完整藏文原文 · 德格版页 当前仅加载第 3 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བསོད་སྙོམས་ནོད་པའི་དགེ་སློང་ལ་སོ་སོ་ཡང་དག་པར་དགའ་བར་མཛད་པ་འདིས་སོ་སོ་ཡང་དག་པར་དགའ་བར་མཛད་དེ། དགེ་སློང་ཇི་ག་དགེ་སློང་གི་དགེ་འདུན་ལ་ཁ་ཟས་བསོད་པས་ཚིམ་པར་བྱས་སམ། བཙུན་པ་མད་པར་དགེ་སློང་གི་དགེ་འདུན་ལ་ཞལ་ཟས་བསོད་པས་
D1.003.0128a01.01ཚིམ་པར་བགྱིས་ན། འོན་ཀྱང་རྒོལ་བ་དང་ཕྱིར་རྒོལ་བའི་དགེ་སློང་རྣམས་སྡུམ་པའི་ནང་དུ་འཐབ་ཀྲོལ་དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་ནས་འདི་ལྟ་སྟེ། ལྟུང་བ་བྱུང་ངོ་ཞེའམ་ཞེས་བྱ་བ་ནས་གཞག་པར་འོས་པ་ཞེས་བྱ་བའི་བར་གོང་མ་བཞིན་དུའོ། །ད་ནི་ཕན་ཚུན་དུ་རྡེག་
D1.003.0128a02.01པ་ལ་ཞུགས་ལགས་སོ། །དེ་ནས་བཅོམ་ལྡན་འདས་ཀྱིས་ཞལ་ཟས་ཀྱི་བྱ་བ་མཛད་ནས་གཙུག་ལག་ཁང་གི་ཕྱི་རོལ་དུ་ཞབས་གཉིས་བཀྲུས་ཏེ་ནང་དུ་ཡང་དག་འཇོག་གི་ཕྱིར་གཙུག་ལག་ཁང་དུ་ཞུགས་སོ། །དེ་ནས་བཅོམ་ལྡན་འདས་དགོངས་ཀ་ནང་དུ་ཡང་དག་འཇོག་ལས་བཞེངས་ནས་
D1.003.0128a03.01དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་ཁ་ཟས་ལ་ཁྱིམ་དུ་ཞུགས་པ་ན། འཐབ་ཀྲོལ་དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་བར་
D1.003.0128a04.01གྱུར་ནས་འདི་ལྟ་སྟེ་ལྟུང་བ་བྱུང་ངོ་ཞེའམ་ཞེས་བྱ་བ་ནས་ད་ནི་ཕན་ཚུན་དུ་རྡེག་པ་ལ་ཞུགས་སོ། །ཞེས་བྱ་བའི་བར་དུ་བདེན་ནམ། བཙུན་པ་མད་ལགས་སོ། །དགེ་སློང་དག་འཐབ་ཀྲོལ་མ་བྱེད་ཅིག །མཚང་མ་འདྲུ་ཞིག །མ་རྩོད་ཅིག །མ་འགྱེད་ཅིག །གཞན་ཡང་ངས་རྒོལ་བ་དང་ཕྱིར་
D1.003.0128a05.01རྒོལ་བའི་དགེ་སློང་རྣམས་ཁང་པའི་ནང་དུ་འཇུག་པའི་ཀུན་དུ་སྤྱོད་པའི་ཆོས་བཅའ་བར་བྱ་སྟེ། རྒོལ་བ་དང་ཕྱིར་རྒོལ་བའི་དགེ་སློང་རྣམས་ཀྱིས་ཁང་པའི་ནང་དུ་ཞུགས་ནས་གང་དུ་ལུས་ཀྱི་ཀུན་དུ་སྤྱོད་པ་རུང་བ་མ་ཡིན་པ་དེ་ལྟ་བུའི་སྐབས་མི་འབྱུང་བར་བསྟན་པར་ཆད་ཡོད་པར་འདུག་པར་
D1.003.0128a06.01བྱའོ། །རྒོལ་བ་དང་ཕྱིར་རྒོལ་བའི་དགེ་སློང་རྣམས་ཀྱིས་ཁང་པའི་ནང་དུ་ཞུགས་ནས་ཀུན་དུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་གསུངས་ན། འོན་ཀྱང་དགེ་
D1.003.0128a07.01