完整藏文原文 · 德格版页 当前仅加载第 3 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ནི་བུད་མེད་རིན་པོ་ཆེ་འདི་ཁོ་ན་ལ་འོས་སོ། །གཅིག་ནང་དུ་ཞུགས་པ་ན་ཅིག་ཤོས་ནང་དུ་མི་འཇུག་པར་བྱའོ་ཞེས་གང་སྨྲ་བ་དེ་ཡང་བདེན་ཏེ་ཤ་ཁོ་ན་རྣམས་ལས་ནི་འདི་ལྟ་སྟེ། བུད་མེད་ཀྱི་ཤ་ཁོ་ན་ཐ་ཆད་ཡིན་པས་གལ་ཏེ་གཅིག་ནང་དུ་ཞུགས་པ་ན་ཅིག་ཤོས་ཀྱང་ནང་དུ་ཞུགས་ན་
D1.003.0057a01.01གདོན་མ་ཟོས་པར་གཅིག་ལ་གཅིག་གསོད་པར་འགྱུར་རོ། །ནང་དུ་འཇུག་པ་དེས་ཀཱར་ཥཱ་པ་ཎ་ལྔ་བརྒྱ་ཐོགས་ཏེ་ནང་དུ་འཇུག་པར་བྱའོ་ཞེས་གང་སྨྲས་པ་དེ་ཡང་བདེན་ཏེ། གདོན་མི་ཟ་བར་དེའི་གོས་དང་རྒྱན་དུ་དགོས་སོ། །ཞག་བདུན་ལོན་པ་ན་ཁང་པ་བྱུལ་བར་བྱའོ་ཞེས་གང་སྨྲས་པ་དེ་ཡང་
D1.003.0057a02.01བདེན་ཏེ། སྔར་རམ་ཕྱིས་བྱས་ཀྱང་རུང་དེ་ལ་འགལ་བ་ཅི་ཞིག་ཡོད། སྐྱེས་པ་རྣམས་ཀྱི་ཕྱིར་འབྱུང་བ་དང་ནང་དུ་འཇུག་པ་ལ་མི་བརྟག་གོ་ཞེས་གང་སྨྲས་པ་དེ་ཡང་བདེན་ཏེ། འདི་སྨད་འཚོང་མ་ཡིན་པས་གལ་ཏེ་མི་རྣམས་ཀྱི་ཕྱིར་འབྱུང་བ་དང་ནང་དུ་འཇུག་པ་བརྟགས་ན་སུ་ཞིག་དེའི་ཁྱིམ་དུ་
D1.003.0057a03.01འཇུག །དེ་ནས་ཚོགས་ཀྱིས་དེ་ལ་མཆོག་ལྔ་བྱིན་ནས་ཚོགས་ཀྱིས་སྤྱད་པར་གྱུར་ཏོ། །ཡངས་པ་ཅན་གྱི་ལིཙྪ་བཱི་རྣམས་ཀྱིས་དགའ་མགུར་སྤྱད་པའི་ཕྱིར་དེའི་ཁྱིམ་དུ་འཇུག་པར་བརྩམས་པ་ལས། དེ་ན་ཁ་ཅིག་ནི་ཡུལ་ལ་ཆགས་ཆེས་པའི་ཕྱིར་མཐོང་མ་ཐག་ཁོ་ནར་འདོད་ཆགས་དང་བྲལ་
D1.003.0057a04.01བར་གྱུར་ཏོ། །ཁ་ཅིག་གིས་ནི་རེག་པ་ཁོ་ནས་ཏེ། དེ་ལ་འགས་ཀྱང་སྐྱེས་པའི་བྱ་བ་མ་བྱས་སོ། །དེས་བསམས་པ། འདི་དག་ནི་སྐྱེས་པ་མ་ཡིན་གྱིས་ཐབས་ཤིག་བཤམས་པར་བྱའོ་སྙམ་ནས། དེས་ཡུལ་སྣ་ཚོགས་ན་གནས་པའི་རི་མོ་མཁན་རྣམས་བཀུག་ནས་སྨྲས་པ། ཤེས་ལྡན་དག་
D1.003.0057a05.01གང་ན་རྒྱལ་པོའམ་བློན་པོའམ་ཕྱུག་པོའམ། ཚོང་དཔོན་ནམ། ཚོང་པའམ། དེད་དཔོན་ཅི་འདྲ་བ་ཞིག་མཐོང་བ་དེ་འདྲ་བ་དག་རྩིག་པ་ལ་བྲིས་ཤིག །དེ་རྣམས་ཀྱིས་ཇི་ལྟར་མཐོང་བ་བཞིན་བྲིས་པ་དང་། དེ་ནས་ཨ་མྲ་སྐྱོང་མ་རྒྱན་སྣ་ཚོགས་ཀྱིས་བརྒྱན་ནས་རི་མོའི་ལས་རྣམས་ལ་སོ་སོར་བརྟགས་
D1.003.0057a06.01ཏེ་དྲིས་པ། ཤེས་ལྡན་དག་འདི་གང་ཞིག་འདི་ནི་རྒྱལ་པོ་རབ་སྣང་ངོ་། །གཞན་འདི་གང་ཞིག །ཀོ་ས་ལའི་རྒྱལ་པོ་གསལ་རྒྱལ་ལོ། །གཞན་འདི་གང་ཞིག་བད་ས་ལའི་རྒྱལ་པོ་འཆར་བྱེད་དོ། །གཞན་འདི་གང་ཞིག །མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་སྙིང་པོའོ། །དེས་དེ་
D1.003.0057a07.01