完整藏文原文 · 德格版页 当前仅加载第 3 函德格 96a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་བདག་དེའི་བློ་སྐྱེས་པ། རས་ཡུག་བརྒྱ་བསྒྲུབས་ཏེ་དགེ་སློང་གི་དགེ་འདུན་གདུགས་ཚོད་གསོལ་ནས། དགེ་སློང་རེ་རེ་ལ་ཡང་རས་ཡུག་རེ་རེ་བསྐོན་ནོ་སྙམ་མོ། །ཇི་ཙམ་ན་ཉེ་{དགའས་,དགས་}ཁྱིམ་བདག་ཆེ་གེ་མོ་ཞིག་གིས་དགེ་སློང་གི་དགེ་འདུན་གདུགས་ཚོད་གསོལ་ཏེ། རེ་རེ་
D1.003.0096a01.01ལ་ཡང་རས་ཡུག་རེ་རེ་བསྐོན་ནོ་ཞེས་ཐོས་སོ། །ཐོས་ནས་ཀྱང་བསམས་པ། གལ་ཏེ་དེ་ལས་རས་ཡུག་གཅིག་མ་གྲུབ་ན་བདག་ཉེ་དགའ་མ་ཡིན་ནོ་སྙམ་ནས་དེ་མགྲོན་དུ་མ་བོས་བཞིན་དུ་སོང་ངོ་། །ཁྱིམ་བདག་གིས་དགེ་སློང་གི་དགེ་འདུན་གདུགས་ཚོད་གསོལ་ནས་རས་རྣམས་
D1.003.0096a02.01འབྲིམ་པ་ན། ཉེ་{དགའས་,དགས་}རས་ཡུག་གཅིག་བླངས་ནས་མྱུར་བ་མྱུར་བར་སོང་ངོ་། །ཇི་ཙམ་ན་དགེ་སློང་གཅིག་གི་རས་ཆད་དོ། །ཁྱིམ་བདག་གིས་སྨྲས་པ། འཕགས་པ་བདག་གིས་རས་བརྒྱ་ལེགས་པར་བགྲངས་ཏེ་འཚལ་ཏེ་མཆིས་ན་འཕགས་པ་འགའ་ཞིག་གིས་རས་ཡུག་གཉིས་
D1.003.0096a03.01བསྣམས་པར་མ་གྱུར་གྲང་། དགེ་སློང་རྣམས་ཀྱིས་སྨྲས་པ། ཁྱིམ་བདག་དེ་ལྟ་སུ་ཞིག་བྱེད། འོན་ཀྱང་བཙུན་པ་ཉེ་དགའ་ཁྱོད་ཀྱིས་སྤྱན་དྲངས་སམ། འཕགས་པ་དག་བདག་གིས་སྤྱན་མ་དྲངས་སོ། །དེས་རས་དེ་ཁྱེར་ནས་སོང་ངོ་། །དེ་ནས་ཁྱིམ་བདག་དེ་སྨོད་པར་བརྩམས་
D1.003.0096a04.01པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་ནི་དགེ་སློང་དག་མགྲོན་དུ་མ་བོས་པར་གཞན་གྱི་རྙེད་པ་ལ་ཐོབ་རྒྱལ་བྱེད་པ་ལས་གྱུར་གྱིས། དེ་ལྟ་བས་ན་དགེ་སློང་གིས་མགྲོན་དུ་མ་
D1.003.0096a05.01བོས་པར་གཞན་གྱི་རྙེད་པ་ལ་ཐོབ་རྒྱལ་མི་བྱའོ། །ཐོབ་རྒྱལ་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཉེ་དགའ་གཡར་མ་དྲངས་པར་གཞན་གྱི་
D1.003.0096a06.01རྙེད་པ་ལ་ཐོབ་རྒྱལ་བགྱིད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་ཉེ་{དགའས་,དགས་}མགྲོན་དུ་མ་བོས་པར་གཞན་གྱི་རྙེད་པ་ལ་ཐོབ་རྒྱལ་བྱས་པ་དེ་ཉོན་ཅིག །དགེ་སློང་དག་སྔོན་
D1.003.0096a07.01