完整藏文原文 · 德格版页 当前仅加载第 3 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱིས་ཆོས་ཀྱིས་བསླང་ངོ་། །ཡངས་པ་ཅན་གྱི་དགེ་སློང་རྣམས་བདག་ཅག་གིས་དགེ་སློང་ནག་པོ་སྐྱོན་མེད་པ་གནོད་པ་མ་བྱས་པ་ལ་མཐུས་གནས་ནས་དབྱུང་བའི་ལས་བྱས་པ་གང་ཡིན་པ་ནི་མ་ལེགས་པ་ཞིག་བྱས་སོ་ཞེས་འགྱོད་པ་སྐྱེས་ནས། དེ་རྣམས་ལྷུང་བཟེད་
D1.003.0251a01.01དང་ཆོས་གོས་བླངས་ཏེ་མཉན་ཡོད་གང་ན་བ་དེར་རྒྱུ་ཞིང་སོང་བ་ལས། དེ་རྣམས་ཀྱིས་ལམ་ཀར་དགེ་སློང་ཞིག་མཐོང་ནས་སྨྲས་པ། ཚེ་དང་ལྡན་པ་ཁྱོད་གང་ནས་འོངས། མཉན་ཡོད་ནས་སོ། །ཁྱོད་ཀྱིས་{རི་དགས་,རི་དྭགས་}འཛིན་གྱི་བུ་ནག་པོ་མཐོང་ངམ། མཐོང་ངོ་། །དེ་ཅི་བྱ། ཁོ་བོ་
D1.003.0251a02.01ཅག་གིས་དེ་སྐྱོན་མེད་པ་གནོད་པ་མ་བྱས་པ་ལ་གླེང་བ་མ་བྱས། དྲན་པར་མ་བྱས་པར་མཐུས་གནས་ནས་དབྱུང་བའི་ལས་བྱས་སོ། །བསླང་ཟིན་ནོ། །སུས། བཅོམ་ལྡན་འདས་ཀྱིས་སོ། །དེ་ན་ཁ་ཅིག་གིས་ནི་འདི་སྐད་ཅེས་སྨྲས་སོ། །བསླང་བ་ནི་མ་ཡིན་གྱི་ཐག་བསྲིང་བར་
D1.003.0251a03.01བསླང་བ་ཡིན་ཏེ། འདི་ལྟར་དེ་བདག་ཅག་གིས་གནས་ནས་དབྱུང་བའི་ལས་བྱས་ལ། བདག་ཅག་གིས་མངོན་སུམ་དུ་མ་གྱུར་པར་དེ་བསླང་བ་ནི་རིགས་པ་མ་ཡིན་ནོ། །ཁ་ཅིག་གིས་སྨྲས་པ། གལ་ཏེ་བཅོམ་ལྡན་འདས་ཆོས་ཀྱི་རྗེ། བདེ་བར་གཤེགས་པ་ཆོས་ཀྱི་རྗེས་བསླང་ན་ལེགས་
D1.003.0251a04.01པར་བསླང་བ་ཡིན་ནོ། །དེ་རྣམས་རིམ་གྱིས་མཉན་ཡོད་དུ་ཕྱིན་པ་དང་ལྷུང་བཟེད་དང་། ཆོས་གོས་མཁོས་སུ་ཕབ་ནས་རྐང་པ་གཉིས་བཀྲུས་ཏེ། བཅོམ་ལྡན་འདས་གང་ན་བ་དེར་སོང་ནས་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་
D1.003.0251a05.01ཏུ་འདུག་གོ། །ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་ཡངས་པ་ཅན་གྱི་དགེ་སློང་རྣམས་ཀྱིས་འདི་སྐད་ཅེས་གསོལ་ཏོ། །བཙུན་པ་བདག་ཅག་བྱིས་པ། བླུན་པ། མི་གསལ་བ། མི་མཁས་པ་རྣམས་ཀྱིས་{རི་དགས་,རི་དྭགས་}འཛིན་གྱི་བུ་ནག་པོ་སྐྱོན་མ་མཆིས་པ་གནོད་པ་
D1.003.0251a06.01མ་བགྱིས་པ་ལ་གླེང་བ་མ་བགྱིས། དྲན་པར་མ་བགྱིས་པར་མཐུས་གནས་ནས་དབྱུང་བའི་ལས་བགྱིས་པ་བདག་ཅག་འགྱོད་པ་སྐྱེས་ནས་{རི་དགས་,རི་དྭགས་}འཛིན་གྱི་བུ་ནག་པོ་ལ་བཟོད་པ་གསོལ་དུ་འདིར་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རྩོད་པ་དེ་
D1.003.0251a07.01