完整藏文原文 · 德格版页 当前仅加载第 3 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་སྨྲ་འདོད་ཀྱི་སེང་གེའི་གཙུག་ལག་ཁང་དྲི་དང་མེ་ཏོག་གི་ཕྲེང་བ་དང་། བདུག་པ་དང་། ཕྱེ་མ་རྣམས་ཀྱིས་གཏོར་ལ་གནས་མལ་ལ་ཡང་བདུག་པས་བདུག་ཅིང་མེ་ཏོག་དྲི་ཞིམ་པོས་བརྒྱན་པའི་
D1.003.0017a01.01མེ་ཏོག་གི་གདུགས་བྲེས་ཤིག །བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏོ། །ཇི་ཙམ་ན་དེ་བསོད་སྙོམས་ལ་སོང་བ་དེའི་བར་དུ་དེའི་གཙུག་ལག་ཁང་དུ་སོང་ནས་བཅོམ་ལྡན་འདས་ཀྱིས་བཀའ་སྩལ་བ་བཞིན་
D1.003.0017a02.01ཐམས་ཅད་བྱས་སོ། །དེ་ནས་ཚེ་དང་ལྡན་པ་སྨྲ་འདོད་ཀྱི་སེང་གེ་བསོད་སྙོམས་ལ་བརྒྱུས་ནས་གཙུག་ལག་ཁང་དུ་འོངས་པ་དང་ལྷའི་འབྱོར་པ་མཐོང་ནས། དེ་ནས་དགའ་བའི་ཡིད་ཀྱིས་བསོད་སྙོམས་ལ་ལོངས་སྤྱད་དེ་ཟས་ཀྱི་བྱ་བ་བྱས་ནས་གཙུག་ལག་ཁང་གི་ཕྱི་རོལ་
D1.003.0017a03.01དུ་རྐང་པ་གཉིས་བཀྲུས་ཏེ་གཙུག་ལག་ཁང་དུ་ཞུགས་ནས། སྐྱིལ་མོ་ཀྲུང་བཅས་ཏེ་ལུས་དྲང་པོར་བསྲང་ནས་དྲན་པ་མངོན་དུ་ཕྱོགས་པར་དེར་བཞག་སྟེ་འདུག་པ་དང་། དྲི་ཞིམ་པོ་མནམ་ནས་དེའི་སེམས་མཉམ་པར་བཞག་པར་སྐྱེས་སོ། །དེ་ནས་དེས་ཉོན་མོངས་པ་
D1.003.0017a04.01ཐམས་ཅད་སྤངས་ཏེ། དགྲ་བཅོམ་པ་ཉིད་མངོན་སུམ་དུ་བྱས་ནས་ཞེས་བྱ་བ་ནས། མངོན་དུ་སྨྲ་བར་གྱུར་ཏོ་ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ངའི་དགེ་སློང་དང་ངའི་ཉན་ཐོས་
D1.003.0017a05.01སྡུག་པས་རྣམ་པར་གྲོལ་བ་རྣམས་ཀྱི་མཆོག་ནི་འདི་ལྟ་སྟེ། དགེ་སློང་སྨྲ་འདོད་ཀྱི་སེང་གེ་འདི་ཡིན་ནོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་དགེ་སློང་གཞན་རྣམས་ནི་མི་སྡུག་པས་རྣམ་
D1.003.0017a06.01པར་གྲོལ་ན། ཚེ་དང་ལྡན་པ་སྨྲ་འདོད་ཀྱི་སེང་གེ་སྡུག་པས་རྣམ་པར་གྲོལ་བ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འདི་ནི་ཚེ་རབས་ལྔ་བརྒྱ་བཏུད་མར་སུམ་བཅུ་རྩ་གསུམ་གྱི་ལྷ་རྣམས་ནས་ཤི་འཕོས་ཤིང་དེ་ཉིད་དུ་སྐྱེས་ཏེ། ད་ལྟར་
D1.003.0017a07.01