完整藏文原文 · 德格版页 当前仅加载第 3 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
དོ། །གཞན་ཡང་གལ་ཏེ་དེས་མ་བསྐྲོགས་ན་ཁྱོད་ཀྱིས་ཇི་ལྟར་གསད། མདོར་ན་འདིར་ཉ་རྙེད་པ་གང་ཡིན་པ་དེ་རྣམས་ནི་དེའི་མཐུ་ཡིན་པས་དེས་ཅི་བྱིན་པ་དེ་བླང་བར་བྱ་སྟེ་འཁང་བར་མི་བྱའོ། །དེ་དེས་གནད་ལ་ཕབ་པས་སྐྱེངས་ནས་ཅང་མི་སྨྲ་བར་འདུག་གོ། །བཞིན་རྒྱས་
D1.003.0095b01.01ཀྱིས་སྨྲས་པ། ཚ་བོ་དག་འདི་ལ་ཚིགས་སུ་བཅད་པའི་དབྱངས་ཀྱིས་མི་གཡོ་བར་བགོ་བའི་ཐབས་ཡོད་དོ། །དེ་སྔར་སྨ་ཕབ་པས་སྨྲས་པ། ཞང་པོ་ཅི་དགྱེས་པ་བཞིན་དུ་མཛོད་ཅིག །བཞིན་རྒྱས་ཀྱིས་ཆ་གསུམ་དུ་བགོས་ཏེ། ཉའི་མཇུག་མ་རྣམས་གཅིག་ཏུ་བྱས།
D1.003.0095b02.01མགོ་བོ་རྣམས་གཅིག་ཏུ་བྱས། བར་གྱི་ཆ་རྣམས་གཅིག་ཏུ་བྱས་ནས་ཚིགས་སུ་བཅད་དེ་སྨྲས་པ། ཐང་ལ་རྒྱུ་བས་མཇུག་མ་སྟེ། གཏིང་དུ་རྒྱུ་བས་མགོ་བོའོ། །བར་གྱི་ལུས་ནི་གང་ཡིན་པ། །དེ་ནི་ཆོས་ལ་གནས་པས་བཀུར། །བཞིན་རྒྱས་ཀྱིས་བསམས་པ།
D1.003.0095b03.01འདི་གཉིས་བསླུས་པས་བདག་རྙེད་པ་དང་ལྡན་ནོ་སྙམ་ནས། དེས་ཉ་ཆེན་པོ་ཞིག་གི་རྐེད་པ་ཁྱེར་ཏེ་མའི་དྲུང་དུ་སོང་བ་དང་། དེ་ནས་དེའི་མ་མགུ་ནས་ཚིགས་སུ་བཅད་པའི་དབྱངས་ཀྱིས་དྲིས་པ། བཞིན་རྒྱས་ཁྱོད་ནི་གང་ནས་འོངས། །མགོ་ཡང་མེད་ཅིང་མཇུག་མེད་
D1.003.0095b04.01པའི། །ཉ་བོ་ཆེ་ཞིག་ཐོགས་ནས་ནི། །ཤིན་ཏུ་དོན་གྲུབ་ག་ལས་འོངས། །དེས་སྨྲས་པ། གང་ཕྱིར་བླུན་པོ་རྩོད་གྱུར་ཅིང་། །ཆོས་དང་ཆོས་མིན་མི་ཤེས་པའི། །རྒྱལ་པོའི་མཛོད་ནི་འཕེལ་བ་ལྟར། །དེས་ནི་ཆོག་ཤེས་འཚོ་བར་འགྱུར། །དེས་ཀྱང་ཚིགས་སུ་བཅད་པས་སྨྲས་པ།
D1.003.0095b05.01རྒྱས་པ་བལྟ་ན་སྡུག་པ་ཁྱོད། །ཕ་རོལ་མནན་པ་ཤིན་ཏུ་ལེགས། །དེ་གཉིས་ཀྱང་ནི་མགུ་གྱུར་ལ། །ཁྱོད་ཀྱང་རྙེད་པ་ཕུན་སུམ་ཚོགས། །དགེ་སློང་དག་ཇི་སྙམ་དུ་སེམས་དེའི་ཚེ་དེའི་དུས་ཀྱི་ཝ་བཞིན་རྒྱས་གང་ཡིན་པ་དེ་ནི་ཉེ་དགའ་འདི་ཉིད་ཡིན་ནོ། །སྲམ་གཉིས་པོ་གང་ཡིན་པ་དེ་ནི་
D1.003.0095b06.01རྒན་ཞུགས་འདི་གཉིས་ཡིན་ཏེ། དེ་ན་ཡང་དེ་གཉིས་འདིས་བསླུས་ལ་ད་ལྟར་ཡང་དེ་གཉིས་བསླུས་སོ། །གླེང་གཞི་ནི་མཉན་ཡོད་ནའོ། །རི་འོར་ཞིག་ན་ཁྱིམ་བདག་ཅིག་ཡོད་པ་དེས་གཙུག་ལག་ཁང་ཞིག་བརྩིགས་ནས་དེར་དགེ་སློང་བརྒྱ་དབྱར་གནས་པར་དམ་བཅས་སོ། །
D1.003.0095b07.01