完整藏文原文 · 德格版页 当前仅加载第 3 函德格 255a 版页；藏文 NFD、目录标记与异常页序保留在来源切片中，重复版页行以稳定序号区分。
པ་མ་རྙེད་པས་གཞི་འདི་ལ་ཁོ་བོ་དང་ཚེ་དང་ལྡན་པ་དེ་དག་གི་ལྟུང་བ་བྱུང་བ་གང་ཡིན་པ་ལས་ཁ་ན་མ་ཐོ་བ་སྦོམ་པོའམ། ཁྱིམ་ན་གནས་པ་ལ་བརྟེན་པ་མ་གཏོགས་པར་ཁོ་བོས་བདག་དང་ཚེ་དང་ལྡན་པ་དེ་དག་གི་ཆེད་དུ་ཁྱེད་ཀྱི་དྲུང་དུ་མི་འཆབ་པར་མཐོལ་ཞིང་
D1.003.0255a01.01བཤགས་པར་སྤྲོའོ་ཞེས་སྨྲ་བར་བྱའོ། །གང་གི་ཚེ་ཕྱོགས་ཅིག་ཤོས་ཀྱིས་ཅིག་ཤོས་ལའམ། ཅིག་ཤོས་ཀྱིས་ཅིག་ཤོས་ལ་སྤུས་ལ་ལྟུང་བ་ལྟ་བུར་བྱེད། འབྱུང་བར་སྐྱོང་། མཚུངས་པར་ཉེ་བར་སྟོན་པར་བྱེད་ཀྱི་ཕན་ཚུན་དུ་ལྟུང་བ་སྒྲོགས་པར་གླེང་བར་མི་བྱེད་ན་དེ་ལྟར་
D1.003.0255a02.01ན་རྩོད་པ་དེ་འདི་ལྟ་སྟེ། རྩྭ་བཀྲམ་པ་ལྟ་བུར་འོས་པས་ཞི་བ་ཡིན་ཏེ། དགེ་སློང་དག་དེ་ལྟར་ན་རྩྭ་བཀྲམ་པ་ལྟ་བུར་འོས་པ་ནི་རྩོད་པ་ཞི་བར་བྱེད་པ་ཡིན་ཞིང་། དེ་ལྟར་ན་འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། རྩྭ་བཀྲམ་པ་ལྟ་བུར་འོས་པའི་རྩོད་པ་ཞི་བར་བྱེད་པས་དུལ་བ་དང་
D1.003.0255a03.01ཞི་བ་དང་ཉེ་བར་ཞི་བ་ཡིན་ནོ། །དགེ་སློང་དག་ལྟུང་བའི་རྩོད་པ་ནི་ཞི་བར་བྱེད་པའི་ཆོས་བཞི་པོ་འདིས་དུལ་བར་བྱ། ཞི་བར་བྱ། ཉེ་བར་ཞི་བར་བྱ་བ་ནི་འདི་ལྟ་སྟེ། ཁས་བླང་བར་འོས་པ་དང་། མངོན་སུམ་དུ་འདུལ་བར་འོས་པ་དང་། དེའི་ངོ་བོ་ཉིད་ཚོལ་དུ་གཞུག་པར་འོས་པ་དང་།
D1.003.0255a04.01རྩྭ་བཀྲམ་པ་ལྟ་བུར་འོས་པས་སོ། །དགེ་སློང་དག་བྱ་བའི་རྩོད་པ་ནི་དགེ་འདུན་མཐུན་པས་ཞི་བར་བྱའོ། །དགེ་སློང་དག་གནས་གང་ན་དགེ་སློང་ཞིག་གནས་པ་དེ་ན་འཐབ་པ་མེད། མཚང་འདྲུ་བ་མེད། འཐབ་མོ་མེད། འགྱེད་པ་མེད་དོ། །གང་ན་གཉིས་ཡོད་པ་དེ་ན་ཡང་
D1.003.0255a05.01འཐབ་པ་མེད། མཚང་འདྲུ་བ་མེད། འཐབ་མོ་མེད། འགྱེད་པ་མེད་དོ། །གང་ན་གསུམ་ཡོད་པ་དེ་ན་ཡང་འཐབ་པ་མེད། མཚང་འདྲུ་བ་མེད། འཐབ་མོ་མེད། འགྱེད་པ་མེད་དོ། །གང་ན་དགེ་སློང་བཞིའམ་ལྷག་པ་གནས་པ་དེ་ན་ནི་འཐབ་པ་དང་། མཚང་འདྲུ་བ་དང་།
D1.003.0255a06.01འཐབ་མོ་དང་། འགྱེད་པ་ཡོད་དོ། །དགེ་སློང་དག །ཚངས་པ་ཇི་བཞིན་གཅིག་དེ་བཞིན། །བརྒྱ་བྱིན་ཇི་བཞིན་གཉིས་དེ་བཞིན། །རྒྱལ་པོ་ཇི་བཞིན་གསུམ་དེ་བཞིན། །དེ་ལས་ལྷག་པ་འཁྲུག་པར་འགྱུར། །དགེ་སློང་དག་དེ་ལྟ་བས་ན་རྗེས་སུ་གནང་སྟེ། ཚིག་
D1.003.0255a07.01