完整藏文原文 · 德格版页 当前仅加载第 3 函德格 54b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་གཟུགས་ཅན་སྙིང་པོ་ལ་བྱིན་གྱིས་རྒྱན་རྣམས་ཐོགས་ལ་སྐྱེད་མོས་ཚལ་དུ་བྱུང་ཤིག །དེས་རྒྱན་རྣམས་ཐོགས་པར་བརྩམས་པ་དང་། གོས་ཅན་གྱིས་མཐོང་ནས་དེས་སྨྲས་པ། ཅི་ཞིག་གི་ཕྱིར་རྒྱན་ཐོགས། ཁོ་མོ་བག་མར་བཏང་ངོ་། །སུ་ཞིག་ལ། རྒྱལ་པོ་གཟུགས་ཅན་སྙིང་པོ་
D1.003.0054b01.01ལའོ། །དེས་སྨྲས་པ། ཁོ་མོ་ཕུ་མོ་ཡིན་ན་ཁྱོད་ཅི་སྟེ་བག་མར་གཏང་། གལ་ཏེ་དེ་ལྟ་ན་ཁྱོད་རྒྱན་ཐོགས་ཤིག །དེ་ཡང་སྨྲ་བ་ལས་དྲིལ་གྱི་སྒྲ་བྱུང་ངོ་། །ཡངས་པ་ཅན་གྱི་ཚོགས་རོད་རོད་པོར་གྱུར་ཏེ། བདག་ཅག་གི་མི་མཛའ་བ་ཞིག་ཡངས་པ་ཅན་དུ་ཞུགས་སོ། །སེང་གེ་སྔངས་པས་
D1.003.0054b02.01ཉེ་གོས་ཅན་ཡིན་ནོ་སྙམ་ནས་གོས་ཅན་ཁྲིད་དེ་མྱུར་བ་མྱུར་བར་ཕྱིར་བྱུང་བ་དང་། ས་སྐྱོང་ཡང་སྔངས་པས་གོས་ཅན་ཤིང་རྟར་བཅུག་སྟེ་སོང་ངོ་། །ཡངས་པ་ཅན་གྱི་ཚོགས་ཀྱིས་ཕྱི་བཞིན་བསྙགས་ནས། དེ་དང་དེ་རྣམས་སུ་ལྷན་ཅིག་འཐབ་པར་བརྩམས་པ་དང་། དེ་གནས་ལྔ་རྣམས་ལ་བྱང་
D1.003.0054b03.01བ་ཡིན་པས་དེས་ལིཙྪ་བཱི་ལྔ་བརྒྱའི་གནད་དུ་བསྣུན་ནས་དེས་སྨྲས་པ། ཤེས་ལྡན་དག་ངས་ཁྱེད་ཅག་ལས་ལྔ་བརྒྱ་གནད་དུ་བསྣུན་ཟིན་གྱིས་ལྷག་མ་རྣམས་སྲོག་བསྐྱབ་ཀྱིས་སླར་དེང་ཤིག །དེ་རྣམས་ཀྱིས་སྨྲས་པ། ངེད་ཅག་ལས་སེམས་ཅན་གཅིག་ཀྱང་བསད་པ་མེད་དོ། །གོ་ཕུད་ཅིག་
D1.003.0054b04.01དེ་རྣམས་ཀྱིས་གོ་ཕུད་པ་དང་ལྔ་བརྒྱ་ས་ལ་འགྱེལ་ནས་སྲོག་དང་བྲལ་བར་གྱུར་ཏོ། །དེ་ནས་དེ་རྣམས་ཀྱིས་མི་འདི་ནི་སྲིན་པོ་ཡིན་ནོ་སྙམ་ནས་སྐྲག་སྟེ་བྲོས་སོ། །ཡངས་པ་ཅན་དུ་ལྷགས་ནས་གྲོས་བྱ་བར་བརྩམས་པ། ཤེས་ལྡན་དག་བདག་ཅག་གི་དགྲ་འདི་ལ་གཟུགས་ཅན་སྙིང་པོའི་བུ་
D1.003.0054b05.01རྣམས་ལན་གློན་དུ་གཞུག་གིས་གླེགས་བུ་ལ་ཡི་གེར་བྲིས་ཏེ་སྒྲོམ་བུར་བཅུག་ནས་རྒྱ་སྐྱེགས་ལ་རྒྱས་བཏབ་ནས་གཞག་གོ་ཞེས་དེ་རྣམས་ཀྱིས་དེ་བཞིན་དུ་བྱས་ནས་བཞག་གོ། །ས་སྐྱོང་ཡང་རིམ་གྱིས་རྒྱལ་པོའི་ཁབ་ཏུ་ཕྱིན་ནས་སྨྲས་པ། ཉེ་གོས་ཅན་བོབས་ཤིག །དེས་སྨྲས་པ། ཁུ་
D1.003.0054b06.01གུ་བདག་ནི་ཉེ་གོས་ཅན་མ་ལགས་ཏེ། བདག་ནི་གོས་ཅན་ལགས་སོ། །ཁྱོད་ཀྱིས་ཅིའི་ཕྱིར་བདག་ལ་མ་སྨྲས། དེ་ཅང་མི་སྨྲ་བར་འདུག་གོ། །དེ་ནས་དེ་སྡུག་བསྔལ་ཞིང་ཡིད་མི་བདེ་བས་རྒྱལ་པོའི་དྲུང་དུ་སོང་བ་རྒྱལ་པོས་མཐོང་ནས་སྨྲས་པ། ས་སྐྱོང་འོངས་སམ་འོངས་པ་ལེགས་སོ། །
D1.003.0054b07.01