完整藏文原文 · 德格版页 当前仅加载第 3 函德格 233b 版页；藏文 NFD、目录标记与异常页序保留在来源切片中，重复版页行以稳定序号区分。
མཐུན་པར་སྨྲ་བ་གང་ཡིན་པ་དེ་ལས་བརྟེན་ནས་འཐབ་པ་དང་། མཚང་འདྲུ་བ་དང་། འཐབ་མོ་དང་། འགྱེད་པ་གང་ཡིན་པ་འདི་ནི་ལུང་དུ་མ་བསྟན་པ་ཡིན་ནོ། །གདམས་ངག་མེད་པའི་རྩོད་པ་ནི་དགེ་བ་ཞེས་བརྗོད་པར་བྱ། མི་དགེ་བ་ཞེས་བརྗོད་པར་བྱ། ལུང་དུ་མ་བསྟན་པ་ཞེས་
D1.003.0233b01.01བརྗོད་པར་བྱ་སྟེ། དགེ་བ་གང་ཞེ་ན། དགེ་འདུན་དོན་སྒྲུབ་ཅིང་དོན་སེམས་ལ། དགེ་བའི་དོན་སྒྲུབ་ཅིང་དགེ་བའི་དོན་སེམས་པའི་གདམས་ངག་མི་ལེན་པ་དང་། གདམས་ངག་མི་སྦྱིན་པ་དང་། གདམས་ངག་འཇོག་པ་གང་ཡིན་པ་དེ་ལས་བརྟེན་ཏེ་འཐབ་པ་དང་། མཚང་འདྲུ་བ་
D1.003.0233b02.01དང་། འཐབ་མོ་དང་། འགྱེད་པ་གང་ཡིན་པ་འདི་ནི་དགེ་བ་ཡིན་ནོ། །མི་དགེ་བ་གང་ཞེ་ན། དགེ་འདུན་དོན་མི་སྒྲུབ་ཅིང་དོན་མི་སེམས་ལ། དགེ་བའི་དོན་མི་སྒྲུབ་ཅིང་དགེ་བ་མི་སེམས་པའི་གདམས་ངག་མི་ལེན་པ་དང་། གདམས་ངག་མི་སྦྱིན་པ་དང་། གདམས་ངག་འཇོག་པ་
D1.003.0233b03.01གང་ཡིན་པ་དེ་ལས་བརྟེན་ཏེ་འཐབ་པ་དང་། མཚང་འདྲུ་བ་དང་། འཐབ་མོ་དང་། འགྱེད་པ་གང་ཡིན་པ་འདི་ནི་མི་དགེ་བ་ཡིན་ནོ། །ལུང་དུ་མ་བསྟན་པ་གང་ཞེ་ན། དགེ་འདུན་དོན་སྒྲུབ་པ་ཡང་མ་ཡིན། དོན་མ་ཡིན་པ་སྒྲུབ་པ་ཡང་མ་ཡིན་ཞིང་དོན་སེམས་པ་ཡང་མ་ཡིན།
D1.003.0233b04.01དོན་མ་ཡིན་པ་སེམས་པ་ཡང་མ་ཡིན་ལ། དགེ་བའི་དོན་སྒྲུབ་པ་ཡང་མ་ཡིན། མི་དགེ་བའི་དོན་སྒྲུབ་པ་ཡང་མ་ཡིན་ཞིང་། དགེ་བ་སེམས་པ་ཡང་མ་ཡིན། མི་དགེ་བ་སེམས་པ་ཡང་མ་ཡིན་པའི་གདམས་ངག་མི་ལེན་པ་དང་། གདམས་ངག་མི་སྦྱིན་པ་དང་། གདམས་ངག་
D1.003.0233b05.01འཇོག་པ་གང་ཡིན་པ་དེ་ལ་ས་བརྟེན་ནས་འཐབ་པ་དང་། མཚང་འདྲུ་བ་དང་། འཐབ་མོ་དང་། འགྱེད་པ་གང་ཡིན་པ་འདི་ནི་ལུང་དུ་མ་བསྟན་པ་ཡིན་ནོ། །ལྟུང་བའི་རྩོད་པ་ནི་མི་དགེ་བ་ཞེས་བརྗོད་པར་བྱ། ལུང་དུ་མ་བསྟན་པ་ཞེས་བརྗོད་པར་བྱ་སྟེ། མི་དགེ་བ་གང་ཞེ་ན།
D1.003.0233b06.01སངས་རྒྱས་ཀྱིས་བསླབ་པ་བཅས་པ་དང་། དགེ་འདུན་གྱིས་ཁྲིམས་སུ་བཅས་པ་ལས་ཆེད་དུ་བསམས་ཏེ་འདས་པ་གང་ཡིན་པ་འདི་ནི་མི་དགེ་བ་ཡིན་ནོ། །ལུང་དུ་མ་བསྟན་པ་གང་ཞེ་ན། སངས་རྒྱས་ཀྱིས་བསླབ་པ་བཅས་པ་དང་། དགེ་འདུན་གྱིས་ཁྲིམས་སུ་བཅས་པ་ལས་
D1.003.0233b07.01