完整藏文原文 · 德格版页 当前仅加载第 3 函德格 133a 版页；藏文 NFD、目录标记与异常页序保留在来源切片中，重复版页行以稳定序号区分。
པ་འདིའི་གླེང་གཞི་གང་ལས་འཐབ་ཀྲོལ་དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་ནས་འདི་ལྟ་སྟེ། ལྟུང་བ་བྱུང་ངོ་ཞེའམ། ལྟུང་བ་མ་བྱུང་ངོ་ཞེའམ། གནས་ནས་དབྱུང་བ་ལགས་སོ་ཞེའམ། གནས་ནས་དབྱུང་བ་མ་ལགས་སོ་ཞེས་བགྱི་བ་འདི་ནི་
D1.003.0133a01.01ལྟུང་བ་མ་བྱུང་བ་མ་ལགས་ཏེ་ལྟུང་བ་བྱུང་བ་ལགས་ཤིང་། གནས་ནས་མི་དབྱུང་བ་མ་ལགས་ཏེ་གནས་ནས་དབྱུང་བ་ལགས་ལ། གནས་ནས་ཕྱུང་བ་གང་ལགས་པ་ཡང་ཆོས་དང་མཐུན་པའི་ལས་མི་འཁྲུགས་པ་གཞག་པར་མི་འོས་པས་ཕྱུང་སྟེ། གནས་ནས་ཕྱུང་བའི་དགེ་སློང་
D1.003.0133a02.01མིང་འདི་ཞེས་བགྱི་བ་འདི་དགེ་འདུན་ལས་དབྱུང་བ་གསོལ་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་མིང་འདི་ཞེས་བགྱི་བ་འབྱིན་པར་མཛད་དོ། །འདི་ནི་གསོལ་བའོ། །ལས་བྱ་བ་ནི། དགེ་འདུན་
D1.003.0133a03.01བཙུན་པ་རྣམས་གསན་དུ་གསོལ། ཚེ་དང་ལྡན་པ་འདིའི་གླེང་གཞི་གང་ལས་འཐབ་ཀྲོལ་བྱུང་བ་ཞེས་བྱ་བ་ནས། དགེ་སློང་གནས་ནས་ཕྱུང་བ་མིང་འདི་ཞེས་བགྱི་བ་འདི་དགེ་འདུན་ལས་དབྱུང་བ་གསོལ་ཏེ། དེའི་སླད་དུ་དགེ་འདུན་གྱིས་དགེ་སློང་མིང་འདི་ཞེས་བགྱི་བ་འབྱིན་པར་མཛད་ན།
D1.003.0133a04.01ཚེ་དང་ལྡན་པ་རྣམས་ལས་གང་དག་གནས་ནས་ཕྱུང་བའི་དགེ་སློང་མིང་འདི་ཞེས་བགྱི་བ་འབྱིན་པར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལས་བརྗོད་པ་གཉིས་དང་གསུམ་གྱི་བར་དུ་བརྗོད་པར་
D1.003.0133a05.01བྱའོ། །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་གནས་ནས་ཕྱུང་བའི་དགེ་སློང་མིང་འདི་ཞེས་བགྱི་བ་ཕྱུང་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་དག་ངས་དགེ་སློང་དབྱུང་བའི་ལས་བྱས་པའི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དབྱུང་
D1.003.0133a06.01བའི་ལས་བྱས་པའི་དགེ་སློང་གིས་དགེ་འདུན་ལས་མཐུན་པ་གསོལ་བ་བྱའོ། །གསོལ་བ་ནི་འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང་ཞེས་བྱ་བ་ནས་
D1.003.0133a07.01