完整藏文原文 · 德格版页 当前仅加载第 3 函德格 90b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲེལ་དང་མི་ལྡན་པས་འདི་ལ་བདག་གི་བུ་མོ་མི་སྦྱིན་ནོ་ཞེས་པ་རྨ་བྱ་དེས་ཐོས་ནས་ཡུལ་འཁོར་སྐྱོང་གི་དྲུང་དུ་སོང་སྟེ་ཚིགས་སུ་བཅད་པས་སྨྲས་པ། དབྱངས་སྙན་ཡིད་འོང་ཁ་དོག་མཛེས་པ་དང་། །འདབ་མ་འདོམ་གང་ཚད་ལྡན་མགྲིན་པ་ནི། །ནོར་བུ་བཻ་ཌཱུརྱ་དང་འདྲ་གྱུར་ན། །ཅི་སླད་ཁྱོད་ཀྱི་
D1.003.0090b01.01སྲས་མོ་བདག་མི་སྩལ། །ཡུལ་འཁོར་སྐྱོང་གིས་སྨྲས་པ། དབྱངས་སྙན་ཡིད་འོང་ཁ་དོག་མཛེས་པ་དང་། །འདབ་མ་འདོམ་གང་ཚད་ལྡན་མགྲིན་པ་ནི། །ནོར་བུ་བཻ་ཌཱུརྱ་དང་འདྲ་གྱུར་ཀྱང་། །འཛེམ་མེད་སྐྱོན་གྱིས་ཁྱོད་ལ་མི་སྦྱིན་ནོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་
D1.003.0090b02.01ཀྱི་རྨ་བྱ་གང་ཡིན་པ་དེ་ནི་དགེ་སློང་འདི་ཉིད་དེ། དེ་ན་ཡང་འདི་ངོ་ཚ་མེད་པའི་སྐྱོན་གྱིས་ཆུང་མ་མ་ཐོབ་ནས་སྡུག་བསྔལ་ཞིང་ཡིད་མི་བདེ་ནས་བྱའི་ཚོགས་ཀྱི་ནང་ནས་བྱུང་ངོ་། །ད་ལྟར་ཡང་འདིས་གཅེར་བུ་མ་གནང་ནས་སྡུག་བསྔལ་ཞིང་ཡིད་མི་བདེ་བས་དགེ་སློང་གི་ཚོགས་ཀྱི་ནང་ནས་བྱུང་
D1.003.0090b03.01ངོ་། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་སྐྲ་འབལ་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། ངས་འདྲེག་པར་རྗེས་སུ་གནང་ན་ཅིའི་ཕྱིར་ཁྱོད་སྐྲ་འབལ། སྐྱེས་བུ་གཏི་མུག་འདི་ལྟ་སྟེ། སྐྲ་འབལ་བ་འདི་
D1.003.0090b04.01ནི་མུ་སྟེགས་པའི་བརྟུལ་ཞུགས་ཡིན་ནོ། །དེ་ལྟ་བས་ན་དགེ་སློང་གིས་སྐྲ་འབལ་བར་མི་བྱའོ། །འབལ་ན་འགལ་ཚབས་ཅན་དུ་འགྱུར་རོ། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ལོ་མའི་བགོ་བ་འཆང་བར་འཚལ་ལོ། །
D1.003.0090b05.01བཅོམ་ལྡན་འདས་ཀྱིས་བཀའ་སྩལ་པ། སྐྱེས་བུ་གཏི་མུག་འདི་ནི་མུ་སྟེགས་པའི་བརྟུལ་ཞུགས་ཡིན་ནོ་ཞེས་བྱ་བ་ནས་འགལ་ཚབས་ཅན་དུ་འགྱུར་རོ་ཞེས་བྱ་བའི་བར་གོང་མ་བཞིན་དུའོ། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་
D1.003.0090b06.01པ་བདག་བླ་གོས་མཐང་གོས་དང་བཅས་པས་འཚོ་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། སྐྱེས་བུ་གཏི་མུག་ངས་ཆོས་གོས་གསུམ་རྗེས་སུ་གནང་ན་ཅིའི་ཕྱིར་ཁྱོད་བླ་གོས་མཐང་གོས་དང་བཅས་པས་འཚོ་བར་བྱེད། དེ་ལྟ་བས་ན་དགེ་སློང་གིས་བླ་གོས་མཐང་
D1.003.0090b07.01