完整藏文原文 · 德格版页 当前仅加载第 3 函德格 215a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། བདག་བྲོ་འཚལ་བས་ནམ་སོས་པ་ནའོ། །དགེ་སློང་དེ་གཏུམ་པོ་ཞིག་པས་དེས་ཕྱུང་ནས་གང་དགར་བཞག་གོ། །ཇི་ཙམ་ན་བྲམ་ཟེ་དང་ཁྱིམ་བདག་གཙུག་ལག་ཁང་ལྟ་བར་འདོད་པ་ལྷགས་པ་དེ་རྣམས་ཀྱིས་དགེ་སློང་དེ་མཐོང་ནས་དེ་རྣམས་
D1.003.0215a01.01ཀྱིས་སྨྲས་པ། འཕགས་པ་དག་ཅི་དགེ་སློང་འདི་གུམ་ལགས་སམ། བཞིན་{བཟངས་,བཟང་}དག་འདི་ཤི་བ་ནི་མ་ཡིན་ནོ། །འོ་ན་ཅིའི་ཕྱིར་འདིར་བཞག །འདི་བས་ཆེས་རྒན་པའི་དགེ་སློང་ཞིག་འོངས་ནས། འདིའི་གནས་ཁང་དེ་དེའི་ཡིན་པར་བསྐོས་པ་དང་དེས་འདི་ཕྱུང་
D1.003.0215a02.01ནས་འདིར་བཞག་གོ། །འཕགས་པ་བདག་ཅག་ཁྱིམ་པ་ལགས་ཀྱང་ནད་པ་རྗེས་སུ་བསྲུང་བའི་ཕྱིར་ཁྱིམ་ནས་མི་འབྱིན་ན་ཁྱེད་ཅག་རབ་ཏུ་བྱུང་ལ་སྟོན་པ་ཡང་ཐུགས་རྗེ་ཅན་ཡིན་ན། དེ་ཇི་ལྟར་ནད་པ་ཕྱིར་འབྱིན་པར་བྱེད་ཅེས་དེ་རྣམས་སྨོད་པར་བྱེད། གཞོགས་འཕྱས་
D1.003.0215a03.01བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བྱུང་བ་འདི་ལ་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་ལྟ་བས་ན་དགེ་སློང་ནད་པ་ལ་གཞི་སྤང་བ་སྦྱིན་པར་བྱའོ། །བཅོམ་ལྡན་འདས་ཀྱིས་དགེ་སློང་ནད་པ་ལ་
D1.003.0215a04.01གཞི་སྤང་བ་སྦྱིན་པར་བྱའོ་ཞེས་གསུངས་པ་དང་། ཚེ་དང་ལྡན་པ་ཉེ་{དགའས་,དགས་}མཇལ་ཏོ་ཞེས་བྱས་ནས་ཅང་མི་སྨྲ་བར་འདུག་གོ། །ཇི་ཙམ་ན་ཞག་དྲུག་གམ་བདུན་ན་གནས་མལ་འགྱེད་པར་གྱུར་པ་ན་རྐང་པ་རྨ་བྱུང་བ་ལྟར་བྱས་ཏེ་གོས་ཀྱིས་དཀྲིས་ནས་འདུག་པ་དང་། གནས་ཁང་
D1.003.0215a05.01འགྱེད་པའི་དགེ་སློང་རྣམས་ཀྱིས་ནད་པ་ཡིན་ནོ་སྙམ་ནས། དེའི་གནས་མལ་བསྐོས་སོ། །དེ་གནས་མལ་བསྐོས་ཟིན་ནས་རྨའི་གཡོགས་མ་བོར་ཏེ་འདུག་གོ། །ནད་པ་ལྟ་བའི་དགེ་སློང་རྣམས་ཀྱིས་དེ་ལ་དྲིས་པ། ཅི་གནས་བརྟན་ཞབས་བསྙུང་བ་སོས་སམ། དེས་
D1.003.0215a06.01སྨྲས་པ། བཅོམ་ལྡན་འདས་ཀྱིས་འདུ་བྱེད་ཐམས་ཅད་ནི་མི་རྟག་པའོ་ཞེས་བཀའ་མ་སྩལ་ཏམ། ཅི་ཁོ་བོའི་ནད་རྟག་པར་འགྱུར་རམ། དེ་རྣམས་ཀྱིས་སྨྲས་པ། གནས་བརྟན་མྱུར་དུ་སོས་པར་གྱུར་པ་ན་བར་སྒྱུ་ནི་མ་བཏབ་གྲང་། དེས་སྨྲས་པ། ཁོ་བོ་གནས་ཁང་སྒོ་དྲུང་དུ་
D1.003.0215a07.01