完整藏文原文 · 德格版页 当前仅加载第 3 函德格 141a 版页；藏文 NFD、目录标记与异常页序保留在来源切片中，重复版页行以稳定序号区分。
བཀའ་སྩལ་པ། དགེ་སློང་དག་ཁྱེད་ཀྱིས་དམར་སེར་ཅན་གྱི་དགེ་སློང་འཐབ་ཀྲོལ་བྱེད་པ། མཚང་འདྲུ་བར་བྱེད་པ། རྩོད་པར་བྱེད་པ། འགྱེད་པར་བྱེད་པ། རྩོད་པའི་གཞི་བྱེད་པ་རྣམས་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་བསྡིགས་པའི་ལས་བྱོས་ཤིག །
D1.003.0141a01.01རྒྱུ་ལྔས་བསྡིགས་པའི་ལས་བྱས་ན་དེ་ནི་ཆོས་མ་ཡིན་པའི་ལས་དང་། འདུལ་བ་མ་ཡིན་པའི་ལས་ཡིན་ཏེ། དེས་ནི་དགེ་འདུན་ཡང་འགལ་ཚབས་ཅན་དུ་འགྱུར་རོ། །ལྔ་གང་གིས་ཞེ་ན། གླེང་བ་མ་བྱས་པ་དང་། དྲན་པར་མ་བྱས་པ་དང་། གཞི་མེད་པ་དང་། ཁས་མ་བླངས་པ་དང་།
D1.003.0141a02.01མངོན་སུམ་དུ་མ་གྱུར་པར་བྱེད་པའོ། །ཡང་རྒྱུ་ལྔས་བསྡིགས་པའི་ལས་བྱས་ན་དེ་ནི་ཆོས་ཀྱི་ལས་དང་འདུལ་བའི་ལས་ཡིན་ཏེ། དེས་ན་དགེ་འདུན་ཡང་འགལ་ཚབས་ཅན་དུ་མི་འགྱུར་རོ། །ལྔ་གང་གིས་ཞེ་ན། གླེང་བ་བྱས་པ་དང་། དྲན་པར་བྱས་པ་དང་། གཞི་དང་བཅས་པ་དང་།
D1.003.0141a03.01ཁས་བླངས་པ་དང་། མངོན་སུམ་དུ་གྱུར་པར་བྱེད་པའོ། །འདི་ལྟར་ཡང་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང་། དགེ་སློང་གཅིག་གིས་གསོལ་
D1.003.0141a04.01བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། །དགེ་སློང་དམར་སེར་ཅན་འདི་དག་ནི་འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་དག་ལགས་ཏེ། འདི་དག་གིས་དགེ་འདུན་ལ་ཡང་དང་
D1.003.0141a05.01ཡང་དུ་རྩོད་པའི་གཞི་སྐྱེད་པར་བགྱིད་དེ། དེས་ན་དགེ་འདུན་འཐབ་ཀྲོལ་དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་ཞིང་གནས་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་དམར་སེར་ཅན་འཐབ་
D1.003.0141a06.01ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་རྣམས་ལ་བསྡིགས་པའི་ཕྲིན་ལས་མཛད་དོ། །འདི་ནི་གསོལ་བའོ། །དེ་ནས་ལས་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་དམར་སེར་ཅན་འདི་
D1.003.0141a07.01