完整藏文原文 · 德格版页 当前仅加载第 3 函德格 151a 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་བ་དེ་ཚར་གཅོད་དུ་འགྲོའོ། །གང་གིས་བདག་ལ་ཉེས་པ་བྱུང་བ་ཞེས་བྱ་བ་ཅི་བདག་ལ་མི་ཟེར་རམ་སྙམ་མོ། །དེ་ནས་ཚེ་དང་ལྡན་པ་ཆུ་སྟོད་ཆུ་བོ་གང་གཱའི་འགྲམ་དུ་སོང་ནས་ཤིང་ཏ་ལའི་ལོ་མ་གསུམ་ལས་སྤྱིལ་པོ་བྱས་ཏེ་དབྱར་གནས་པར་དམ་བཅས་ནས་དེས་མི་རོའི་
D1.003.0151a01.01ཀླད་པ་འདྲ་བའི་ལྷུང་བཟེད་བཅངས་ཏེ། དེ་དང་ཧ་ཅང་ཡང་མི་རིང་བ་ན་ལམ་ཞིག་ཡོད་པ་དེ་ནས་རྫིའུ་མོ་རྒྱུན་དུ་འགྲོ་བ་དེ་དག་ལ་དེས་ལྷུང་བཟེད་བཟེད་པ་དང་། དེ་དག་གིས་དེར་འོ་མའམ། ཞོའམ། དར་བ་བྱིན་པ་དེས་དེ་ལོངས་སྤྱོད་ནས་བསམ་གཏན་དང་། ཏིང་ངེ་འཛིན་དང་།
D1.003.0151a02.01སྙོམས་པར་འཇུག་པའི་བདེ་བས་དུས་འདའ་བར་བྱེད་དོ། །ཇི་ཙམ་དུས་གཞན་ཞིག་ན་རྫིའུ་མོ་མ་སྨད་གཉིས་དོང་བ་དང་བུ་མོས་མ་ལ་སྨྲས་པ། མ་འཕགས་པ་འདི་ནི་ལྐུགས་པ་ཞིག་ཡིན་ནོ། །དེས་སྨྲས་པ། བུ་འདི་ནི་ལྐུགས་པ་མ་ཡིན་ཏེ། གདོན་མི་ཟ་བར་འདིས་འགའ་ཞིག་
D1.003.0151a03.01ལ་ཚིག་གིས་ཉེས་པ་བྱས་པ་དེ་ཉིད་ཚར་གཅོད་པར་བྱེད་པ་ཡིན་ནོ། །མ་ཅི་དེ་དེ་ལྟ་བུ་ལགས་སམ། བུ་སང་ངས་ཁྱོད་ཀྱི་མངོན་སུམ་དུ་བྱའོ། །ཇི་ཙམ་ཕྱི་དེ་ཉིན་པར་དེ་ཞོའི་བུམ་པ་ཐོགས་ཏེ་བུ་མོ་དང་མ་སྨད་གཉིས་ཕྱོགས་དེར་ཕྱིན་པ་དང་ཚེ་དང་ལྡན་པ་ཆུ་སྟོད་ཀྱིས་ལྷུང་བཟེད་བཟེད་
D1.003.0151a04.01བས་དེས་དེའི་ལྷུང་བཟེད་དུ་ཞོས་དགང་བར་བརྩམས་སོ། །ཚེ་དང་ལྡན་པ་ཆུ་སྟོད་ཀྱིས་ལྷུང་བཟེད་བསྒུལ་ཀྱང་དེས་མ་བཞག་པར་བླུགས་པ་དང་ཚེ་དང་ལྡན་པ་ཆུ་སྟོད་ཀྱིས་སྨྲས་པ། སྲིང་མོ་ཆོག་དོན་མེད་པར་ཕོ་བ་འདི་ཅིར་རུང་། ཁོ་བོ་ལྟ་བུའི་ལེན་པ་པོ་གཞན་ཡང་ཡོད་མོད། དེས་
D1.003.0151a05.01སྨྲས་པ། བུ་མོ་ཁྱོད་ལ་ངས་སྔར་འདི་ལྐུགས་པ་མ་ཡིན་གྱི། གདོན་མི་ཟ་བར་འདིས་འགའ་ཞིག་ལ་ཚིག་གིས་ཉེས་པ་བྱས་པ་དེ་ཁོ་ན་ཚར་གཅོད་པར་བྱེད་པ་ཡིན་ནོ་ཞེས་མ་སྨྲས་སམ། མ་ཁྱོད་ཀྱིས་སྨྲས་སོ། །དེ་ནས་ཚེ་དང་ལྡན་པ་ཆུ་སྟོད་ཀྱིས་ལོ་གཉིས་ཀྱི་ནང་ལོགས་སུ་ཚིག་
D1.003.0151a06.01གཅིག་སྨྲས་ནས་ལོ་གསུམ་པ་ལ་འདི་ལྟར་འཁོར་བའི་འཁོར་ལོ་ཆ་ལྔ་པོ་གཡོ་བ་དང་མི་གཡོ་བ་འདི་ཉིད་རིག་སྟེ། འདུ་བྱེད་ཀྱི་རྣམ་པ་ཐམས་ཅད་ཉམས་པ་དང་། ལྟུང་བ་དང་། རྣམ་པར་འཐོར་བ་དང་། རྣམ་པར་འཇིག་པའི་ཆོས་ཉིད་དུ་ཟིལ་གྱིས་མནན་ནས་མུན་པའི་ཕུང་པོ་
D1.003.0151a07.01