完整藏文原文 · 德格版页 当前仅加载第 3 函德格 210a 版页；藏文 NFD、目录标记与异常页序保留在来源切片中，重复版页行以稳定序号区分。
ལམ་གྱིས་དུབ་པ་ངལ་སོས་ནས་དེ་རྣམས་ཀྱིས་སྨྲས་པ། ཚེ་དང་ལྡན་པ་དག་བདག་ཅག་ལ་གནས་མལ་སྐོས་ཤིག །དེ་རྣམས་ཀྱིས་དབྱར་གྱི་ནང་ལོགས་ཡིན་ནོ་སྙམ་ནས་མ་བསྐོས་པ་དང་། གློ་བུར་བའི་དགེ་སློང་རྣམས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་དེ། ཚེ་དང་ལྡན་
D1.003.0210a01.01པ་དག་ཁྱེད་ད་ལྟར་སྟོན་པ་ཉིད་བཞུགས་བཞིན་དུ་བསྟན་པ་ནུབ་པར་བྱེད་དམ་ཅི། གལ་ཏེ་ཁྱེད་ལ་འགྱོད་པ་ཡོད་ན་རྒན་རིམས་ཇི་ལྟ་བ་བཞིན་དུ་གནས་མལ་བྱིན་ཅིག །དེ་རྣམས་འོན་ཀྱང་མ་བསྐོས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བྱུང་བ་འདི་ལ་བཅོམ་ལྡན་འདས་ཀྱིས་
D1.003.0210a02.01བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། འཇིགས་པས་རལ་བའི་དགེ་སློང་རྣམས་ཀྱི་ཕྱིར་དབྱར་གཉིས་པར་གནས་བར་དམ་བཅའ་བར་བྱའོ། །དགེ་སློང་རྣམས་ཀྱིས་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཟླ་བ་གསུམ་པའི་དགག་དབྱེ་བྱ་ཞིང་དབྱར་ཟླ་ཐ་{ཆུངས་,ཆུང་}ལ་དབྱར་ཕྱི་མར་
D1.003.0210a03.01གནས་པར་དམ་བཅའ་བར་བྱའོ། །བཅོམ་ལྡན་འདས་ཀྱིས་འཇིགས་པས་རལ་བའི་དགེ་སློང་རྣམས་ཀྱི་ཕྱིར་དབྱར་གཉིས་པར་གནས་པར་དམ་བཅའ་བར་བྱའོ་ཞེས་གསུངས་པ་དང་། ཅི་ཙམ་ན་འཇིགས་པས་རལ་བའི་དགེ་སློང་གཞན་དག་ཀྱང་མཉན་ཡོད་དུ་ལྷགས་པའི་སྐབས་དེ་དགེ་སློང་རྣམས་ཀྱིས་
D1.003.0210a04.01བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ངས་འཇིགས་པས་རལ་བའི་དགེ་སློང་རྣམས་ལ་བརྟེན་ནས་དབྱར་གཉིས་པར་གནས་པར་དམ་བཅའ་བར་བཅས་ཀྱི་གསུམ་པ་ནི་མ་ཡིན་ནོ། །འཇིགས་པས་རལ་བའི་དགེ་སློང་རྣམས་ཀྱང་སྨོས་འདྲིན་ཇི་ལྟ་བ་
D1.003.0210a05.01བཞིན་དུ་ངལ་སོར་གཞུག་པར་བྱའོ། །དགེ་སློང་རྣམས་ཀྱིས་དེ་རྣམས་ལས་སུ་སྐོ་བར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། དེ་རྣམས་ལས་སུ་བསྐོ་བར་མི་བྱའོ། །དགེ་སློང་རྣམས་ཀྱིས་དེ་རྣམས་ལ་རྙེད་པ་བྱིན་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་རྣམས་ལ་རྙེད་པ་མི་སྦྱིན་ནོ། །དགེ་སློང་རྣམས་
D1.003.0210a06.01ཀྱིས་ཁ་ཟས་ཀྱི་རྙེད་པ་ཡང་མ་བྱིན་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་རྣམས་ལ་ཁ་ཟས་ཀྱི་རྙེད་པ་ནི་སྦྱིན་གྱི་གོས་ཀྱི་རྙེད་པ་ནི་མ་ཡིན་ནོ། །དད་པ་ཅན་རྣམས་ཀྱིས་གཙུག་ལག་ཁང་མང་དུ་བརྩིགས་པ་ལས་མཉན་ཡོད་ན་དགེ་སློང་ཉུང་ངུ་ཞིག་དབྱར་གནས་པར་དམ་བཅས་ཏེ། དེ་རྣམས་སྟོང་པར་
D1.003.0210a07.01