完整藏文原文 · 德格版页 当前仅加载第 3 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། རིམ་གྱིས་རྒྱུ་ཞིང་སོང་བ་དང་མཉན་ཡོད་དུ་ཕྱིན་ཏོ། །དེ་ནས་དགེ་སློང་རབ་ཏུ་མང་པོ་དག་གིས་ཆོས་གོས་དང་ལྷུང་བཟེད་མཁོས་སུ་ཕབ་ནས་རྐང་པ་བཀྲུས་ཏེ། བཅོམ་ལྡན་འདས་གང་ན་བ་དེར་དོང་ནས་ལྷགས་པ་དང་། བཅོམ་ལྡན་འདས་ཀྱི་ཞབས་གཉིས་ལ་
D1.003.0116a01.01མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཆོས་ཉིད་ཀྱིས་སངས་རྒྱས་བཅོམ་ལྡན་འདས་རྣམས་ནི་གློ་བུར་དུ་ལྷགས་པའི་དགེ་སློང་རྣམས་ལ་སོ་སོ་ཡང་དག་པར་དགའ་བར་མཛད་པ་འདིས་སོ་སོ་ཡང་དག་པར་དགའ་བར་མཛད་དེ། དགེ་སློང་དག་ཁྱེད་ད་གཟོད་གནས་
D1.003.0116a02.01འོངས། གནས་གང་དུ་དབྱར་གནས་གནས། བཙུན་པ་བདག་ཅག་ནི་གནས་བཅས་ནས་ད་གཟོད་མཆིས་ལགས་ཏེ། བདག་ཅག་གནས་བཅས་ན་དབྱར་མཆིས་ལགས་སོ། །དགེ་སློང་དག་ཁྱེད་ཅག་གནས་བཅས་སུ་ཅི་ག་བདེ་བ་ལ་རེག་པར་དབྱར་གནས་སམ། བསོད་སྙོམས་
D1.003.0116a03.01ཀྱིས་བྲེལ་བར་མ་གྱུར་མོད། བཙུན་པ་མད་པར་གསོལ་ཏེ། བདག་ཅག་གནས་བཅས་སུ་བདེ་བ་ལ་རེག་པར་དབྱར་གནས་ཤིང་བདག་ཅག་བསོད་སྙོམས་ཀྱིས་ཀྱང་བྲེལ་བ་མ་མཆིས་ལགས་སོ། །འོན་ཀྱང་བདག་ཅག་ལྷུང་བཟེད་དང་ཆོས་གོས་ཐོགས་ཏེ། རྩྭ་སྟུག་པོ་དང་རྫབ་ཆེན་
D1.003.0116a04.01པོར་ཚ་བས་ངལ་བར་གྱུར་ཅིང་རྡུལ་གྱིས་ལུས་ཡོག་པས་ལྗོངས་རྒྱུ་ཞིང་མཆིས་ཏེ། རིམ་གྱིས་རྒྱུ་ཞིང་མཆི་བ་ན་ཚེགས་ཆེན་པོས་འདིར་མཆིས་པ་ལགས་སོ།། །།འདུལ་བ་གཞི། བམ་པོ་དྲུག་བཅུ་བདུན་པ། བཅོམ་ལྡན་འདས་ཀྱིས་དགོངས་པ། ཀྱེ་མ་ངའི་ཉན་ཐོས་རྣམས་
D1.003.0116a05.01ལྷུང་བཟེད་དང་ཆོས་གོས་ཐོགས་ཏེ་རྩྭ་སྟུག་པོ་དང་རྫབ་ཆེན་པོར་ཚ་བས་ངལ་བར་གྱུར་ཅིང་། ལུས་རྡུལ་གྱིས་ཡོག་པས་ལྗོངས་རྒྱུ་ཞིང་འགྲོ་བ་ནི་ཉོན་མོངས་ཀྱིས། མ་ལ་ངས་དགེ་སློང་རྣམས་རེག་པར་གནས་པར་བྱ་བའི་ཕྱིར་དང་། སྦྱིན་པ་པོ་རྣམས་ཀྱི་སྦྱིན་པའི་ཆོས་ལོངས་སྤྱད་པར་བྱ་
D1.003.0116a06.01བའི་ཕྱིར་དགེ་སློང་རྣམས་ལ་སྲ་བརྐྱང་གནང་བར་བྱའོ། །འདི་ལྟར་སྲ་བརྐྱང་བཏིང་ན་ཕན་ཡོན་ལྔ་ཡོད་དེ་ཞག་བཅུ་ལས་ཐལ་ན་མ་ཡིན་པ་དང་། ཟླ་བ་ལས་ཐལ་ན་མ་ཡིན་པ་དང་། ནུབ་མོ་བྲལ་ན་མ་ཡིན་པ་དང་། བླ་གོས་མཐང་གོས་དང་བཅས་པའི་ཆོས་གོས་ཀྱིས་ལྗོངས་རྒྱུར་འགྲོ་
D1.003.0116a07.01