完整藏文原文 · 德格版页 当前仅加载第 3 函德格 148a 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་ཏེ། འདི་ལྟ་སྟེ་རིན་པོ་ཆེ་བརྟག་པ་དང་། གོས་བརྟག་པ་དང་། གཞི་བརྟག་པ་དང་། ཤིང་བརྟག་པ་དང་། གླང་པོ་ཆེ་བརྟག་པ་དང་། རྟ་བརྟག་པ་དང་། བུད་མེད་བརྟག་པ་དང་། སྐྱེས་པ་བརྟག་པ་ལ་མཁས་པར་གྱུར་ཏོ། །ཇི་ཙམ་ན་དེའི་ཕ་ཤི་ནས་ཆུ་
D1.003.0148a01.01སྟོད་ཁྱིམ་གྱི་དཔོན་པོར་གྱུར་ནས་དེས་ཚོང་ཁང་དུ་ཉོ་ཚོང་གི་ཟོང་བཀྲམ་སྟེ། ཉོ་ཚོང་གིས་འཚོ་བར་བྱེད་དོ། །དེ་དུས་གཞན་ཞིག་ན་བཅོམ་ལྡན་འདས་ཀྱི་སྤྱན་སྔར་སོང་བ་དང་། དེས་བཅོམ་ལྡན་འདས་མཐོང་ཞིང་དམ་པའི་ཆོས་ཐོས་པས་བཅོམ་ལྡན་འདས་ཀྱི་བསྟན་པ་ལ་དད་པ་སྐྱེས་
D1.003.0148a02.01ཏེ། དད་པ་སྐྱེས་པས་རབ་ཏུ་འབྱུང་བ་མངོན་པར་འདོད་པར་གྱུར་ནས་དེ་མའི་དྲུང་དུ་སོང་སྟེ་སྨྲས་པ། ཡུམ་མཁྱེན་པར་མཛོད་ཅིག །བདག་ནི་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བར་བགྱིའོ། །དེས་སྨྲས་པ། ཁྱོད་ནི་ཁོ་མོའི་བུ་གཅིག་པ་ཡིན་པས་ཇི་
D1.003.0148a03.01ཙམ་ཁོ་མོ་གསོན་གྱི་བར་དུ་རབ་ཏུ་མ་འབྱུང་ཤིག །ཁོ་མོ་ཤི་ནས་ཅི་དགའ་བ་གྱིས་ཤིག །དེས་སྨྲས་པ། ཡུམ་གལ་ཏེ་དམ་ཞིག་བཅས་ན་བདག་རབ་ཏུ་མི་འབྱུང་སྟེ། ཁྱོད་ཀྱིས་ཉི་མ་རེ་རེ་ཞིང་དགེ་འདུན་གྱིས་བསྐོས་པའི་དགེ་སློང་རྣམས་ལ་གདུགས་ཚོད་གསོལ་ལམ་དེས་
D1.003.0148a04.01སྨྲས་པ། བུ་དེ་བཞིན་དུ་བྱའོ། །ཆུ་སྟོད་དེས་ཀྱང་ཅུང་ཟད་ཅི་བསགས་པ་དེ་ཐམས་ཅད་མ་ལ་གཏད་ནས་ཡུམ་འདིས་དགེ་སྦྱོང་དང་བྲམ་ཟེ་རྣམས་ལ་སྟོབས་ཤིག །དེའི་མ་དེ་སེར་སྣ་ཅན་སྤར་འཆུམས་པ་ཞིག་སྟེ། ཡོ་བྱད་ལ་ཞེན་པས་ཁྭ་ལ་གཏོར་མ་སྦྱིན་པའི་སྤྲོ་བ་
D1.003.0148a05.01ཡང་མེད་ན། དགེ་སྦྱོང་དང་བྲམ་ཟེ་རྣམས་ལ་སྦྱིན་པ་ལྟ་སྨོས་ཀྱང་ཅི་དགོས་ཏེ། དགེ་སྦྱོང་དང་བྲམ་ཟེ་གང་དག་བསོད་སྙོམས་ཀྱི་ཕྱིར་དེའི་ཁྱིམ་དུ་ཞུགས་པ་དེ་རྣམས་ལ་ཁྱེད་ནི་{ཡི་དགས་,ཡི་དྭགས་}དང་མཚུངས་ཏེ་རྟག་པར་གཞན་གྱི་ཁྱིམ་དུ་སྐྲུར་འོང་ངོ་ཞེས་ཁ་ཡང་ཟེར་རོ། །བུ་དེ་
D1.003.0148a06.01ལ་སླུ་བར་བྱེད་དེ། ཁོ་མོས་དེང་དགེ་སློང་འདི་སྙེད་ཅིག་ལ་ནི་གདུགས་ཚོད་གསོལ་ཏོ། །དགེ་སྦྱོང་དང་བྲམ་ཟེ་འདི་སྙེད་ཅིག་ལ་ནི་བསོད་སྙོམས་ཕུལ་ལོ་ཟེར་རོ། །དེ་སེར་སྣ་བསྟེན་ཅིང་གོམས་པ་དང་ལན་མང་དུ་བྱས་པས་དེས་ན་ཤི་ནས་{ཡི་དགས་,ཡི་དྭགས་}རྣམས་སུ་སྐྱེས་སོ། །ཆུ་སྟོད་
D1.003.0148a07.01