完整藏文原文 · 德格版页 当前仅加载第 3 函德格 285a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་མཆོད་ཡོན་སྦྲེང་བས་མཆོད་ནས་སྟན་བསྟབས་ཏེ་འདུག་པ་དང་། རྒྱལ་པོ་ཟས་གཙང་གིས་བཤེས་པའི་གཏམ་གྱིས་ཀུན་དུ་དགའ་བར་བྱས་ནས་སྨྲས་པ། དྲང་སྲོང་ཆེན་པོ་དགོས་པ་ཅི་ཞིག་ལ་འོངས། དེས་སྨྲས་པ། རྒྱལ་ཆེན་བདག་ཅག་
D1.003.0285a01.01འདིར་མཆིས་པ། །ཁྱོད་ཀྱི་སྲས་ནི་མཐོང་བར་འཚལ། །འཇིག་རྟེན་གཙོ་བོ་རྣམ་འདྲེན་པ། །ཐུབ་པ་དེ་ནི་མཐོང་བར་འཚལ། །རྒྱལ་པོས་སྨྲས་པ། གལ་ཏེ་དེ་ལྟ་ན་གཞོན་ནུ་ཉལ་གྱིས་མ་སད་ཀྱི་བར་དུ་རེ་ཞིག་སྐད་ཅིག་སྡོད་ཅིག །དེས་སྨྲས་པ། ལྷ་མནལ་
D1.003.0285a02.01ལོག་པ་ཉིད་བལྟའོ། །དེ་བཞིན་གྱིས་ཤིག །དེས་ཇི་ཙམ་ན་བྱང་ཆུབ་སེམས་དཔའ་མིག་མ་བཙུམས་པར་གཟུགས་རྣམས་ལ་བལྟ་བ་མཐོང་ནས་དེས་ཚིགས་སུ་བཅད་དེ་སྨྲས་པ། རིགས་དང་ལྡན་པའི་རྟ་རྣམས་ནི། །མཚན་མོའི་བཞི་ཆ་ཉལ་བ་ལྟར། །དགོས་པ་དོན་
D1.003.0285a03.01གཉེར་རྣམས་ཀྱི་གཉིད། །མིག་ལ་ཡུན་རིང་མི་གནས་སོ། །དེ་ནས་བྱང་ཆུབ་སེམས་དཔའ་བལྟམ་པའི་མོད་ཀྱི་མ་མས་པང་དུ་བླངས་ནས་དྲང་སྲོང་ལ་བྱིན་པ་དང་། དྲང་སྲོང་ཉོན་མོངས་མེད་ཀྱིས་ལག་པ་གཉིས་ཀྱིས་བླངས་ནས་ཡུད་ཙམ་ཞིག་བརྟགས་ཏེ་སྨྲས་པ། ལྷ་
D1.003.0285a04.01གཞོན་ནུ་མཚན་མཁན་དང་ལྟས་མཁན་གྱི་བྲམ་ཟེ་རྣམས་ལ་བསྟན་ལགས་སམ། རྒྱལ་པོས་སྨྲས་པ། བསྟན་ཏོ། །དེ་རྣམས་ཀྱིས་ཇི་སྐད་དུ་ལུང་བསྟན། འཁོར་ལོས་སྒྱུར་བའི་རྒྱལ་པོར་འགྱུར་རོ་ཞེས་བྱ་བ་ནས་འཇིག་རྟེན་དུ་སྒྲ་རྣམ་པར་གྲགས་པར་འགྱུར་རོ་ཞེས་བྱ་བའི་
D1.003.0285a05.01བར་གོང་མ་བཞིན་དུའོ། །དེ་ནས་དྲང་སྲོང་ཉོན་མོངས་མེད་ཀྱིས་བྱང་ཆུབ་སེམས་དཔའ་མཐོང་ནས་ཚིགས་སུ་བཅད་དེ་སྨྲས་པ། ས་བདག་རྟོག་པ་པོ་རྣམས་བློ་འཁྲུལ་ཏེ། །རྩོད་པའི་དུས་ན་འཁོར་ལོས་སྒྱུར་མི་འབྱུང་། །བསོད་ནམས་མཆོག་གི་ཆོས་ཀྱི་མཛོད་འདི་ནི། །ཉེས་
D1.003.0285a06.01ལས་རྣམ་པར་རྒྱལ་ནས་སངས་རྒྱས་འགྱུར། །མཚན་མི་གསལ་དང་ལྡན་ན་མི་དབང་པོ། །གླིང་བཞི་རྣམས་ཀྱི་བདག་པོ་དབང་ཕྱུག་འགྱུར། །ཐུབ་དབང་མཚན་ནི་ཤིན་ཏུ་གསལ་བས་ན། །མི་མཆོག་སངས་རྒྱས་ཆོས་ཀྱི་འཁོར་ལོས་སྒྱུར། །ཞེས་སྨྲས་ནས་བདག་ཉིད་ཀྱི་
D1.003.0285a07.01