完整藏文原文 · 德格版页 当前仅加载第 3 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
སློང་དེ་ཤིའོ། །དེ་ནས་གོས་འགེད་པས་དེ་ལ་སྨྲས་པ། དགེ་སློང་དེའི་ལྷུང་བཟེད་དང་ཆོས་གོས་བགོ་དགོས་ཀྱིས་ཕུལ་ཅིག །དེས་སྨྲས་པ། དེས་ཁོ་བོ་ལ་ཅི་བདེར་བྱེད་དུ་བཅུག་གོ་ཞེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་
D1.003.0104b01.01ཀྱིས་བཀའ་སྩལ་པ། དགེ་སློང་དག་དེ་གསོན་པའི་ཚེ་ཉིད་ན་མ་བྱིན་ན་ཤི་ནས་སྦྱིན་པ་ལྟ་སྨོས་ཀྱང་ཅི་དགོས། བདག་ཤི་ནས་འདིའི་ཡིན་ནོ་ཞེས་བྱ་བའི་སྦྱིན་པ་འདི་ནི་མེད་པ་ཡིན་པས་བླངས་ཏེ་བགོས་ལ་དགེ་སློང་དེའི་རང་གི་སྐལ་བ་སྦྱིན་པར་བྱའོ། །དེའི་ཚེ་དགེ་སློང་ནད་ཀྱིས་ཐེབས་
D1.003.0104b02.01པ་སྡུག་བསྔལ་བ་ནད་ཚབས་ཆེ་བ་ཞིག་ཡོད་པ་དེ་ཤེས་པ་ཆུང་བས་དེའི་སྨན་མེད་ནས་དེས་ལུས་ཀྱི་གནས་ལ་བརྟགས་ཏེ་རིམ་གྲོ་བྱེད་པ་ལ་སྨྲས་པ། བདག་ལ་ཅི་ཡང་མེད་ཀྱིས་བདག་གི་ཆེད་དུ་མཆོད་པ་གྱིས་ཤིག །དེས་ཁས་བླངས་པ་ལས་དེ་ཤི་ནས་ངན་སོང་རྣམས་སུ་སྐྱེས་སོ། །
D1.003.0104b03.01དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་དགེ་སློང་ཤི་བ་གང་ཡིན་པ་དེས་རིམ་གྲོ་བྱེད་པ་ལ་ཇི་སྐད་སྨྲས། དེ་རྣམས་ཀྱིས་ཇི་ལྟར་གྱུར་པ་གསོལ་པ་དང་། དགེ་སློང་དག་དགེ་སློང་དེ་ལོག་པར་ལྟུང་ངོ་། །གལ་ཏེ་ཚངས་པ་མཚུངས་
D1.003.0104b04.01པར་སྤྱོད་པ་རྣམས་ཀྱིས་དེའི་ཆེད་དུ་དཀོན་མཆོག་གསུམ་ལ་མཆོད་པར་བྱས་པར་གྱུར་དང་དད་པ་སྐྱེས་པས་ལོག་པར་ལྷུང་བར་མི་འགྱུར་བ་ཞིག །དེ་ལྟ་བས་ན་དགེ་སློང་གིས་ཚངས་པ་མཚུངས་པར་སྤྱོད་པ་ན་བ་ཡལ་བར་མི་བཞག་སྟེ། ནད་གཡོག་སྦྱིན་པར་བྱའོ། །དེས་དེ་ལ་
D1.003.0104b05.01དྲིས་ཏེ། གལ་ཏེ་དེ་ལ་སྨན་མེད་ན་ཡོན་བདག་ལ་བསླང་བར་བྱའོ། །གལ་ཏེ་གྲུབ་ན་དེ་ལྟ་ན་ལེགས། ཇི་སྟེ་མ་གྲུབ་ན་དགེ་འདུན་གྱི་ལས་སྦྱིན་ནོ། །ཇི་སྟེ་དེ་ཡང་མ་གྲུབ་ན་དེ་བཞིན་གཤེགས་པའི་མཆོད་རྟེན་ནམ། དྲི་གཙང་ཁང་གི་གདུགས་སམ། རྒྱལ་མཚན་ནམ།
D1.003.0104b06.01རྒྱན་གང་ཡིན་པ་དེ་དགེ་འདུན་གྱིས་ཕོག་ལ་སྦྱིན་པར་བྱ་ཞིང་རིམ་གྲོ་བྱེད་པས་བསྒྱུར་ནས་རིམ་གྲོ་དང་སྟོན་པ་མཆོད་པར་བྱའོ། །སོས་པར་གྱུར་ན་དེ་ལ་འདི་ནི་སངས་རྒྱས་ཀྱི་ཡིན་ཏེ་ཁྱོད་ཀྱི་ཡོ་བྱད་དུ་སྤྱད་དོ་ཞེས་བརྗོད་པར་བྱའོ། །གལ་ཏེ་དེ་ལ་འབྱོར་པ་ཡོད་ན་དེས་འབད་དེ་
D1.003.0104b07.01