完整藏文原文 · 德格版页 当前仅加载第 3 函德格 79a 版页；藏文 NFD、目录标记与异常页序保留在来源切片中，重复版页行以稳定序号区分。
མཆི་བ་ལགས་ཏེ། བདག་དབེན་པ་ཁོ་ན་ན་མཆིས་ལགས་སོ། །ཞིམ་པོ་བཟའ་བར་བྱའོ་ཞེས་མཆི་བ་གང་ལགས་པ་ནི་ཤིན་ཏུ་བཀྲེས་ནས་བཟའ་བར་བགྱི་བ་སྟེ། བདག་ནི་རྟག་ཏུ་ཁྱིམ་གྱི་སྐྱེ་བོ་ཟས་འཚལ་བའི་འོག་ཏུ་འཚལ་ལོ། །བདེ་བར་ཉལ་བར་བྱ་ཞེས་མཆི་བ་
D1.003.0079a01.01གང་ལགས་པ་ནི་མཚན་མོ་ཁྱིམ་གྱི་དགོས་པ་ཐམས་ཅད་བགྱིས་ནས་སྣོད་བརྟུལ་ཏེ་ཅི་ནས་ཀྱང་ལྡང་མི་དགོས་པར་ཁྱོད་ཉལ་བར་བྱའོ་ཞེས་བགྱི་བ་ལགས་ཏེ། འདི་ནི་ལེགས་པར་བཞག་པའོ། །འདི་ནི་ཉེས་པར་བཞག་པའོ་ཞེས་བདག་དེ་ཁོ་ན་བཞིན་དུ་བགྱིད་དོ། །ཐེམ་སྐས་བཅའ་
D1.003.0079a02.01བར་བྱའོ་ཞེས་མཆི་བ་གང་ལགས་པ་ནི་འདི་སྐད་ཅེས་ཁྱོད་སྔོན་དགེ་བ་བཅུའི་ལས་ཀྱི་ལམ་དང་ལྡན་པ་དེས་ལྷའི་འགྲོ་བ་ཐོབ་ནས་འདིར་མིའི་འཇིག་རྟེན་དུ་སྐྱེས་པ་འདི་ནི་ལས་ཀྱིས་ཡིན་པས་འདིར་ཡང་ཁྱོད་ཀྱིས་སྦྱིན་པ་དག་བྱིན། བསོད་ནམས་དག་བྱས་ཏེ་སྡིག་པ་མི་བྱའོ། །འདི་ནི་
D1.003.0079a03.01དབྱིག་གི་ཡ་གད་མཐོ་རིས་ཀྱི་ཐེམ་སྐས་ལྟ་བུ་ཡིན་ནོ་ཞེས་བགྱི་བ་ལགས་ཏེ་དེ་ཡང་བདག་རྔོ་ཅི་ཐོག་གིས་བགྱིད་དོ། །ས་ག་མ་ལེགས་སོ་ལེགས་སོ། །ཁྱོད་ཀྱི་མ་མཁས་པ་ཡིན་ན། གང་གི་ཕྱིར་མས་ལྡེམ་པོར་སྨྲས་པ་རྟོགས་པས་ན། ཁྱོད་ནི་ལྷག་པར་ཡང་མཁས་པ་
D1.003.0079a04.01ཡིན་ནོ།། །།འདུལ་བ་གཞི། བམ་པོ་དྲུག་བཅུ་གསུམ་པ། དེ་ནས་{རི་དགས་,རི་དྭགས་}འཛིན་འདི་སྙམ་དུ་སེམས་ཏེ། གལ་ཏེ་བཅོམ་ལྡན་འདས་ཀྱིས་གནང་ན་ས་ག་མ་ལ་བདག་གིས་མ་ཞེས་བོད་དོ་སྙམ་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་།
D1.003.0079a05.01བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་མནའ་མ་ལ་མ་ཞེས་བོད་དུ་རུང་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་ཆོས་ལྔ་དང་ལྡན་ན་སྟེ། ལྔ་གང་ཞེ་ན་ནད་གཡོག་
D1.003.0079a06.01བྱེད་པ་དང་། ཐབ་རིར་བབ་པའི་ཆུང་མ་ལེན་པ་དང་། སྲོག་གི་སྐྱབས་བྱེད་པ་དང་། ནོར་སྲུང་བ་དང་། ཤེས་རབ་ཀྱི་བགོ་བཤའ་བྱེད་པའོ།། །།བར་སྡོམ་ལ། ནད་གཡོག་དང་ནི་ཆུང་མ་དང་། །སྲོག་དང་ནོར་ནི་སྦྱིན་པ་དང་། །ཤེས་རབ་སྒྲུབ་པར་བྱེད་པ་དང་། །ལྔ་པོ་འདི་
D1.003.0079a07.01