完整藏文原文 · 德格版页 当前仅加载第 3 函德格 129b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱི་སྤྱོད་ཚུལ་དང་། ལོག་པར་སྒྲུབ་པ་དེས་ཐུགས་མི་དགྱེས་ཤིང་ཐུགས་ལ་མ་བབ་པས་དེ་ཉིད་ནས་རྫུ་འཕྲུལ་གྱིས་ནམ་མཁའ་ལས་གཤེགས་ཏེ། མཉན་ཡོད་གང་ན་བ་དེར་རྒྱུ་ཞིང་གཤེགས་སོ། །རིམ་གྱིས་རྒྱུ་ཞིང་གཤེགས་པ་དང་མཉན་ཡོད་དུ་བྱོན་ནས་མཉན་ཡོད་ཀྱི་རྒྱལ་བུ་རྒྱལ་
D1.003.0129b01.01བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་དེར་གཤེགས་པ་དང་། ཀཽ་ཤཱམྦཱིའི་དགེ་སློང་རྣམས་དང་། ཡངས་པ་ཅན་གྱི་དགེ་སློང་རྣམས་འདི་ལྟ་བུའི་སྤྱོད་ལམ་དུ་གྱུར་ཏེ། སྔ་དྲོ་ནི་ཟས་ཀྱི་ཕྱིར་བསོད་སྙོམས་ལ་འཇུག །ཟས་ཀྱི་འོག་ཏུ་ནི་སྒོ་བཅད་ནས་
D1.003.0129b02.01འཐབ་མོ་འགྱེད་པར་གྱུར་ཏོ། །དེ་རྣམས་ཚུལ་དང་སྤྱོད་པ་དང་ལོག་པར་སྒྲུབ་པ་དེས་ལོ་བཅུ་གཉིས་འདས་སོ། །ཀཽ་ཤཱམྦཱིའི་བྲམ་ཟེ་དང་ཁྱིམ་བདག་རྣམས་འདུན་ཁང་དུ་འདུས་ནས་ཕན་ཚུན་གྲོས་བྱ་བར་བརྩམས་པ། ཤེས་ལྡན་དག་བདག་ཅག་ནི་བཅོམ་ལྡན་འདས་ལ་ན་བཟའ་ཆོས་གོས་དང་།
D1.003.0129b03.01བསོད་སྙོམས་དང་། གཟིམས་ཆ་དང་། སྙུན་དཔྱད་ཀྱི་རྐྱེན་སྨན་དང་། ཡོ་བྱད་རྣམས་དབུལ་བར་ཤིན་ཏུ་དད་ན། འོན་ཀྱང་བཅོམ་ལྡན་འདས་ཀྱིས་སྤྱོད་ཡུལ་འདི་ལོ་བཅུ་གཉིས་ཀྱི་བར་དུ་སྤངས་ཏེ་ད་དུང་ཡང་མ་བྱོན་ནོ། །ཁ་ཅིག་གིས་སྨྲས་པ། ཤེས་ལྡན་དག་བཅོམ་ལྡན་འདས་འདིར་
D1.003.0129b04.01གཤེགས་པར་ག་ལ་འགྱུར། འདི་ན་ད་ལྟར་ཀཽ་ཤཱམྦཱིའི་དགེ་སློང་རྣམས་ཀྱི་ཚུལ་དང་། སྤྱོད་པ་དང་། ལོག་པར་སྒྲུབ་པ་འདི་ལྟ་བུར་བྱེད་དེ། སྔ་དྲོ་ཟས་ཀྱི་ཕྱིར་བསོད་སྙོམས་ལ་ཞུགས་ལ་ཟས་ཀྱི་འོག་ཏུ་སྒོ་བཅད་ནས་འཐབ་མོ་འགྱེད་དོ། །ཁ་ཅིག་གིས་སྨྲས་པ། ཤེས་ལྡན་དག་དེ་རྣམས་ལ་
D1.003.0129b05.01ཉེས་པ་ཡོད་པ་མ་ཡིན་གྱི། འོན་ཀྱང་བདག་ཅག་གིས་ལན་ཏེ་བདག་ཅག་གིས་དེ་རྣམས་ལ་བསོད་སྙོམས་བྱིན་པའམ་ཚིག་སྨྲས་པས་སོ། །ཚུར་བདག་ཅག་གིས་ཁྲིམས་ཤིག་བཅས་ལ་བཞག་སྟེ། སུས་ཀྱང་དེ་རྣམས་ལ་བསོད་སྙོམས་མི་སྦྱིན་ཞིང་ཚིག་ཀྱང་མི་སྨྲའོ་ཞེས་དེ་རྣམས་ཀྱིས་
D1.003.0129b06.01ཁྲིམས་སུ་བཅས་ནས་བཞག་གོ། །དེ་ནས་ཕྱི་དེ་ཉིན་ཀཽ་ཤཱམྦཱིའི་དགེ་སློང་རྣམས་བསོད་སྙོམས་ལ་ཞུགས་པ་དང་། སུས་ཀྱང་མ་སྨྲས་ལ་བསོད་སྙོམས་ཀྱང་མ་བྱིན་ཏེ། དེ་རྣམས་ཇི་ལྟར་ལྷུང་བཟེད་བཀྲུས་པ་ཉིད་ཀྱིས་བསོད་སྙོམས་ལ་ཞུགས་པ་དེ་ལྟར་བཀྲུས་པ་ཉིད་ཀྱིས་སྒོར་བྱུང་སྟེ་བསོད་
D1.003.0129b07.01