完整藏文原文 · 德格版页 当前仅加载第 3 函德格 199b 版页；藏文 NFD、目录标记与异常页序保留在来源切片中，重复版页行以稳定序号区分。
མི་གང་ན་བ་དེར་དོང་བ་དང་། དེའི་བར་དུ་འཇིག་རྟེན་སྐྱོང་བ་བཞི་འདི་སྙམ་དུ་སེམས་ཏེ། ཁྱིམ་བདག་མགོན་མེད་ཟས་སྦྱིན་འདི་ནི་བཅོམ་ལྡན་འདས་ཀྱི་ཕྱིར་གཙུག་ལག་ཁང་བརྩིག་པར་རྩོམ་གྱིས་དེའི་གྲོགས་བྱའོ་སྙམ་ནས། དེ་ནས་ཞལ་ཆེ་གཅོད་པ་སྣ་ཆེན་པོ་ལ་གཏོགས་
D1.003.0199b01.01པའི་ཆ་བྱད་དུ་བདག་ཉིད་མངོན་པར་སྤྲུལ་ནས་དགོས་པའི་ཕྱིར་འདུས་སོ། །དེ་ནས་ཁྱིམ་བདག་མགོན་མེད་ཟས་སྦྱིན་དང་། གཞོན་ནུ་རྒྱལ་བྱེད་གཉིས་ཞལ་ཆེ་གཅོད་པ་སྣ་ཆེན་པོ་ལ་གཏོགས་པའི་མིའི་དྲུང་དུ་སོང་ནས། ཁྱིམ་བདག་མགོན་མེད་ཟས་སྦྱིན་གྱིས་ཞལ་ཆེ་གཅོད་པའི་སྣ་
D1.003.0199b02.01ཆེན་པོ་ལ་གཏོགས་པ་རྣམས་ལ་དོན་དེ་རྒྱས་པར་སྨྲས་པ་དང་། དེ་རྣམས་ཀྱིས་སྨྲས་པ། གཞོན་ནུས་ཀུན་དགའི་ར་བ་རིན་བཅད་ཟིན་གྱིས་གསེར་དང་དབྱིག་ལོང་ཤིག །ཀུན་དགའ་ར་བ་ནི་ཁྱིམ་བདག་གི་ཡིན་ནོ། །དེ་ཅང་མི་སྨྲ་བར་འདུག་གོ། །ཁྱིམ་བདག་མགོན་མེད་ཟས་སྦྱིན་གྱིས་
D1.003.0199b03.01ཤིང་རྟ་དང་། ཁུར་དང་། སྒྱེ་དང་། གཟེབ་དང་། རྔ་མོ་དང་། གླང་དང་། བོང་བུ་རྣམས་ལ་གསེར་མང་པོ་བཀལ་ཏེ་འོངས་ནས་རྒྱལ་བུ་རྒྱལ་བྱེད་ཀྱི་ཚལ་ཐམས་ཅད་བྱེ་བས་གཤིབ་པར་བརྩམས་པ་དང་། ས་ཕྱོགས་འགའ་ཞིག་མ་ཡོག་པས་མ་བཀྲམ་པ་ཉིད་དུ་འདུག་གོ། །དེ་ནས་ཁྱིམ་བདག་
D1.003.0199b04.01མགོན་མེད་ཟས་སྦྱིན་དོན་དེ་སེམས་ཤིང་ཡུད་ཙམ་ཅང་མི་སྨྲ་བར་འདུག་སྟེ། གང་གིས་མ་བཀྲམ་པའི་ས་ཕྱོགས་འདི་བཀྲམ་ནས་སླར་ཡང་སྦ་བར་བྱ་མི་དགོས་པའི་གཏེར་ཧ་ཅང་ཉུང་བ་ཡང་མ་ཡིན། ཧ་ཅང་མང་པོ་ཡང་མ་ཡིན་པ་དེ་གང་ཡིན་སྙམ་པ་དང་། གཞོན་ནུ་རྒྱལ་བྱེད་ཀྱིས་
D1.003.0199b05.01བསམས་པ། གདོན་མི་ཟ་བར་ཁྱིམ་བདག་མགོན་མེད་ཟས་སྦྱིན་ནི་ཅིའི་ཕྱིར་ཀུན་དགའ་ར་བའི་ཆེད་དུ་འདི་སྙེད་ཀྱི་ནོར་གྱི་ཕུང་པོ་ཡོངས་སུ་བཏང་ཞེས་འགྱོད་པ་སྐྱེས་སོ་སྙམ་དུ་བསམས་ནས་ཁྱིམ་བདག་མགོན་མེད་ཟས་སྦྱིན་ལ་འདི་སྐད་ཅེས་སྨྲས་སོ། །ཁྱིམ་བདག་ཁྱོད་གལ་ཏེ་འགྱོད་པ་སྐྱེས་
D1.003.0199b06.01ན་གསེར་དང་དབྱིག་ཁྱེར་ཅིག །ཀུན་དགའ་ར་བ་ནི་ང་ཉིད་ཀྱི་ཡིན་ནོ། །གཞོན་ནུ་བདག་ནི་འགྱོད་པ་མ་སྐྱེས་ཏེ། འོན་ཀྱང་དོན་འདི་སེམས་ཤིང་ཡུད་ཙམ་ཞིག་ཅང་མི་སྨྲ་བར་འདུག་པ་ནི་གང་གིས་མ་བཀྲམ་པའི་ས་ཕྱོགས་འདིར་བཀྲམ་ནས་སླར་ཡང་སྦ་བར་བྱ་མི་དགོས་པའི་གཏེར་ཧ་ཅང་ཉུང་བ་
D1.003.0199b07.01