完整藏文原文 · 德格版页 当前仅加载第 3 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་དག་དེའི་ཚེ་དེའི་དུས་ཀྱི་ཁྱིམ་བདག་སྲིད་སྦྱིན་ཞེས་བྱ་བར་གྱུར་པ་དེ་གཞན་ཞིག་ཡིན་སྙམ་ན་ཁྱེད་ཀྱིས་དེ་ལྟར་མི་བལྟ་སྟེ། འོན་ཀྱང་དེའི་ཚེ་དེའི་དུས་ན་ཁྱིམ་བདག་མགོན་མེད་ཟས་སྦྱིན་འདི་ཉིད་ཡིན་ནོ། །དེའི་འོག་ཏུ་བསྐལ་པ་བཟང་པོ་འདི་ཉིད་ལ་སྐྱེ་དགུ་རྣམས་ཀྱི་ཚེ་ལོ་སུམ་ཁྲི་ཐུབ་
D1.003.0207a01.01པ་ན་སྟོན་པ་གསེར་ཐུབ་ཅེས་བྱ་བ་ནས། སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་ངོ་ཞེས་བྱ་བའི་བར་གོང་མ་བཞིན་དུ་སྟེ། དེ་འཁོར་དགེ་སློང་སུམ་ཁྲི་དང་ཕྱོགས་འདིར་གཤེགས་སོ། །དེའི་ཚེ་ཁྱིམ་བདག་ཕུར་བུ་ཞེས་བྱ་བ་བྱུང་སྟེ། དེས་ཕྱོགས་འདི་གོས་བཏིང་བས་གཞོན་ནུ་ལས་
D1.003.0207a02.01ཉོས་ནས་ཡང་དག་པར་རྫོགས་པའི་སངས་རྒྱས་གསེར་ཐུབ་ཉན་ཐོས་ཀྱི་དགེ་འདུན་དང་བཅས་པ་ལ་ཕུལ་ལོ། །དགེ་སློང་དག་དེའི་ཚེ་དེའི་དུས་ཀྱི་ཁྱིམ་བདག་ཕུར་བུ་ཞེས་བྱ་བར་གྱུར་པ་དེ་གཞན་ཞིག་ཡིན་སྙམ་ན་ཁྱེད་ཀྱིས་དེ་ལྟར་མི་བལྟ་སྟེ། འོན་ཀྱང་དེའི་ཚེ་དེའི་དུས་ན་ཁྱིམ་བདག་མགོན་མེད་
D1.003.0207a03.01ཟས་སྦྱིན་འདི་ཉིད་ཡིན་ནོ། །དེའི་འོག་ཏུ་བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན་ཡང་དག་པར་རྫོགས་པའི་སངས་རྒྱས་འོད་སྲུང་ཞེས་བྱ་བ་ནས་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་ངོ་ཞེས་བྱ་བའི་བར་གོང་མ་བཞིན་དུའོ། །དེ་འཁོར་དགེ་སློང་ཉི་ཁྲི་དང་ཕྱོགས་
D1.003.0207a04.01འདིར་གཤེགས་སོ། །དེའི་ཚེ་ཁྱིམ་བདག་ཆུ་སྟོད་ཅེས་བྱ་བ་བྱུང་སྟེ། དེས་ས་ཕྱོགས་འདི་རྒྱང་གྲགས་ཕྱེད་གསེར་གྱི་ནས་བཀྲམ་པས་གཞོན་ནུ་ལས་ཉོས་ཏེ་ཡང་དག་པར་རྫོགས་པའི་སངས་རྒྱས་འོད་སྲུང་ཉན་ཐོས་ཀྱི་དགེ་འདུན་དང་བཅས་པ་ལ་ཕུལ་ལོ། །དགེ་སློང་དག་དེའི་ཚེ་དེའི་དུས་ཀྱི་ཁྱིམ་བདག་
D1.003.0207a05.01ཆུ་སྟོད་ཅེས་བྱ་བར་གྱུར་པ་དེ་གཞན་ཞིག་ཡིན་སྙམ་ན་ཁྱེད་ཀྱིས་དེ་ལྟར་མི་བལྟ་སྟེ། འོན་ཀྱང་དེའི་ཚེ་དེའི་དུས་ན་ཁྱིམ་བདག་མགོན་མེད་ཟས་སྦྱིན་འདི་ཉིད་ཡིན་ནོ། །དགེ་སློང་དག་ད་ལྟར་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་
D1.003.0207a06.01བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བ། ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་ང་ཡང་འཇིག་རྟེན་དུ་བྱུང་ནས་ང་འཁོར་སྟོང་ཉིས་བརྒྱ་ལྔ་བཅུ་དང་ཕྱོགས་འདིར་གཤེགས་པ་ན་ད་ལྟར་ཡང་ཁྱིམ་བདག་མགོན་མེད་ཟས་སྦྱིན་གྱིས་རྨོན་པ་དོར་བཅུ་དྲུག་གིས་རྨོས་པའི་
D1.003.0207a07.01