བཟུང་བ་ཡིན་ནོ། །དེར་བྱང་ཆུབ་སེམས་དཔའ་དང་ལྷས་བྱིན་
D1.003.0290b06.01ལྷན་ཅིག་སྲིད་པ་ཐ་མ་ལ་ཐོག་མར་ཤ་ཁོན་དེ་བྱུང་སྟེ། སྲིད་པ་གཞན་རྣམས་སུ་ནི་ཕལ་མོ་ཆེ་ཞིག་ཀྱང་བྱུང་ངོ་། །ལེགས་པར་རབ་སད་ཀྱིས་གཞོན་ནུ་རྣམས་ཤིང་དགེ་བའི་སྙིང་པོ་དབྱུང་བའི་ཕྱིར་ལྷགས་སོ་ཞེས་ཐོས་ནས་དེས་སྐྱེ་བོའི་ཚོགས་ཆེན་པོ་མངགས་ཏེ། སྐྱེ་བོའི་
D1.003.0290b07.01