完整藏文原文 · 德格版页 当前仅加载第 3 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཀྱིས་དགོངས་པ། སྨན་པའི་རྒྱལ་པོ་འཚོ་བྱེད་ཀྱིས་དགེ་བའི་རྩ་བ་བསྐྱེད་ན་ཅིའི་ཕྱིར་བདེན་པ་རྣམས་མ་མཐོང་བར་གྱུར་སྙམ་ན། དྲེགས་པའི་སྙེམས་པ་ལས་གྱུར་པར་གཟིགས་ནས་དེའི་དྲེགས་པ་སྤང་བར་བྱའོ་སྙམ་ནས། དེ་ནས་བཅོམ་ལྡན་འདས་ཀྱིས་སྨན་པའི་
D1.003.0068a01.01རྒྱལ་པོ་འཚོ་བྱེད་ལ་བཀའ་སྩལ་པ། འཚོ་བྱེད་ཁྱོད་ཀྱིས་རིའི་རྒྱལ་པོ་གངས་ཅན་མཐོང་ངམ། བཙུན་པ་མ་མཐོང་ལགས་སོ། །དེ་བཞིན་གཤེགས་པའི་ན་བཟའ་ཆོས་གོས་ཀྱི་མཐའ་ནས་ཟུང་ཤིག །དེས་བཟུང་བ་དང་དེ་ནས་བཅོམ་ལྡན་འདས་ཀྱིས་སྨན་པའི་རྒྱལ་པོ་འཚོ་བྱེད་ཁྲིད་ནས་
D1.003.0068a02.01རིའི་རྒྱལ་པོ་གངས་ཅན་གང་ན་བ་དེར་གཤེགས་པ་དང་དེ་ན་སྨན་རྣམ་པ་སྣ་ཚོགས་སྒྲོན་མ་བཞིན་འབར་རོ། །བཅོམ་ལྡན་འདས་ཀྱིས་སྨན་པའི་རྒྱལ་པོ་འཚོ་བྱེད་ལ་འདི་སྐད་ཅེས་བཀའ་སྩལ་ཏོ། །འཚོ་བྱེད་སྨན་ཇི་ཙམ་འདོད་པ་ལོང་ཤིག །བཅོམ་ལྡན་འདས་འཇིགས་ལགས་སོ། །དེ་ནས་
D1.003.0068a03.01བཅོམ་ལྡན་འདས་ཀྱིས་གནོད་སྦྱིན་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་སོང་ལ་འཚོ་བྱེད་ལ་བསྲུང་བ་བྱོས་ཤིག །དེ་དང་སོང་ནས་སྨན་རྣམ་པ་སྣ་ཚོགས་དག་བླངས་ནས། བཅོམ་ལྡན་འདས་ཀྱིས་བཀའ་སྩལ་པ། འཚོ་བྱེད་སྨན་འདིའི་མིང་ཅི་ཡིན། དེས་གསོལ་པ། བཅོམ་ལྡན་
D1.003.0068a04.01འདས་ཆེ་གེ་མོ་ལགས་ཏེ། ཆོ་ག་འདིས་ནད་ཆེ་གེ་མོ་ཞིག་ཞི་བར་འགྱུར་རོ། །འདི་ནི་ཆེ་གེ་མོ་ཞིག་ལགས་ཏེ་ནད་ཆེ་གེ་མོ་ཞིག་རབ་ཏུ་ཞི་བར་འགྱུར་རོ། །གཞན་རྣམས་ཀྱི་ནི་མིང་ཡང་མི་ཤེས་སོ། །མ་ཤེས་པ་གང་ཡིན་པ་དེ་དག་བཅོམ་ལྡན་འདས་ཀྱིས་བཀའ་སྩལ་པ། འཚོ་བྱེད་འདི་
D1.003.0068a05.01ནི་ཆེ་གེ་མོ་སྟེ་ཆོ་ག་ཆེ་གེ་མོས་ནད་ཆེ་གེ་མོ་ཞིག་རབ་ཏུ་ཞི་བར་འགྱུར་རོ། །འདི་ཡང་ཆེ་གེ་མོ་ཞིག་ཅེས་བྱའོ། །འཚོ་བྱེད་ཀྱིས་གསོལ་པ། བཅོམ་ལྡན་འདས་ཀྱིས་སྨན་དཔྱད་ཀྱང་མཁྱེན་པ་ལྟ། དེ་ནས་བཅོམ་ལྡན་འདས་ཀྱིས་སྨན་པའི་རྒྱལ་པོ་འཚོ་བྱེད་ལ་བཀའ་སྩལ་པ། འཚོ་
D1.003.0068a06.01བྱེད་སྨན་པ་ཟུག་རྔུ་འབྱིན་པ་ཡན་ལག་བཞི་དང་ལྡན་པ་ནི་རྒྱལ་པོ་ལ་འོས་པ། རྒྱལ་པོ་ལ་མཁོ་བ། རྒྱལ་པོའི་ཡན་ལག་གི་གྲངས་སུ་འགྲོའོ།། །།འདུལ་བ་གཞི། བམ་པོ་དྲུག་བཅུ་གཉིས་པ། བཞི་གང་དག་ཅེ་ན། འདི་ལ་སྨན་པ་ཟུག་རྔུ་འབྱིན་པ་ནད་ལ་མཁས་པ་
D1.003.0068a07.01