完整藏文原文 · 德格版页 当前仅加载第 3 函德格 105b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ལས་ཡིད་བྱུང་བར་བྱའོ། །དེ་ལྟ་བས་ན་དགེ་སློང་གིས་ཡོ་བྱད་ལ་ལྷག་པར་ཆགས་པ་བསྐྱེད་པར་མི་བྱ་ཞིང་གང་ལ་སྐྱེ་བ་དེ་ཡོངས་སུ་སྤང་བར་བྱའོ། །མ་སྤངས་ན་འགལ་ཚབས་ཅན་དུ་འགྱུར་རོ། །གཞན་ཡང་གལ་ཏེ་ནད་པ་རང་གི་ཡོ་བྱད་སློང་ན་རིམ་གྲོ་བྱེད་པས་མྱུར་བ་མྱུར་བར་
D1.003.0105b01.01སྦྱིན་པར་བྱའོ། །མ་བྱིན་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་མཉན་ཡོད་ནའོ། །དེའི་ཚེ་དགེ་སློང་ནད་པ་ཞིག་གནས་ཁང་དུ་ཤི་ནས་མི་མ་ཡིན་པ་རྣམས་ཀྱི་ནང་དུ་སྐྱེས་སོ། །གོས་འགེད་པས་ལྷུང་བཟེད་དང་ཆོས་གོས་བགོའོ་ཞེས་དགེ་སློང་དེའི་གནས་ཁང་དུ་འཇུག་
D1.003.0105b02.01པར་བརྩམས་པ་ལས། དེ་ཀུན་ནས་དཀྲིས་པ་དྲག་པོས་དབྱུག་པ་བླངས་ཏེ་ལངས་ནས་དེས་སྨྲས་པ། རེ་ཞིག་ཁོ་བོ་དུར་ཁྲོད་དུ་ཡང་མ་ཕྱུང་བར་ལྷུང་བཟེད་དང་ཆོས་གོས་འགེད་པར་བྱེད་དམ། དེ་སྔངས་ནས་བྲོས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་
D1.003.0105b03.01དང་། བཅོམ་ལྡན་འདས་ཀྱིས་བཀའ་སྩལ་པ། རེ་ཞིག་ཐོག་མར་དགེ་སློང་གི་རོ་ཕྱུང་ནས་ཕྱི་ནས་དེའི་ལྷུང་བཟེད་དང་ཆོས་གོས་བགོ་བར་བྱའོ། །གླེང་གཞི་ནི་མཉན་ཡོད་ནའོ། །དེའི་ཚེ་དགེ་སློང་ཞིག་ཤི་ནས་དགེ་སློང་རྣམས་ཀྱིས་དེ་ཕྱུང་སྟེ། དུར་ཁྲོད་དུ་དེ་བཞིན་དུ་བོར་ནས་གཙུག་
D1.003.0105b04.01ལག་ཁང་དུ་ལྷགས་ཏེ། གོས་འགེད་པས་ཆོས་གོས་དང་ལྷུང་བཟེད་བགོའོ་ཞེས་དེའི་གནས་ཁང་དུ་ཞུགས་པ་དང་དེ་མི་མ་ཡིན་པ་རྣམས་སུ་སྐྱེས་པས་དབྱུག་པ་བླངས་ཏེ་ལངས་ནས། དེས་སྨྲས་པ། རེ་ཞིག་ཁོ་བོའི་རོལ་མཆོད་པ་ཡང་མ་བྱས་པར་ཆོས་གོས་དང་ལྷུང་བཟེད་འགེད་
D1.003.0105b05.01པར་བྱེད་དམ་ཞེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་ཀྱིས་སྔར་དེའི་རོལ་མཆོད་པ་བྱས་ལ་དེའི་འོག་ཏུ་ལྷུང་བཟེད་དང་ཆོས་གོས་བགོས་དང་ཉེས་དམིགས་འདིར་མི་འགྱུར་རོ། །
D1.003.0105b06.01གླེང་གཞི་ནི་མཉན་ཡོད་ནའོ། །དེའི་ཚེ་དགེ་སློང་ནད་པ་ཞིག་གནས་ཁང་དུ་ཤི་ནས་དེ་དགེ་སློང་རྣམས་ཀྱིས་དུར་ཁྲོད་དུ་ཁྱེར་ཏེ་རོ་ལ་མཆོད་པ་བྱས་བསྲེགས་ནས་དེ་ནས་གཙུག་ལག་ཁང་དུ་ལྷགས་པ་དང་། གོས་འགེད་པས་དེའི་གནས་ཁང་དུ་ཞུགས་པ་ལས་དེས་དབྱུག་པ་བླངས་
D1.003.0105b07.01