完整藏文原文 · 德格版页 当前仅加载第 3 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །བཅོལ་བའི་དགེ་སློང་གཞན་དག་གིས་མ་བླངས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་རྣམས་ཀྱིས་ཐམས་ཅད་མནོད་པར་བྱའོ། །དགེ་ཚུལ་རྣམས་དོང་ནས་སུས་ཀྱང་རྙེད་པ་མ་བླངས་སོ། །བཅོམ་ལྡན་འདས་ཀྱིས་བཀའ་སྩལ་པ། དེ་རྣམས་ཀྱི་མཁན་
D1.003.0092b01.01པོ་དང་སློབ་དཔོན་དག་གིས་བླང་བར་བྱའོ། །དགེ་སློང་དག་རྙེད་པ་ཆུང་ངུ་དག་འགྱེད་པར་བྱེད་པ་ན་རྙེད་པ་ཆུང་ངུ་ཡིན་ནོ་སྙམ་ནས། དོང་བ་རྣམས་ཀྱི་མ་བྱིན་པ་དང་། བཅོམ་ལྡན་འདས་ཀྱིས་བཀའ་སྩལ་པ། གང་ལ་བཅོལ་བ་དེ་རྣམས་ཀྱིས་བླང་བར་བྱའོ། །གཞན་དག་
D1.003.0092b02.01གིས་མ་བཅོལ་བར་དོང་བ་དང་དེ་རྣམས་ཀྱི་སུས་ཀྱང་མ་བླངས་ལ། དགེ་སློང་རྣམས་ཀྱིས་ཀྱང་འགྱོད་པས་མ་བླངས་པ་དང་། བཅོམ་ལྡན་འདས་ཀྱིས་བཀའ་སྩལ་པ། བླང་བར་བྱ་སྟེ། དེ་ལ་འགྱོད་པར་མི་བྱའོ། །རྙེད་པ་ཆུང་ངུ་གཞན་དག་བགོར་མཆོག་ནས། བཅོམ་
D1.003.0092b03.01ལྡན་འདས་ཀྱིས་བཀའ་སྩལ་པ། གཞན་དག་དང་བསྲེས་ལ་གཙུག་ལག་ཁང་ན་གནས་པ་རྣམས་ཀྱིས་བགོ་བར་བྱ་སྟེ། དེ་ལ་འགྱོད་པར་མི་བྱའོ། །བཅོལ་བས་རྙེད་པ་ཆུང་ངུ་མ་བླངས་ན་མ་ཤ་ཀ་ལྔའི་རིན་ཡན་ཆད་ནི་ངེས་པར་བདའ་བར་བྱའོ། །རི་འོར་ཞིག་ན་ཁྱིམ་བདག་
D1.003.0092b04.01ཅིག་ཡོད་པ་དེས་གཙུག་ལག་ཁང་ཞིག་བརྩིགས་ནས། དེ་ན་གལ་ཏེ་དགེ་སློང་བརྒྱ་གནས་ན་རས་ཡུག་བརྒྱ་འབུལ་ལོ། །དེ་བཞིན་དུ་དགེ་སློང་གཅིག་གནས་ན་ཡང་རས་ཡུག་བརྒྱ་ཁོ་ན་འབུལ་ལོ་ཞེས་བྱ་བའི་བར་དུའོ། །ཇི་ཙམ་དུས་གཞན་ཞིག་ན་གཙུག་ལག་ཁང་དེ་
D1.003.0092b05.01ཉིད་དུ་རྒན་ཞུགས་གཉིས་ཤིག་དབྱར་གནས་པ་ལས་ཁྱིམ་བདག་དེས་རས་ཡུག་བརྒྱ་བསྐུར་བ་དེ་གཉིས་ཀྱིས་བླངས་ནས་ཕན་ཚུན་དཔྱད་ནས་གཅིག་གིས་སྨྲས་པ། རྙེད་པ་འདི་ནི་དགེ་འདུན་གྱིར་འགྱུར་རོ། །ཅིག་ཤོས་ཀྱིས་སྨྲས་པ། བདག་ཅག་ཁོ་ན་ཡིར་འགྱུར་རོ། །གལ་
D1.003.0092b06.01ཏེ་དེ་ལྟ་ན་ལོང་ཤིག །དེས་སྨྲས་པ། ཕན་ཚུན་རྩོད་པར་མི་འགྱུར་གྲང་། ཇི་ཙམ་ན་གཅིག་གིས་ཀྱང་མ་བླངས་ནས་དེ་གཉིས་ཀྱིས་ཡང་དཔྱད་པ། དེ་ལ་ཇི་ལྟར་བསྒྲུབ་པར་བྱ། གཅིག་གིས་སྨྲས་པ། དགེ་སློང་རྣམས་བོས་ལ་དེ་རྣམས་དང་ལྷན་ཅིག་བགོའོ། །ཅིག་
D1.003.0092b07.01