完整藏文原文 · 德格版页 当前仅加载第 3 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
མཆེ་བ་དྲུག་པ་ཞིག་བདག་གི་རུམ་དྲལ་ནས་ཞུགས་པ་དང་། སྟེང་གི་ནམ་མཁའ་ལ་འགྲོ་བ་དང་། རི་བྲག་ཆེན་པོ་ལ་འཛེག་པ་དང་། བདག་ལ་སྐྱེ་བོའི་ཚོགས་ཆེན་པོ་ཕྱག་བྱེད་པའོ། །དེས་རྒྱལ་པོ་ཟས་གཙང་ལ་སྨྲས་པ་དང་། རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་རྨི་ལམ་སྟོན་
D1.003.0278b01.01མཁན་དང་། མཚན་མཁན་གྱི་བྲམ་ཟེ་རྣམས་ཁུག་ཤིག །དེ་དག་གིས་རྨི་ལམ་སྟོན་མཁན་དང་། མཚན་མཁན་གྱི་བྲམ་ཟེ་རྣམས་བཀུག་པ་དང་། དེ་ནས་རྒྱལ་པོས་དེ་རྣམས་ལ་རྨི་ལམ་བསྙད་པ་ལས། དེ་རྣམས་ཀྱིས་སྨྲས་པ། ལྷ་བསྟན་བཅོས་ལས་ཇི་ལྟར་གཡར་སྔར་བབ་པ་དང་སྦྱར་ན་སྲས་
D1.003.0278b02.01སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱིས་བརྒྱན་པ་ཞིག་བལྟམ་པར་འགྱུར་ཏེ། གལ་ཏེ་ཁྱིམ་པ་ཁྱིམ་ན་གནས་པར་གྱུར་ན་འཁོར་ལོས་སྒྱུར་བའི་རྒྱལ་པོར་འགྱུར་རོ། །གལ་ཏེ་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་
D1.003.0278b03.01བྱུང་བར་གྱུར་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཞེས་བྱ་བར་འཇིག་རྟེན་དུ་སྒྲ་རྣམ་པར་གྲགས་པར་འགྱུར་རོ།། །།བར་སྡོམ་ལ། འཆི་འཕོ་ལྷ་དང་རིན་པོ་ཆེ། །ཟུར་བརྒྱད་དུབ་དང་བརྟུལ་ཞུགས་བརྟན། །ཆོས་ཉིད་ཀྱིས་གང་གི་ཚེ་བྱང་ཆུབ་སེམས་
D1.003.0278b04.01དཔའ་དགའ་ལྡན་གྱི་ལྷའི་རིས་ནས་ཤི་འཕོས་ཏེ་ཡུམ་གྱི་ལྷུམས་སུ་ཞུགས་པ་དེའི་ཚེ་ས་ཆེན་པོ་འདི་ཤིན་ཏུ་གཡོས་པར་གྱུར། འཇིག་རྟེན་འདི་ཐམས་ཅད་སྣང་བ་རྒྱ་ཆེན་པོས་གསལ་བར་གྱུར་ཅིང་འཇིག་རྟེན་ན་འཇིག་རྟེན་གྱི་བར་གྱི་མུན་པ་མུན་གནག་སྨག་ཏུ་གྱུར་པ་གང་དུ་ཉི་མ་དང་ཟླ་བ་འདི་ལྟར་རྫུ་
D1.003.0278b05.01འཕྲུལ་ཆེ་བ། འདི་ལྟར་མཐུ་ཆེ་བ་དག་གིས་ཀྱང་འོད་ཀྱིས་སྣང་བར་མི་ནུས་པ་དེ་དག་ཀྱང་དེའི་ཚེ་སྣང་བ་རྒྱ་ཆེན་པོས་གསལ་བར་གྱུར་ཏོ། །དེར་སེམས་ཅན་གང་དག་སྐྱེས་པ་དེ་དག་རང་གི་ལག་པ་བརྐྱང་བ་ཡང་མི་མཐོང་བ་ལས་དེ་རྣམས་སྣང་བ་དེས་སེམས་ཅན་གཅིག་གིས་གཅིག་མཐོང་ནས་ཤེས་ལྡན་དག་
D1.003.0278b06.01སེམས་ཅན་གཞན་ཡང་འདིར་སྐྱེས་སོ། །ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ་ཞེས་བྱ་བར་ཤེས་སོ། །ཆོས་ཉིད་ཀྱིས་གང་གི་ཚེ་བྱང་ཆུབ་སེམས་དཔའ་བཅོམ་ལྡན་འདས་ཡུམ་གྱི་ལྷུམས་སུ་ཞུགས་པ་དེའི་ཚེ་ལྷ་རྣམས་ཀྱི་དབང་པོ་བརྒྱ་བྱིན་གྱིས་དེ་ལ་མིའམ་མི་མ་ཡིན་པ་སུས་ཀྱང་འཚེ་བར་མི་
D1.003.0278b07.01