完整藏文原文 · 德格版页 当前仅加载第 3 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
གཞི་རྫོགས་{སྷོ,སོ}།། །།འདུལ་བ་གཞི། བམ་པོ་བདུན་བཅུ་བཞི་པ། གནས་མལ་གྱི་གཞིའི་སྡོམ་ལ། ཤཱཀྱ་མིན་པའི་ལྔ་སྡེ་དང་། །མགོན་མེད་དགེ་འདུན་གང་ཟག་གི། །དངོས་པོ་བཅོམ་པའི་ཕྱིར་དང་ནི། །གཤིབས་པ་ཡི་ནི་ས་དང་ནི། །དགོན་པ་ཆོས་གོས་སྣུམ་
D1.003.0187a01.01བ་དང་། །དགོན་པ་གནས་བརྟན་རྙེད་པ་དང་། །བརྒྱད་པོ་དག་ནི་ཕྱི་མ་ཡིན། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་དགེ་སློང་རབ་ཏུ་མང་པོ་དག་བསྙེན་བཀུར་གྱི་གནས་སུ་ཚོགས་ཤིང་འདུས་ནས་འདི་ལྟ་བུའི་སྐབས་
D1.003.0187a02.01ཀྱི་གཏམ་དག་གླེང་བར་བྱེད་དེ། ཚེ་དང་ལྡན་པ་དག་བདག་ཅག་གིས་སུ་ཞིག་ལ་བསྙེན་བཀུར་བྱ། བླ་མར་བྱ། རྗེད་པར་བྱ། མཆོད་པར་བྱ། བདག་ཅག་གིས་སུ་ཞིག་ལ་མངོན་དུ་སྨྲ་བ་དང་། ཕྱག་དང་། ལྡང་བ་དང་། ཐལ་མོ་སྦྱར་བ་དང་། གདུད་པ་བྱ། བདག་
D1.003.0187a03.01ཅག་གི་ནང་ན་སུ་ཞིག་སྟན་གྱི་ཐོག་མ་དང་། བཏུང་བའི་ཐོག་མ་དང་། བསོད་སྙོམས་ཀྱི་ཐོག་མ་ལོངས་སྤྱད་པར་འོས། དེ་ན་ཁ་ཅིག་གིས་འདི་སྐད་ཅེས་སྨྲས་སོ། །ཤཱཀྱ་ལས་རབ་ཏུ་བྱུང་བ་གང་ཡིན་པའོ། །ཁ་ཅིག་གིས་འདི་སྐད་ཅེས་སོ། །བྲམ་ཟེ་ལས་རབ་ཏུ་བྱུང་བ་གང་ཡིན་པའོ། །
D1.003.0187a04.01གཞན་དག་ན་རེ་རྒྱལ་རིགས་ལས་རབ་ཏུ་བྱུང་བ་གང་ཡིན་པའོ། །གཞན་དག་ན་རེ་རྗེའུ་རིགས་ལས་རབ་ཏུ་བྱུང་བ་གང་ཡིན་པའོ། །གཞན་དག་ན་རེ་དམངས་རིགས་ལས་རབ་ཏུ་བྱུང་བ་གང་ཡིན་པའོ། །གཞན་དག་ན་རེ་རིགས་ངན་པ་མ་ཡིན་པ་མཐོན་པོ་ལས་རབ་ཏུ་བྱུང་བ་དང་། བཀྲེན་པ་མ་ཡིན་པ་ཕྱུག་པོའི་
D1.003.0187a05.01རིགས་ལས་རབ་ཏུ་བྱུང་བ་གང་ཡིན་པའོ། །གཞན་དག་ན་རེ་གཟུགས་བཟང་པོ་བལྟ་ན་སྡུག་པ་མཛེས་པ་དང་། ཚིག་བཟང་པོ་ཚིག་ལ་མཁས་པ་དང་ལྡན་པ་དང་། ཤེས་ཉེན་ཅན་བསོད་ནམས་ཆེ་བ་དང་། མདོ་སྡེ་འཛིན་པ། འདུལ་བ་འཛིན་པ། མ་མོ་འཛིན་པ། ཐོས་པ་མང་བ། ཆོས་
D1.003.0187a06.01སྨྲ་བ། གནས་བརྟན་རྒྱལ་པོར་འོས་པ་དང་། དགོན་པ་པ་དང་། ཆོས་གོས་གསུམ་པ་དང་། ཕྱིང་བ་ཅན་དང་། ཕྱག་དར་ཁྲོད་པ་དང་། བསོད་སྙོམས་པ་དང་། བསོད་སྙོམས་མི་འདམ་པ་དང་། སྟན་གཅིག་པ་དང་། ཟས་ཕྱིས་མི་ལེན་པ་དང་། ཤིང་དྲུང་པ་དང་། དུར་ཁྲོད་པ་དང་། བླ་
D1.003.0187a07.01