完整藏文原文 · 德格版页 当前仅加载第 3 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
འདིའི་དཔྱད་བྱའོ་སྙམ་ནས། དེས་དེ་ལ་སྨྲས་པ། ཀྱེ་ནང་རྗེ་རེ་ཞིག་དེ་རིང་དོང་རྐོས་ལ་ལྕི་བ་དག་སྟ་གོན་བྱོས་ཤིག་དང་སང་དཔྱད་བྱའོ། །དེས་རྐང་པ་གཉིས་ལ་གཏུགས་ནས་སོང་ངོ་། །འཚོ་བྱེད་ཀྱིས་དེའི་ཕྱི་དེ་ཉིན་འོངས་ནས་དེ་དོང་དུ་བཅུག་སྟེ་ཀླད་པའི་ཐོད་པ་འབྱེད་པའི་དཔྱད་ཀྱིས་
D1.003.0063b01.01ཀླད་པའི་ཐོད་པ་ཕྱེ་ནས་སྐམ་པ་ཚ་བས་སྲིན་གྱི་མེད་ཀྱི་རྒྱབ་ལ་རེག་པ་བྱས་ཏེ་དེས་རྐང་ལག་འཁུམས་པ་དང་། དེ་ནས་དེས་སྐམ་པས་བླངས་ཏེ་བོར་བས་སོས་པར་གྱུར་ཏོ། །དེས་དེ་ལ་ཀཱར་ཥཱ་པ་ཎ་ལྔ་བརྒྱ་བྱིན་པ་དང་དེས་ཀྱང་རྒྱུན་ཤེས་ཀྱི་བུ་ལ་བསྐུར་རོ། །དེ་ནས་འཚོ་བྱེད་ཡུལ་རོ་ཧི་ཏ་ཀ་
D1.003.0063b02.01ཞེས་བྱ་བར་ཕྱིན་པ་དང་། ཡུལ་རོ་ཧི་ཏ་ཀ་ན་ཁྱིམ་བདག་ཅིག་ལ་སྐྱེད་མོས་ཚལ་མེ་ཏོག་དང་། འབྲས་བུ་དང་། ཆུ་ཕུན་སུམ་ཚོགས་པ་ཞིག་ཡོད་དེ། དེ་དེ་ལ་ལྷག་པར་ཆགས་པ་ལས་ཤི་ནས་དེ་ཉིད་དུ་མི་མ་ཡིན་རྣམས་སུ་སྐྱེས་སོ། །དེའི་བུ་ནི་ཁྱིམ་གྱི་དཔོན་པོར་གྱུར་ནས་དེས་སྐྱེད་
D1.003.0063b03.01མོས་ཚལ་དེར་སྲུང་མའི་མི་བཞག་པ་དང་། དེ་མི་མ་ཡིན་པ་དེས་བསད་དོ། །གཉིས་པ་བཞག་པ་དང་། དེ་ཡང་བསད་ནས་ཁྱིམ་བདག་གི་བུ་དེས་སྐྱེད་མོས་ཚལ་དེ་བོར་རོ། །ཇི་ཙམ་ན་མི་དམུ་ཆུས་གང་བ་སྨན་པ་ཐམས་ཅད་ཀྱིས་སྤངས་པ་ཞིག་སྐྱེད་མོས་ཚལ་དེར་སོང་ནས་ནུབ་
D1.003.0063b04.01མོ་འབྲང་བཏབ་སྟེ་འདུག་ནས། ཀྱེ་མའོ་བདག་ནི་མི་མ་ཡིན་པས་བསད་ཀྱང་ཅི་མ་རུང་སྙམ་མོ། །དེ་ཉིད་དུ་འཚོ་བྱེད་ཀྱང་ནུབ་མོ་འབྲང་བཏབ་སྟེ་འདུག་གོ། །ཇི་ཙམ་ན་མི་མ་ཡིན་པ་དེས་དམུ་ཆུ་ཅན་དེ་བསྡིགས་པར་བརྩམས་པ་དང་། དམུ་ཆུའི་ནད་དེ་བྱུང་ནས་སྨྲས་པ། འདི་
D1.003.0063b05.01བདག་གིས་སྔར་བཟུང་ན་ཅིའི་ཕྱིར་འདི་བསྡིགས། ཁྱོད་ལ་ར་སྤུའི་དུད་པས་བདུག་པ་འགའ་ཡང་མེད་པ་ལྟ། དེས་ནི་ཁྱོད་དཔག་ཚད་བཅུ་གཉིས་སུ་འབྲོས་པར་འགྱུར་རོ། །དེས་ཀྱང་སྨྲས་པ། ཁྱོད་ལ་ཡང་ལ་ཕུག་གི་ས་བོན་མར་ཕྱུང་བའི་དར་བ་དང་བཏགས་ཏེ་སྦྱིན་པ་འགའ་ཡང་
D1.003.0063b06.01མེད་པ་ལྟ། དེས་ནི་ཁྱོད་དུམ་བུ་དུམ་བུར་འཛག་པར་འགྱུར་རོ། །ཐམས་ཅད་འཚོ་བྱེད་ཀྱིས་ཐོས་ནས་དེ་ནང་པར་སྔར་ལངས་ཏེ་ཁྱིམ་བདག་དེའི་དྲུང་དུ་སོང་ནས་དེས་སྨྲས་པ། ཁྱིམ་བདག་སྐྱེད་མོས་ཚལ་མེ་ཏོག་དང་། འབྲས་བུ་དང་། ཆུ་ཕུན་སུམ་ཚོགས་པ་ཅིའི་ཕྱིར་དོར། ཁྱིམ་
D1.003.0063b07.01