完整藏文原文 · 德格版页 当前仅加载第 3 函德格 113b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སྤྱན་འདྲེན་གྱིས་གཤེགས་སོ། །དེས་སྨྲས་པ། བདག་གི་ཆོས་གོས་དང་ལྷུང་བཟེད་ཕྱིར་སུ་ལ་བཅོལ། དགེ་སློང་མ་བཅུ་གཉིས་སྡེ་རྣམས་ཀྱིས་སྨྲས་པ། འཕགས་པ་ཐུགས་ལས་ཆུང་ངུར་མཛོད་ཅིག་དང་། བདག་ཅག་གིས་གཞག་པར་བགྱིའོ། །དེས་དེ་རྣམས་ལ་གཞག་
D1.003.0113b01.01པ་དང་དེ་རྣམས་ཀྱིས་སྐྱེ་དགུའི་བདག་མོ་ཆེན་མོ་ལ་གཏད་དོ། །སྐྱེ་དགུའི་བདག་མོ་ཆེན་མོས་ཀྱང་ཚེ་དང་ལྡན་པ་ཀུན་དགའ་བོ་ལའོ། །ཚེ་དང་ལྡན་པ་ཀུན་དགའ་བོས་ཀྱང་གཙུག་ལག་ཁང་ཞིག་ཏུ་གཞག་གོ། །དེ་ནས་ཚེ་དང་ལྡན་པ་ཁྲུམས་སྟོད་ཆུ་{བཟངས་ཀྱི་,བཟང་གི་}དུས་སྟོན་ལ་འོངས་
D1.003.0113b02.01པ་དང་། དེ་ན་དེ་དགེ་སློང་མ་རྣམས་ཀྱིས་མགྲོན་དུ་བོས་པ་ཡིན་པས་གཅིག་གིས་སྨྲས་པ། འཕགས་པ་དེང་བདག་གིས་ཞལ་ཚུས་བགྱིའོ། །གཞན་དང་གཞན་དག་གིས་ཀྱང་གཡར་ཚུས་ལ་བོས་སོ། །གཞན་དག་གིས་སྨྲས་པ། འཕགས་པ་བདག་གི་གདུགས་ཚོད་གསོལ་
D1.003.0113b03.01ཅིག །དེ་བཞིན་དུ་གཞན་དང་གཞན་དག་གིས་ཀྱང་སྨྲས་སོ། །གཞན་ཞིག་གིས་སྨྲས་པ། འཕགས་པ་བདག་གི་དུས་མ་ལགས་པའི་བཏུང་བ་གསོལ་ཅིག །དེ་བཞིན་དུ་གཞན་དང་གཞན་དག་གིས་ཀྱང་སྨྲས་ནས་དེས་དེ་རྣམས་ཀྱི་སེམས་བསྲུང་བའི་ཕྱིར་གཡར་ཚུས་རྣམས་
D1.003.0113b04.01ལས་ཅུང་ཟད་ཅུང་ཟད་བླངས་དེ་བཞིན་དུ་དྲོ་ཡང་ཟོས། དུས་མ་ཡིན་པའི་བཏུང་བ་བླུད་པ་ཡང་འཐུངས་པ་དང་དེ་ཙེག་ཙེག་པ་ཡོར་ལངས་ནས། དེ་ཡང་ལམ་གྱིས་དུབ་པ་དེས་མང་པོར་ཟོས་པ་དེས་མ་ཞུ་བར་གྱུར་ཏེ་གསུད་དེ་ཤིའོ། །དེ་དགེ་སློང་རྣམས་ཀྱིས་དུར་ཁྲོད་དུ་བསྲེགས་
D1.003.0113b05.01ནས་ཆོས་བསྒྲགས་པ་བྱས་ནས་རིམ་གྱིས་གཙུག་ལག་ཁང་དུ་ལྷགས་སོ། །གོས་འགེད་པས་ནད་གཡོག་ལ་སྨྲས་པ། དེའི་ལྷུང་བཟེད་དང་ཆོས་གོས་འོན་ཅིག །དེས་སྨྲས་པ། དེས་བཅུ་གཉིས་སྡེ་རྣམས་ཀྱི་ལག་ཏུ་བཞག་གོ། །དེ་རྣམས་ལ་དྲིས་པ་དང་། སྨྲས་པ་
D1.003.0113b06.01བདག་ཅག་གིས་སྐྱེ་དགུའི་བདག་མོ་ཆེན་མོའི་ལག་ཏུ་བཞག་གོ། །དེ་ནས་སྐྱེ་དགུའི་བདག་མོ་ཆེན་མོས་སྨྲས་པ། བདག་གིས་འཕགས་པ་ཀུན་དགའ་བོ་ལ་གཏད་དོ། །ཚེ་དང་ལྡན་པ་ཀུན་དགའ་བོས་སྨྲས་པ། བདག་གིས་གཙུག་ལག་ཁང་ཆེ་གེ་མོ་ཞིག་ཏུ་བཞག་གོ་ཞེས་པའི་སྐབས་
D1.003.0113b07.01