完整藏文原文 · 德格版页 当前仅加载第 3 函德格 263a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲིམས་ཉམས་སུ་བླངས་ཏེ་གནས། ཤེས་རབ་ཉམས་སུ་བླངས་ཏེ་གནས་པས་རྒྱལ་པོ་རྒྱལ་པོ་ཞེས་བྱ་བར་གྲགས་སོ། །གཽ་ཏ་མ་དག་རྒྱལ་པོ་མང་པོས་བཀུར་གྱི་ཚེ་མི་རྣམས་ཀྱི་མིང་སེམས་ཅན་སེམས་ཅན་ཞེས་བྱ་བར་གྱུར་ཏོ། །གཽ་ཏ་མ་དག་རྒྱལ་པོ་མང་
D1.003.0263a01.01པོས་བཀུར་བའི་བུ་འོད་མཛེས་ཞེས་བྱ་སྟེ། གཽ་ཏ་མ་དག་རྒྱལ་པོ་འོད་མཛེས་ཀྱི་ཚེ་མི་རྣམས་ཀྱི་མིང་ཚུར་ཤོག་ཚུར་ཤོག་ཅེས་བྱ་བར་གྱུར་ཏོ། །འོད་མཛེས་ཀྱི་བུ་དགེ་བ་ཞེས་བྱ་སྟེ། གཽ་ཏ་མ་དག་རྒྱལ་པོ་དགེ་བའི་ཚེ་མི་རྣམས་ཀྱི་མིང་སྨེ་བ་ཅན་སྨེ་བ་ཅན་ཞེས་བྱ་བར་གྱུར་ཏོ། །གཽ་ཏ་
D1.003.0263a02.01མ་དག་རྒྱལ་པོ་དགེ་བའི་བུ་དགེ་མཆོག་ཅེས་བྱ་སྟེ། གཽ་ཏ་མ་དག་རྒྱལ་པོ་དགེ་མཆོག་གི་ཚེ་མི་རྣམས་ཀྱི་མིང་སྤྲིན་མགྲིན་སྤྲིན་མགྲིན་ཞེས་བྱ་བར་གྱུར་ཏོ། །དགེ་མཆོག་གི་བུ་གསོ་སྦྱོང་འཕགས་ཞེས་བྱ་སྟེ། གཽ་ཏ་མ་དག་རྒྱལ་པོ་གསོ་སྦྱོང་འཕགས་ཀྱི་ཚེ་མི་རྣམས་ཀྱི་མིང་ཏ་ལའི་རྐང་ཏ་ལའི་
D1.003.0263a03.01རྐང་ཞེས་བྱ་བར་གྱུར་ཏོ། །རྒྱལ་པོ་གསོ་སྦྱོང་འཕགས་ཀྱི་སྤྱི་བོར་ཤ་རྨེན་ཞིག་སྐྱེས་པ་འཇམ་ཞིང་ཤིན་ཏུ་མཉེན་ཏེ། དཔེར་ན་ཤིང་བལ་གྱི་འདབ་མའམ། རས་བལ་གྱི་འདབ་མ་བཞིན་དུ་ཅུང་ཟད་ཀྱང་གནོད་པ་མི་སྐྱེད་དོ། །དེ་སྨིན་ནས་བརྟོལ་བ་དང་ཁྱེའུ་གཟུགས་བཟང་
D1.003.0263a04.01བ། བལྟ་ན་སྡུག་པ། མཛེས་པ། སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱིས་ཀུན་ནས་བརྒྱན་པ་ཞིག་བྱུང་སྟེ། སྤྱི་བོ་ལས་སྐྱེས་པས་སྤྱི་བོ་སྐྱེས་སྤྱི་བོ་སྐྱེས་ཞེས་བྱ་བར་གྱུར་ཏོ། །གཞོན་ནུ་བྱུང་མ་ཐག་ཏུ་རྒྱལ་པོ་གསོ་སྦྱོང་འཕགས་ཀྱི་བཙུན་མོ་དྲུག་ཁྲིའི་ནང་དུ་བཀྲི་བ་དང་།
D1.003.0263a05.01དེ་ཐམས་ཅད་ཀྱི་ནུ་མ་ལས་འོ་མ་ཟགས་ནས་རེ་རེས་ང་ལས་ནུ་ང་ལས་ནུ་ཞེས་སྨྲས་པས་ང་ལས་ནུ་ང་ལས་ནུ་ཞེས་བྱ་བར་གྲགས་སོ། །གཽ་ཏ་མ་དག་རྒྱལ་པོ་ང་ལས་ནུ་གང་གི་ཚེ་རྒྱལ་སྲིད་བྱེད་པ་དེའི་ཚེ་མི་རྣམས་སེམས་པར་བྱེད། འཇལ་བར་བྱེད། ཉེ་བར་རྟོག་པར་བྱེད་དོ། །
D1.003.0263a06.01དེ་རྣམས་བསམས། གཞལ། ཉེ་བར་བརྟགས་ནས་བཟོའི་གནས་དང་ལས་ཀྱི་གནས་ཐ་དད་པ་དག་བྱེད་དུ་འཇུག་པས་དེས་ན། དེ་རྣམས་ཡིད་ལས་སྐྱེས་ཡིད་ལས་སྐྱེས་ཞེས་བྱ་བར་གྲགས་སོ། །གཽ་ཏ་མ་དག་རྒྱལ་པོ་དྲུག་པོ་འདི་དག་ནི་ཚེ་ཚད་མེད་ཅིང་ཚེ་དཔག་ཏུ་མེད་
D1.003.0263a07.01