完整藏文原文 · 德格版页 当前仅加载第 3 函德格 222a 版页；藏文 NFD、目录标记与异常页序保留在来源切片中，重复版页行以稳定序号区分。
གོས་སྦེད་པ་དང་། གོས་འགེད་པ་དང་། དབྱར་གྱི་རས་ཆེན་སྦེད་པ་དང་། དབྱར་གྱི་རས་ཆེན་འགེད་པ་དང་། མངག་གཞུག་པ་དང་། མཛེས་འཆོས་པ་ཡང་དེ་བཞིན་ཏེ། ཆོས་ལྔ་དང་ལྡན་པའི་དགེ་སློང་མ་བསྐོས་པ་ནི་བསྐོ་བར་མི་བྱའོ། །བསྐོས་པ་
D1.003.0222a01.01ནི་དབྱུང་བར་བྱའོ། །ལྔ་གང་ཞེ་ན། འདུན་པས་འགྲོ་བ་དང་། ཞེ་སྡང་གིས་འགྲོ་བ་དང་། གཏི་མུག་གིས་འགྲོ་བ་དང་། འཇིགས་པས་འགྲོ་བ་དང་། མཛེས་པ་དང་མི་མཛེས་པ་མི་ཤེས་པ་སྟེ། ཆོས་འདི་ལྔ་དང་ལྡན་པའི་དགེ་སློང་མཛེས་འཆོས་པར་མ་བསྐོས་པ་ནི་བསྐོ་བར་
D1.003.0222a02.01མི་བྱའོ། །བསྐོས་པ་ནི་དབྱུང་བར་བྱའོ། །ཡང་ཆོས་ལྔ་དང་ལྡན་པའི་དགེ་སློང་མཛེས་འཆོས་པར་མ་བསྐོས་པ་ནི་བསྐོ་བར་བྱའོ། །བསྐོས་པ་ནི་དབྱུང་བར་མི་བྱའོ། །ལྔ་གང་ཞེ་ན། འདུན་པས་མི་འགྲོ་བ་དང་། ཞེ་སྡང་གིས་མི་འགྲོ་བ་དང་། གཏི་མུག་གིས་མི་འགྲོ་བ་
D1.003.0222a03.01དང་། འཇིགས་པས་མི་འགྲོ་བ་དང་། མཛེས་པ་དང་མི་མཛེས་པ་ཤེས་པ་སྟེ། ཆོས་འདི་ལྔ་དང་ལྡན་པའི་དགེ་སློང་མཛེས་འཆོས་པ་མ་བསྐོས་པ་ནི་བསྐོ་བར་བྱའོ། །བསྐོས་པ་ནི་དབྱུང་བར་མི་བྱའོ། །གཙུག་ལག་ཁང་དང་ཟས་འགེད་དང་། །ཐུག་པ་འབྲིམ་དང་བག་ཆོས་དང་། །
D1.003.0222a04.01ཕྲན་ཚེགས་སྣོད་སྤྱད་སྦེད་པ་དང་། །ཆོས་གོས་གཉིས་དང་དེ་བཞིན་དུ། །དབྱར་གྱི་རས་ཆེན་སྦེད་པ་དང་། །འགེད་པ་དང་ནི་མངག་གཞུག་དང་། །དེ་བཞིན་དུ་ནི་མཛེས་འཆོས་ཏེ། །གང་ཟག་བཅུ་གཉིས་ཡིན་པར་བཤད། །གནས་མལ་གྱི་གཞི་རྫོགས་སོ།། །།རྩོད་པ་ཞི་
D1.003.0222a05.01བར་བྱེད་པའི་གཞིའི་སྡོམ་ལ། འཐབ་དང་འགྱེད་པའི་རྩོད་པ་དང་། །རྩ་བ་གང་དང་དགེ་བ་གང་། །འགྱེད་པ་ཡིན་ལ་རྩོད་མིན་དང་། །འགྱེད་པ་དུས་ནི་ཞི་བ་དང་། །འགྱེད་པ་མངོན་སུམ་ཞི་བ་དང་། །ཚུལ་ཤིང་དག་ནི་བླང་བ་ཡིས། །གདམས་ངག་མེད་པ་མངོན་སུམ་དང་། །དྲན་དང་
D1.003.0222a06.01མ་མྱོས་འདུལ་འོས་དང་། །དེ་ཡི་ངོ་བོ་ཚོལ་གཞུག་དང་། །རྩྭ་བཀྲམ་ལྟ་བུར་འོས་པ་ཡིས། །དགེ་འདུན་དག་ནི་མཐུན་པ་ཡིས། །དེ་བཞིན་བྱ་བའི་རྩོད་པ་ནི། །ཉེ་བར་ཞི་བར་བྱའོ་ཞེས། །དྲང་སྲོང་ཆེན་པོས་རབ་ཏུ་གསུངས། །སངས་རྒྱས་བཅོམ་ལྡན་འདས་ཡུལ་སེར་སྐྱའི་གཞི་ནྱ་
D1.003.0222a07.01