完整藏文原文 · 德格版页 当前仅加载第 3 函德格 178a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ངས་དགེ་འདུན་ལྷག་མའི་ལྟུང་བ་བྱུང་བ་རྣམས་འགྱོད་པ་སྐྱེས་ཏེ་བསླབ་པ་ཕུལ་ནས་བབས་སོ་ཞེས་ཐོས་ཀྱིས། དེའི་ཕྱིར་ཁྱེད་ཀྱིས་བསྟན་པ་གནས་པར་བྱ་བའི་ཕྱིར་དང་། དགེ་སློང་གི་དགེ་འདུན་ལྷག་མའི་ལྟུང་བ་
D1.003.0178a01.01བྱུང་བའི་ལྟུང་བ་བྱུང་བ་དེ་རྣམས་ལ་སྙིང་བརྩེ་བའི་ཕྱིར་སྤོ་བ་དང་། གཞི་ནས་སྤོ་བ་དང་། གཞི་ནས་བསླང་བ་དང་། མགུ་བར་བྱ་བ་དང་གཞི་ནས་བསླང་སྟེ་མགུ་བར་བྱ་བ་བྱིན་ལ་དབྱུང་བར་བྱའོ། །སྦྱིན་པ་ཡང་འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ལ་དྲིས་པའི་ཚིག་གིས་དགེ་སློང་རྣམས་ལ་
D1.003.0178a02.01ཡང་དག་པར་བསྒོ་ལ། དགེ་འདུན་ཐམས་ཅད་དམ་ཐ་མ་མེད་པ་དགེ་སློང་བཞིའི་ཚོགས་ཀྱིས་དཀྱིལ་འཁོར་བར་ཚོགས་ཤིང་འདུས་པར་གྱུར་པ་དང་། དགེ་འདུན་ལྷག་མའི་ལྟུང་བ་བྱུང་བའི་དགེ་སློང་དེས་རྒན་རིམས་ཇི་ལྟ་བ་བཞིན་དུ་གདུད་པ་བྱས་ལ་རྒན་རིམས་ཀྱི་མཐར་ཙོག་ཙོག་པོར་འདུག་སྟེ་ཐལ་མོ་
D1.003.0178a03.01སྦྱར་བ་བཏུད་ལ་སྤོ་བ་གསོལ་བར་བྱའོ། །གསོལ་བ་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་མིང་འདི་ཞེས་བགྱི་བ་ལ་ཆེད་དུ་བསམས་ཏེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་མང་པོ་འདི་རྣམས་བྱུང་བ་ཟླ་བ་ཕྱེད་བཅབས་ཏེ། བདག་དགེ་
D1.003.0178a04.01སློང་མིང་འདི་ཞེས་བགྱི་བ་ལ་ཆེད་དུ་བསམས་ཏེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་མང་པོ་འདི་རྣམས་བྱུང་བ་ཟླ་བ་ཕྱེད་བཅབས་པ་དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ན། དགེ་འདུན་བཙུན་པ་ཐུགས་བརྩེ་བ་ཅན་ཐུགས་བརྩེ་བ་ཉེ་བར་བཟུང་སྟེ། བདག་དགེ་སློང་མིང་འདི་
D1.003.0178a05.01ཞེས་བགྱི་བ་ལ་ཆེད་དུ་བསམས་ཏེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་མང་པོ་འདི་རྣམས་བྱུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བ་སྩལ་དུ་གསོལ། དེ་སྐད་ལན་གཉིས་ལན་གསུམ་དུ་བརྗོད་པར་བྱའོ། །དེ་ནས་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་
D1.003.0178a06.01འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་ལ་ཆེད་དུ་བསམས་ཏེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་མང་པོ་བྱུང་བ་ཟླ་བ་ཕྱེད་བཅབས་ནས། དགེ་སློང་མིང་འདི་ཞེས་བགྱི་བ་ལ་ཆེད་དུ་བསམས་ཏེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་
D1.003.0178a07.01