'dul ba gzhi/
当前为德格木刻版 180b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 180b
- 可引用原文
- 7 行
- 全文规模
- 全经 17054 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 3 函 · 德格 180b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文རྙེད་པ་མ་བྱིན་པ་དང་བཅོམ་ལྡན་འདས་ཀྱིས་བཀའ་སྩལ་པ། ཐམས་ཅད་ཀྱི་འོག་ཏུ་དེའི་གནས་ཁང་བསྐོ་བར་བྱ་ཐམས་ཅད་ཀྱི་འོག་ཏུ་རྙེད་པ་སྦྱིན་པར་བྱའོ།། །།སྡོམ་ལ། དྲུག་བཅུ་དང་ནི་བརྒྱ་དག་དང་། །ཉི་ཤུར་གང་ཟག་བྱ་བ་དང་། །དགེ་འདུན་ལ་ནི་མགུ་སྤྱད་དང་། །ཤ་ཁོན་ཅན་དག་འོང་བའོ། །དྲུག་སྡེའི་དགེ་སློང་སྤོ་བ་དང་མགུ་བར་བྱ་བ་སྤྱོད་པ་རྣམས་ཀྱིས་དགེ་སློང་རྣམས་ལ་སྤོ་བ་བྱིན་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྤོས་པའི་དགེ་སློང་བཞིས་སྤོ་བ་སྦྱིན་པར་མི་བྱ་སྟེ། སྤོས་པ་གསུམ་
དང་རང་བཞིན་དུ་གནས་པ་གཅིག་གིས་མ་ཡིན། སྤོས་པ་གཉིས་དང་རང་བཞིན་དུ་གནས་པ་གཉིས་ཀྱིས་མ་ཡིན། སྤོས་པ་གཅིག་དང་རང་བཞིན་དུ་གནས་པ་གསུམ་གྱིས་མ་ཡིན་ཏེ། འོན་ཀྱང་ཐམས་ཅད་ཡོངས་སུ་དག་པ་ལྟ་བ་མཚུངས་པ་རྣམས་ཀྱིས་དགེ་སློང་ལ་སྤོ་བ་སྦྱིན་པར་བྱའོ། །སྤོས་པ་རྣམས་ཀྱིས་ཇི་ལྟ་བ་བཞིན་དུ་གཞི་ནས་སྤོ་བ་དང་མགུ་བར་བྱ་བ་སྤྱོད་པ་དང་། མགུ་བར་བྱ་བ་སྤྱད་པ་དང་བསླབ་པ་བྱིན་པ་རྣམས་ཀྱིས་ཀྱང་དེ་བཞིན་ནོ། །སྤོ་བ་ཇི་ལྟ་བ་བཞིན་དུ་གཞི་ནས་སྤོ་བ་དང་། གཞི་ནས་བསླང་སྟེ་སྤོ་བ་དང་། མགུ་བར་བྱ་བ་དང་། གཞི་ནས་མགུ་བར་
བྱ་བ་དང་། གཞི་ནས་བསླང་སྟེ་མགུ་བར་བྱ་བ་ཡང་དེ་བཞིན་ནོ། །དྲུག་སྡེའི་དགེ་སློང་སྤོ་བ་དང་མགུ་བར་བྱ་བ་སྤྱོད་པ་རྣམས་ཀྱིས་དགེ་སློང་རྣམས་འབྱིན་པར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྤོས་པ་ཉི་ཤུས་དགེ་སློང་དབྱུང་བར་མི་བྱ་སྟེ། སྤོས་པ་བཅུ་དགུ་དང་རང་བཞིན་དུ་གནས་པ་གཅིག་གིས་མ་ཡིན། སྤོས་པ་{བཅྭ་,བཅོ་}བརྒྱད་དང་རང་བཞིན་དུ་གནས་པ་གཉིས་ཀྱིས་མ་ཡིན་པ་ནས། དེ་བཞིན་དུ་རང་བཞིན་དུ་གནས་པ་བཅུ་དགུ་དང་སྤོས་པ་གཅིག་གིས་མ་ཡིན་ཞེས་བྱ་བའི་བར་དུའོ། །སྤོས་
པ་རྣམས་ཀྱིས་ཇི་ལྟ་བ་བཞིན་དུ་སྤོ་བ་སྤྱོད་པ་དང་། མགུ་བར་བྱ་བ་སྤྱོད་པ་དང་། མགུ་བར་བྱ་བ་སྤྱད་པ་དང་། བསླབ་པ་བྱིན་པ་རྣམས་ཀྱིས་ཀྱང་དེ་བཞིན་ནོ། །དྲུག་སྡེའི་དགེ་སློང་སྤོ་བ་དང་མགུ་བར་བྱ་བ་སྤྱོད་པ་རྣམས་ཀྱིས་དགེ་སློང་སྤོས་པ་རྣམས་ཀྱི་དྲུང་དུ་སྤོ་བ་སྤྱོད་པའི་སྐབས་དེ་དགེ་སློང་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D1
- 德格版页
- 180b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0001 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。