完整藏文原文 · 德格版页 当前仅加载第 3 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
ཚལ་ན་རྒྱུ་བ་བཞིན་དུ་ཁྲི་ནས་ཁྲི་དང་། ཁྲིའུ་ནས་ཁྲིའུར་འགྲོ་ཞིང་འོག་གི་ས་ལ་འབབས་པར་མི་བྱེད་དོ། །དེ་ཟླ་བ་བརྒྱད་དམ་དགུ་འདས་ནས་བུ་མོ་གཟུགས་བཟང་བ་མཛེས་པ་བལྟ་ན་སྡུག་པ་ཞིག་བཙས་ཏེ། གང་གི་ཉི་མ་ལ་བཙས་པ་དེ་ཉིད་ཀྱི་ཉིན་པར་ཡང་
D1.003.0225a01.01མུ་ཏིག་གི་ཆར་བབ་ནས་རྒྱལ་པོས་བསམས་པ། འདི་ལྟར་བུ་མོའི་མཐུས་མུ་ཏིག་གི་ཆར་འབབ་པ་ནི་དེ་ཉིད་ཀྱི་མུ་ཏིག་ཏུ་འགྱུར་རོ་ཞེས་དེས་དེ་ཉིད་ལ་བྱིན་ནོ། །དེ་ནས་ཉི་མ་བདུན་གསུམ་ཉི་ཤུ་རྩ་གཅིག་ཏུ་དེའི་བཙས་སྟོན་རྒྱ་ཆེར་བྱས་ནས་བུ་མོའི་མིང་ཅིར་
D1.003.0225a02.01གདགས་ཞེས་མིང་འདོགས་པར་བྱེད་དོ། །བློན་པོ་རྣམས་ཀྱིས་སྨྲས་པ། གང་གི་ཕྱིར་འདིའི་མཐུས་མུ་ཏིག་གི་ཆར་བབ་པས་དེ་བས་ན་བུ་མོ་འདིའི་མིང་མུ་ཏིག་ཅན་ཞེས་གདགས་སོ་ཞེས་དེའི་མིང་མུ་ཏིག་ཅན་ཞེས་བྱ་བར་བཏགས་ཏེ། །བུ་མོ་མུ་ཏིག་ཅན་མ་མ་
D1.003.0225a03.01བརྒྱད་ལ་གཏད་དེ། པང་ན་འཚོ་བའི་མ་མ་གཉིས་དང་། ནུ་མ་སྣུན་པའི་མ་མ་གཉིས་དང་། དྲི་མ་འཕྱི་བའི་མ་མ་གཉིས་དང་། རྩེན་གྲོགས་ཀྱི་མ་མ་གཉིས་ཏེ། དེ་མ་མ་བརྒྱད་པོ་དག་གིས་འོ་མ་དང་། ཞོ་དང་། མར་དང་། ཞུན་མར་དང་། མར་གྱི་སྙིང་
D1.003.0225a04.01པོ་དང་། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད་སྐྱེད་པར་བྱེད་ཅིང་རྫིང་ན་གནས་པའི་པད་མ་བཞིན་མྱུར་དུ་སྐྱེད་པར་བྱེད་དོ། །དེ་གང་གི་ཚེ་ཆེན་མོར་གྱུར་པ་དེའི་ཚེ་རང་གི་རིགས་དང་མཐུན་པའི་སྤྱོད་པ་དང་། གནས་པས་རྒྱལ་པོ་ནང་མི་དང་བཅས་
D1.003.0225a05.01པས་ལྷག་པར་བཀུར་སྟི་བྱེད་དོ། །ཇི་ཙམ་དུས་གཞན་ཞིག་ན་མཉན་ཡོད་ཀྱི་ཚོང་པ་རྣམས་ཀྱིས་ནོར་བསྒྲུབ་པའི་ཕྱིར་རྒྱ་མཚོའི་གྲུ་བོ་ཆེ་བསྒྲུབས་ཏེ། རྒྱ་མཚོ་ཆེན་པོར་ཞུགས་པ་དང་དེ་རྣམས་གྲུ་བོ་ཆེ་ཕན་ཕུན་མེད་པར་རླུང་གི་ཤུགས་ཀྱིས་སིང་ག་ལའི་གླིང་དུ་ཕྱིན་ཏོ། །དེ་
D1.003.0225a06.01ནས་སྣོད་རྣམས་མཁོས་སུ་ཕབ་སྟེ། རྒྱལ་པོའི་ཕོ་བྲང་དང་ཧ་ཅང་ཡང་མི་རིང་བ་ཞིག་ཏུ་འབྲང་བཏབ་བོ། །དེ་རྣམས་ཀྱིས་མཚན་མོའི་ཐུན་ཐ་མ་ལ་ཆེད་དུ་བརྗོད་པ་དང་། ཕ་རོལ་འགྲོ་བྱེད་དང་། བདེན་པ་མཐོང་བ་དང་། གནས་བརྟན་གྱི་ཚིགས་སུ་བཅད་
D1.003.0225a07.01