完整藏文原文 · 德格版页 当前仅加载第 3 函德格 212a 版页；藏文 NFD、目录标记与异常页序保留在来源切片中，重复版页行以稳定序号区分。
རེ་རེར་བྱུག་པ་དང་། ཕྱག་དར་བྱས་སོ། །ཕྱག་དར་བྱེད་པ་ལ་ནི་ཕན་ཡོན་ལྔ་ཡོད་དེ། འདི་ལྟ་སྟེ། བདག་ཉིད་སེམས་དང་བར་འགྱུར་བ་དང་། གཞན་སེམས་དང་བར་འགྱུར་བ་དང་། ལྷ་རྣམས་ཡིད་དགའ་བར་འགྱུར་བ་དང་། མཛེས་པར་འགྱུར་བའི་དགེ་བའི་
D1.003.0212a01.01རྩ་བ་སོགས་པ་དང་། ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་ལྷ་རྣམས་སུ་སྐྱེ་བར་འགྱུར་རོ། །གང་དག་གིས་གཙུག་ལག་ཁང་དེ་བྱུག་པ་དང་ཕྱག་དར་བྱས་པ་མཐོང་བ་དེ་དག་གིས་ཁྱིམ་བདག་དེའི་དྲུང་དུ་སོང་སྟེ་སྨྲས་པ་དེས་ཐོས་ནས་མཆོག་ཏུ་དགའ་བ་སྐྱེས་སོ། །ཇི་ཙམ་
D1.003.0212a02.01དུས་གཞན་ཞིག་ན་རང་ཉིད་དེར་སོང་ན་གཙུག་ལག་ཁང་དེ་དེ་བཞིན་དུ་བྱུག་པ་དང་། ཕྱག་དར་བྱེད་པ་མཐོང་ནས་དེ་དད་པ་སྐྱེས་ཏེ། དེས་བསོད་སྙོམས་པ་ལ་རས་ཡུག་ཆེན་བསྐོན་པ་ཉེ་{དགའས་,དགས་}ཐོས་ནས་དེ་རིངས་པ་རིངས་པར་སོང་སྟེ་སྨྲས་པ། བསོད་སྙོམས་པ་གཙུག་ལག་ཁང་འདི་ཁོ་བོའི་སྐལ་
D1.003.0212a03.01བ་ཡིན་གྱིས། རས་ཡུག་ཆེན་པོ་ཁོ་བོ་ལ་བྱིན་ཅིག །བསོད་སྙོམས་པས་བསམས་པ། ཆགས་པའི་བདག་ཉིད་ཅན་འདི་ལ་གལ་ཏེ་བདག་གིས་མ་བྱིན་ཡང་འོན་ཀྱང་འདིས་མཐུས་ཁྱེར་ནས་བདག་ཀྱང་གཙུག་ལག་ཁང་ནས་བསྐྲད་པར་འགྱུར་རོ་སྙམ་ནས་དེས་དེ་ལ་བྱིན་པའི་སྐབས་དེ་དགེ་
D1.003.0212a04.01སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བྱུང་བ་འདི་ལ་བཅོམ་ལྡན་འདས་ཀྱིས་བཀའ་སྩལ་པ། གང་ལ་དད་པ་སྐྱེས་ནས་དད་པའི་ལྷག་པར་བྱ་བ་བྱས་པ་ནི་དེ་ཁོ་ནའི་ཡིན་ནོ། །དབྱར་གྱི་རྙེད་པ་ནི་ཉེ་དགའི་ཡིན་ནོ། །འཇིག་རྟེན་ནི་ཡོན་ཏན་ལ་དགའ་བ་ཡིན་པས་བདག་ཉིད་དང་བུ་དང་
D1.003.0212a05.01ཆུང་མ་སྡུག་བསྔལ་བར་གྱུར་ཀྱང་ཡོན་ཏན་དང་ལྡན་པ་ལ་སྦྱིན་པ་སྦྱིན་པར་བྱེད་དེ། བྲམ་ཟེ་དང་ཁྱིམ་བདག་དད་པ་ཅན་རྣམས་དགེ་སློང་དགོན་པ་པ་རྣམས་ཟས་ལ་མགྲོན་དུ་འབོད་པར་བྱེད་དོ། །དགེ་སློང་དགོན་པ་པ་རྣམས་ཟས་ལ་ཁྱིམ་རྣམས་སུ་དོང་བ་དང་མ་བྱིན་པར་ལེན་པ་རྣམས་ཀྱིས་
D1.003.0212a06.01གཙུག་ལག་ཁང་ནས་བརྐུས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། སྒོ་བཅད་ལ་ལྡེ་མིག་བླངས་ལ་དོང་བར་བྱའོ། །མ་བྱིན་པར་ལེན་པ་རྣམས་ཀྱིས་ཀྱང་ལྡེ་མིག་བྱས་ཏེ་བརྐུས་ནས། བཅོམ་ལྡན་འདས་ཀྱིས་བཀའ་སྩལ་པ། སྲུང་མའི་དགེ་སློང་བཞག་ལ་དོང་བར་
D1.003.0212a07.01