完整藏文原文 · 德格版页 当前仅加载第 3 函德格 76a 版页；藏文 NFD、目录标记与异常页序保留在来源切片中，重复版页行以稳定序号区分。
ས་ལའི་རྒྱལ་པོ་གསལ་རྒྱལ་ནད་ཀྱིས་ཐེབས་ནས་དེས་སྨན་པ་རྣམས་བཀུག་སྟེ་དྲིས་པ་དང་། དེ་རྣམས་ཀྱིས་སྨྲས་པ། ལྷ་གལ་ཏེ་ངང་པས་འཚལ་ཏེ་མཆིས་པའི་སཱ་ལུ་བརྙེས་ན་དེ་ལ། འཇམས་བསྒྲལ་ནས་གསོལ་ཅིག་དང་། སོས་པར་འགྱུར་ལགས་སོ། །
D1.003.0076a01.01རྒྱལ་པོས་བློན་པོ་རྣམས་བཀུག་ནས་སྨྲས་པ། ཤེས་ལྡན་དག་ཁྱེད་ལ་ངང་པས་ཁྱེར་ཏེ་འོངས་པའི་སཱ་ལུའི་སྙེ་མ་བྱིན་པ་དེ་དག་ཁྱེད་ཀྱིས་ཅིར་བྱས། དེ་ནས་ཁ་ཅིག་གིས་སྨྲས་པ། ལྷ་བདག་ཅག་གིས་ནི་ལྷ་ཁང་དུ་ཕུལ་ལོ། །གཞན་དག་གིས་སྨྲས་པ། བདག་ཅག་གིས་མེའི་
D1.003.0076a02.01ནང་དུ་སྩལ་ཏོ། །གཞན་དག་གིས་སྨྲས་པ། བདག་གིས་སྒོ་ཁང་དུ་བཏགས་སོ། །{རི་དགས་,རི་དྭགས་}འཛིན་གྱིས་སྨྲས་པ། ལྷ་བདག་གིས་ས་ག་མ་ལ་སྩལ་ན་རེ་ཞིག་དེས་ཅིར་བགྱིས་རྨ་བར་འཚལ་ལོ། །དེས་ས་ག་མ་ལ་དྲིས་པ་དང་། དེས་སྨྲས་པ། ཇོ་བོ་ཅི་ངང་པས་འཚལ་ཏེ་མཆིས་
D1.003.0076a03.01པའི་སཱ་ལུ་འཚལ་བ་ཞིག་མཆིས་སམ། རྒྱལ་པོ་སྙུན་གྱིས་ཐེབས་པ་ལ་སྨན་པ་རྣམས་ཀྱིས་ངང་པས་ཁྱེར་ཏེ་འོངས་པའི་སཱ་ལུ་བསྟན་ཏོ། །དེ་ནས་ས་ག་མས་གསེར་སྣོད་ཀྱི་ནང་དུ་ངང་པས་ཁྱེར་ཏེ་འོངས་པའི་འབྲས་ཀྱིས་བཀང་ནས་རྒྱལ་པོ་ལ་བསྐུར་བ་ལས་རྒྱལ་པོས་ཟོས་ནས་སོས་
D1.003.0076a04.01པར་གྱུར་ཏོ། །དུས་གཞན་ཞིག་ན་རྒྱལ་པོ་ལ་ལྗོངས་ཀྱི་མི་རྣམས་ཀྱིས་རྟ་རྒོད་མ་སྨད་གཉིས་ཤིག་ཕུལ་བ་ལས་དེ་ལ་མ་ནི་གང་ཡིན། རྟེའུ་ནི་གང་ཡིན་པ་འགས་ཀྱང་མ་ཤེས་ནས་རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་ལེགས་པར་རྟོགས་ལ་ང་ལ་གསོལ་ཅིག །
D1.003.0076a05.01བློན་པོ་རྣམས་ཀྱིས་ཉིན་ཐོག་ཐག་ཏུ་དཔྱད་ན་དུབ་སྟེ་གཏན་ལ་མ་ཕེབས་སོ། །{རི་དགས་,རི་དྭགས་}འཛིན་ཕྱི་དྲོ་ཁྱིམ་དུ་སོང་བ་དང་ས་ག་མས་རྐང་པ་གཉིས་ལ་གཏུགས་ནས་སྨྲས་པ། ཇོ་བོ་ཇི་སྟེ་དེ་རིང་རིང་ཞིག་ལོན་ནས་གཤེགས། དེས་ཇི་ལྟར་གྱུར་པ་རྣམས་རྒྱས་པར་སྨྲས་པ་དང་ས་ག་
D1.003.0076a06.01མས་སྨྲས་པ། ཇོ་བོ་འདི་ལ་དཔྱད་དུ་ཅི་ཞིག་མཆིས། དེ་གཉིས་ཆས་མཉམ་པར་སྩལ་དང་བུ་གང་ལགས་པ་དེ་ནི་མྱུར་དུ་འཚལ་ནས་མའི་སྐལ་བ་ལ་འཚལ་ལོ། །མ་གང་ལགས་པ་དེ་ནི་མི་འཚལ་བར་མགོ་སྟེ་ག་གེ་མཆིས་ཏེ། རྟགས་ནི་དེ་ལགས་སོ། །{རི་དགས་,རི་དྭགས་}འཛིན་གྱིས་བློན་པོ་
D1.003.0076a07.01