完整藏文原文 · 德格版页 当前仅加载第 3 函德格 64b 版页；藏文 NFD、目录标记与异常页序保留在来源切片中，重复版页行以稳定序号区分。
མའི་སྦུབས་སུ་ཕྱེ་མ་བླུགས་ཏེ་ཁས་བུས་པ་དང་ཕྱེ་མས་ནང་གྲོལ་རྣམས་ལ་རེག་ནས་སོས་པར་གྱུར་ཏོ། །དེས་ཀྱང་འཚོ་བྱེད་ལ་ཀཱར་ཥཱ་པ་ཎ་ལྔ་བརྒྱ་བྱིན་པ་དང་། དེས་ཀྱང་དེ་རྒྱུན་ཤེས་ཀྱི་བུ་ལ་བསྐུར་རོ། །བཅོམ་བརླག་ན་ཁྱིམ་བདག་ཅིག་ཡོད་པ་དེའི་ཆུང་མ་གཟུགས་དང་ལང་ཚོ་ཕུན་
D1.003.0064b01.01སུམ་ཚོགས་པ་ཡིན་པས་དེ་དེ་ལ་ལྷག་པར་ཆགས་ཤིང་འདུག་པ་ལས་ཤི་ནས་དེ་ཉིད་ཀྱི་མོ་མཚན་གྱི་སྲིན་བུར་སྐྱེས་པར་གྱུར་ཏེ། དེ་གང་དང་ལྷན་ཅིག་དགའ་མགུར་སྤྱོད་པ་དེ་ཤི་བར་བྱེད་དོ། །དེ་ནས་དེ་དང་འགའ་ཡང་ལྷན་ཅིག་དགའ་མགུར་སྤྱོད་པར་མི་བྱེད་དོ། །དེས་སྨན་པ་འཚོ་
D1.003.0064b02.01བྱེད་དེར་འོངས་སོ་ཞེས་ཐོས་ནས་དེ་དེའི་དྲུང་དུ་སོང་སྟེ་སྨྲས་པ། འཚོ་བྱེད་བདག་ལ་བྲོ་ནད་མཆིས་ཀྱིས་དཔྱད་མཛོད་ཅིག །འཚོ་བྱེད་ཀྱིས་དེ་མཐོང་ཞིང་སྨྲ་བའི་ཚིག་ཐོས་ནས་ཆགས་པས་སྨྲས་པ། དམ་ཞིག་བཅའ་སྟེ། གལ་ཏེ་བདག་དང་ལྷན་ཅིག་དགའ་མགུར་སྤྱད་པ་ལྟ་ན་དཔྱད་
D1.003.0064b03.01བྱའོ། །དེས་སྨྲས་པ། གཡར་ཚ་ལགས་སོ། །དེས་སྨྲས་པ། ཁྱོད་ཀྱིས་དཔྱད་གཞན་ནི་མེད་དོ། །བདག་ལས་ཕངས་པ་གཞན་མེད་པས་དེས་ཁས་བླངས་སོ། །དེ་ནས་དེས་སྒྲེན་མོར་ཕྱུང་སྟེ་བཟོ་བཅོས་བྱས་ནས་མོ་མཚན་གྱི་སྒོར་ཤའི་དུམ་བུ་ཞིག་བཞག་པ་ལས། དེ་ནས་
D1.003.0064b04.01སྲིན་བུ་དེ་དེ་ལ་ཆགས་པ་དང་དེས་དེ་བླངས་ནས་བོར་ཏེ་སོས་པར་གྱུར་ཏོ། དེ་འདོད་པའི་འདོད་ཆགས་ལ་ལྷག་པར་ཞེན་པས་བརྡ་ཞིག་བྱས་པ་དང་དེས་རྣ་བ་གཉིས་བཀག་སྟེ་སྨྲས་པ། ཁྱོད་ཁོ་བོའི་སྲིང་མོ་དང་འདྲ་སྟེ་ཁྱོད་ཀྱི་དཔྱད་དེ་ཡིན་པས་ཁོ་བོས་དེ་ལྟར་བྱས་པར་ཟད་དོ། །དེས་
D1.003.0064b05.01ཀྱང་དེ་ལ་ཀཱར་ཥཱ་པ་ཎ་ལྔ་བརྒྱ་བྱིན་པ་དང་། དེས་དེ་ཡང་རྒྱུན་ཤེས་ཀྱི་བུ་ལ་བསྐུར་རོ། །དེ་ནས་འཚོ་བྱེད་རིམ་གྱིས་ཆུ་བོ་ཡ་མུ་ནའི་འགྲམ་དུ་ཕྱིན་པ་དང་། དེས་དེ་ན་མི་རོ་ཞིག་ཡོད་པ་དེའི་བཏིང་བའི་ཕྱོགས་ན་རྒྱུས་པའི་བྲེང་ཡོད་པ་ཉ་རྣམས་ཀྱིས་དྲངས་པ་ལས་དེའི་མིག་འབྱེད་པ་
D1.003.0064b06.01དང་འཛུམས་པ་མཐོང་ནས། འཚོ་བྱེད་ཀྱིས་དེ་ཐམས་ཅད་བརྟགས་ཏེ། ཇི་ལྟར་རྒྱུས་པ་དང་ལོང་མོ་ལ་སོགས་པའི་ཚིགས་ཀྱི་འབྲེལ་ཐབས་ནི་དེ་ཁོ་ན་ལྟར་འདུག་གོ་སྙམ་ནས། དེ་རིམ་གྱིས་ཡངས་པ་ཅན་དུ་ཕྱིན་པ་དང་། ཇི་ཙམ་ན་གྱད་ཀྱིས་གྱད་གཅིག་ཐལ་མོས་བསྣུན་པས་
D1.003.0064b07.01