完整藏文原文 · 德格版页 当前仅加载第 3 函德格 130b 版页；藏文 NFD、目录标记与异常页序保留在来源切片中，重复版页行以稳定序号区分。
མཆིའོ་ཞེས་ཐོས་ལགས་ཏེ། གང་དག་གིས་བཅོམ་ལྡན་འདས་ཀྱི་ཐུགས་ཕྱུང་བར་བགྱིས་ཏེ། འདིར་བྱོན་པ་དེ་དག་ངོ་ཚ་མ་མཆིས་པས་ཐོ་བཙམ་པ་ཉིད་དུ་བདག་ཅག་ལ་གླེང་བར་བགྱིད། དྲན་པར་བགྱིད་ན། དེ་རྣམས་ལ་བདག་ཅག་གིས་ཇི་ལྟར་བསྒྲུབ་པར་བགྱི། ཀུན་དགའ་
D1.003.0130b01.01བོ་དེ་དག་ལ་དགེ་སློང་རྣམས་ཀྱིས་ལག་བརྡས་གནས་མལ་ཐ་མ་ཞིག་བསྟན་པ་མ་གཏོགས་པར་གཏམ་འདྲེ་བར་མི་བྱ། ཕེབས་པར་སྨྲ་བར་མི་བྱ། བལྟ་བར་མི་བྱ། རྣམ་པར་བལྟ་བར་མི་བྱའོ། །གལ་ཏེ་བདག་ཅག་ནི་རྒན་ན། ཅིའི་ཕྱིར་ན་གནས་མལ་གྱི་ཐ་མ་སྦྱིན་ཞེས་སྨྲ་
D1.003.0130b02.01ན། གང་དག་གི་ཚུལ་དང་སྤྱོད་པ་དང་། ལོག་པར་སྒྲུབ་པས་སྟོན་པ་ཐུགས་མི་དགྱེས་ཤིང་ཐུགས་ལ་མ་བབ་ནས་འདིར་གཤེགས་པ་ཁྱེད་ཅག་ཀྱང་ཤཱཀྱའི་སྲས་ཀྱི་དགེ་སྦྱོང་ཡིན་པར་བདག་ཉིད་ཁས་འཆེའམ། སྟོན་པ་ཐུགས་རྗེ་ཅན་དེས་འདི་གནང་བ་ཉིད་ཀྱང་ཁྱེད་དབང་བར་མི་
D1.003.0130b03.01འགྱུར་རོ་ཞེས་སྨྲོས་ཤིག །སྐྱེ་དགུའི་བདག་མོ་ཆེན་མོ་གཽ་ཏ་མཱིས་ཀཽ་ཤཱམྦཱིའི་དགེ་སློང་འཐབ་ཀྲོལ་བྱེད་པ། མཚང་འདྲུ་བར་བྱེད་པ། རྩོད་པར་བྱེད་པ། འགྱེད་པར་བྱེད་པ། རྩོད་པའི་གཞི་བྱེད་པ་རྣམས་འོང་ངོ་ཞེས་ཐོས་སོ། །ཐོས་ནས་ཀྱང་དེ་འདི་སྙམ་དུ་སེམས་ཏེ། སོང་ལ་དེ་རྣམས་
D1.003.0130b04.01ལ་བདག་གིས་ཇི་ལྟར་བསྒྲུབ་པར་བྱ་བཅོམ་ལྡན་འདས་ལ་ཞུའོ་སྙམ་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་སྐྱེ་
D1.003.0130b05.01དགུའི་བདག་མོ་ཆེན་མོ་གཽ་ཏ་མཱིས་འདི་སྐད་ཅེས་གསོལ་ཏོ། །བཙུན་པ་བདག་གིས་ཀཽ་ཤཱམྦཱིའི་དགེ་སློང་འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་རྣམས་མཆིའོ་ཞེས་ཐོས་ལགས་ན། བདག་གིས་
D1.003.0130b06.01དེ་རྣམས་ལ་ཇི་ལྟར་བསྒྲུབ་པར་བགྱི། གཽ་ཏ་མཱི་ཁྱོད་ཀྱིས་ཀཽ་ཤཱམྦཱིའི་དགེ་སློང་རྣམས་ལ་འཁོར་གྱི་གཙོ་བོ་ཡིན་པས་མཐོང་མ་ཐག་ཏུ་སྟན་དོར་བ་མ་གཏོགས་པར་གཏམ་འདྲེ་བར་མི་བྱ། ཕེབས་པར་སྨྲ་བར་མི་བྱ། བལྟ་བར་མི་བྱ། རྣམ་པར་བལྟ་བར་མི་བྱའོ། །ཁྱིམ་བདག་མགོན་མེད་ཟས་
D1.003.0130b07.01