完整藏文原文 · 德格版页 当前仅加载第 3 函德格 134b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་དགེ་སློང་མིང་འདི་ཞེས་བགྱི་བ་ལ་མཐུན་པའི་གསོ་སྦྱོང་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་འདུན་གྱིས་མཐུན་པ་བྱིན་པའི་དགེ་སློང་གང་ལ་མཐུན་པའི་གསོ་སྦྱོང་བྱིན་པ་དེ་དང་། དགེ་འདུན་ལྷན་ཅིག་གཅིག་ཏུ་འདུག་ལ་གསོ་སྦྱོང་དང་། དགག་དབྱེ་དང་
D1.003.0134b01.01གསོལ་བ་དང་། གསོལ་བ་དང་གཉིས་དང་། གསོལ་བ་དང་བཞིའི་ལས་བྱས་ཏེ། དེ་ལ་འགྱོད་པར་མི་བྱའོ། །མི་མཐུན་པར་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་གིས་བཀྲ་ཤིས་ཀྱི་གསོ་སྦྱོང་དང་། མཐུན་པའི་གསོ་སྦྱོང་དང་། མི་བདེ་བ་ལ་གསོ་སྦྱོང་བྱ་བ་མ་གཏོགས་པར་
D1.003.0134b02.01གསོ་སྦྱོང་མ་ཡིན་པར་གསོ་སྦྱོང་མི་བྱའོ། །བྱེད་ན་འགལ་ཚབས་ཅན་དུ་འགྱུར་རོ། །ཀཽ་ཤཱམྦཱིའི་གཞི་རྫོགས་སོ།། །།འདུལ་བ་གཞི། བམ་པོ་དྲུག་བཅུ་དགུ་པ། ལས་ཀྱི་གཞིའི་སྡོམ་ནི། ཀ་ཤིའི་གནས་པའི་གྲོང་ཁྱེར་ན། །སྡེ་འཇོམས་ཀྱིས་ནི་དངོས་པོ་དང་། །ཙམ་པར་
D1.003.0134b03.01སངས་རྒྱས་བཅོམ་ལྡན་འདས། །ལས་མ་ཡིན་དང་སླར་ལོག་པའོ། །ཡུལ་ཀ་ཤིའི་གནས་པ་ཞེས་བྱ་བའི་གྲོང་ཁྱེར་ན་དགེ་སློང་སྡེ་འཇོམས་ཞེས་བྱ་བ་གནས་ཏེ། དེ་ལ་བརྟེན་ནས་གནས་པའི་གྲོང་ཁྱེར་གྱི་བྲམ་ཟེ་དང་ཁྱིམ་བདག་རྣམས་སངས་རྒྱས་དང་། ཆོས་དང་། དགེ་འདུན་
D1.003.0134b04.01ལ་བྱ་བ་བྱེད་དེ། །དགེ་སློང་གློ་བུར་བ་གང་དག་གནས་པའི་གྲོང་ཁྱེར་དུ་ལྷགས་ན་དེ་རྣམས་དེས་ངལ་སོར་བཅུག་སྟེ། ཡོ་བྱད་ཐམས་ཅད་ཀྱིས་བསྟབས་ནས་ལམ་གྱིས་དུབ་པ་ངལ་སོས་པ་དང་དགེ་སློང་རྣམས་ལ་བསོད་སྙོམས་སྦྱོར་བའི་ཁྱིམ་གང་ཡིན་པ་དེ་རྣམས་སུ་ཟས་ལ་གཏོང་བར་
D1.003.0134b05.01བྱེད་དོ། །ཇི་ཙམ་ན་རྒན་ཞུགས་ཤིག་གནས་པའི་གྲོང་ཁྱེར་དུ་དབྱར་གནས་ནས་དབྱར་གྱི་ཟླ་བ་གསུམ་པོ་དག་འདས་པ་དང་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ནས་དེ་ལྷུང་བཟེད་དང་ཆོས་གོས་ཁྱེར་ཏེ་མཉན་ཡོད་གང་ན་བ་དེར་རྒྱུ་ཞིང་དོང་སྟེ། རིམ་གྱིས་རྒྱུ་ཞིང་དོང་བ་དང་
D1.003.0134b06.01མཉན་ཡོད་དུ་ཕྱིན་ཏོ། །དྲུག་སྡེ་རྣམས་ཀྱི་ཀུན་ཏུ་སྤྱོད་པ་ནི་རྒྱལ་བུ་རྒྱལ་བྱེད་ཀྱི་ཚལ་གྱི་སྒོ་དྲུག་སྡེ་གང་ཡང་རུང་བས་སྟོང་པར་མི་འཇོག་པ་ཡིན་པས་རྒྱལ་བུ་རྒྱལ་བྱེད་ཀྱི་ཚལ་གྱི་སྒོ་ན་ཉེ་དགའ་འདུག་པ་དེས་རྒྱང་རིང་པོ་ཁོན་ནས་མགོ་སྤྲ་བའི་མེ་ཏོག་ལྟར་སྐྱ་བ་སྨིན་མ་འཕྱང་བ་ཞིག་མཐོང་ནས་
D1.003.0134b07.01