完整藏文原文 · 德格版页 当前仅加载第 3 函德格 146b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོག་གི་འཐབ་མོ་དང་། མ་ཧེའི་འཐབ་མོ་དང་། རའི་འཐབ་མོ་དང་། ལུག་གི་འཐབ་མོ་དང་། བུད་མེད་ཀྱི་འཐབ་མོ་དང་། སྐྱེས་པའི་འཐབ་མོ་དང་། གཞོན་ནུའི་འཐབ་མོ་དང་། གཞོན་ནུ་མའི་འཐབ་མོ་དང་། བྱ་གག་གི་འཐབ་མོ་དང་། སྲེག་པའི་འཐབ་མོ་དང་། བྱི་ཁྲའི་འཐབ་
D1.003.0146b01.01མོ་ཡང་བྱེད་ཅིང་བྱེད་དུ་འཇུག་སྟེ། དེ་རྣམས་དང་གཞན་ཡང་དགེ་སྦྱོང་གི་ལས་མ་ཡིན་པ་བྱེད་ཅིང་བྱེད་དུ་འཇུག་གོ། །དེ་གཉིས་ཀྱི་ཚུལ་དང་། སྤྱོད་པ་དང་། ལོག་པར་སྒྲུབ་པ་དེས་རི་ནག་པོ་ལ་དགེ་སློང་མ་འོངས་པ་རྣམས་མི་འོང་ཞིང་འོངས་པ་རྣམས་ཀྱང་མི་འདོད་པས་རི་ནག་པོའི་
D1.003.0146b02.01གནས་འདོར་བར་བྱེད་དོ། །རི་ནག་པོ་ན་གནས་པའི་བྲམ་ཟེ་དང་ཁྱིམ་བདག་རྣམས་ཀྱང་ཡིད་མ་རངས་ཤིང་མ་མགུ་བས་འོངས་ནས་རིང་དུ་ལོན་པ་གཉུག་མར་གནས་པ་རྣམས་ལ་ཡང་བཀའ་འཁོར་དུ་བསོད་སྙོམས་སྦྱིན་པར་བྱ་བར་མི་སེམས་ན་གློ་བུར་བ་རྣམས་ལ་ལྟ་སྨོས་ཀྱང་ཅི་
D1.003.0146b03.01འཚལ། ཇི་ཙམ་དུས་གཞན་ཞིག་ན་ཚེ་དང་ལྡན་པ་ཀུན་དགའ་བོ་ཡུལ་ཀ་ཤི་ནས་ལྗོངས་རྒྱུ་ཞིང་སོང་བ་དང་རི་ནག་པོར་ཕྱིན་ནས་རི་ནག་པོའི་ཚལ་ན་འདུག་གོ། །ཚེ་དང་ལྡན་པ་ཀུན་དགའ་བོ་སྔ་དྲོ་ཤམ་ཐབས་བགོས་ཆོས་གོས་དང་ལྷུང་བཟེད་ཐོགས་ནས་རི་ནག་པོར་བསོད་སྙོམས་
D1.003.0146b04.01ཀྱི་ཕྱིར་ཞུགས་པ་ལས། དེ་ཇི་ལྟར་ལྷུང་བཟེད་བཀྲུས་པས་རི་ནག་པོར་བསོད་སྙོམས་ཀྱི་ཕྱིར་ཞུགས་པ་ལྷུང་བཟེད་བཀྲུས་པ་དེ་བཞིན་དུ་སླར་ལོག་སྟེ་སྦྱིན་པ་ཡང་མ་རྙེད། ཚིག་ཀྱང་མ་སྟེར་ཏེ་ཆུང་ངུ་ན་བསོད་སྙོམས་གཅིག་ཀྱང་མ་རྙེད་དོ། །དེ་ནས་ཚེ་དང་ལྡན་པ་ཀུན་དགའ་བོ་
D1.003.0146b05.01འདི་སྙམ་དུ་སེམས་ཏེ། རི་ནག་པོ་འདི་སྔོན་ཡང་འབྱོར་ཅིང་རྒྱས་པ། ལོ་ལེགས་པ། སྐྱེ་བོ་དང་མི་མང་པོས་གང་བར་གྱུར་ཅིང་བསོད་སྙོམས་པ་དང་སློང་མོ་བས་རྙེད་བླ་བར་གྱུར་ལ། ད་དུང་ཡང་རི་ནག་པོ་འདི་འབྱོར་ཅིང་རྒྱས་པ། བདེ་བ་དང་ལོ་ལེགས་པ་དང་། སྐྱེ་བོ་དང་མི་
D1.003.0146b06.01མང་པོས་གང་བར་གྱུར་ན། འོན་ཀྱང་བདག་ནི་ཇི་ལྟར་ལྷུང་བཟེད་བཀྲུས་པས་རི་ནག་པོར་བསོད་སྙོམས་ཀྱི་ཕྱིར་ཞུགས་པ་ལྷུང་བཟེད་བཀྲུས་པ་དེ་བཞིན་དུ་སླར་ལོག་སྟེ་སྦྱིན་པ་ཡང་མ་རྙེད་དོ། །ཚིག་ཀྱང་མ་སྟེར་ཏེ་ཆུང་ངུ་ན་བསོད་སྙོམས་གཅིག་ཙམ་ཡང་མ་རྙེད་ན། འདིར་བཅོམ་
D1.003.0146b07.01