完整藏文原文 · 德格版页 当前仅加载第 3 函德格 253b 版页；藏文 NFD、目录标记与异常页序保留在来源切片中，重复版页行以稳定序号区分。
བཟོད་པ་དེ་དག་ནི་གསུང་ཤིག །འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལས་བརྗོད་པ་གཉིས་པ་དང་། གསུམ་གྱི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་མེ་བཞི་ལ་དེའི་ངོ་བོ་ཉིད་ཚོལ་དུ་གཞུག་པར་འོས་པ་སྩལ་ལགས་ཏེ།
D1.003.0253b01.01འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །ངས་དེའི་ངོ་བོ་ཉིད་ཚོལ་དུ་གཞུག་པར་འོས་པ་བྱིན་པའི་དགེ་སློང་གི་ཀུན་དུ་སྤྱོད་པའི་ཆོས་བཅའ་བར་བྱ་སྟེ། དེའི་ངོ་བོ་ཉིད་ཚོལ་དུ་གཞུག་པར་འོས་པ་བྱིན་པའི་དགེ་སློང་གིས་རབ་ཏུ་དབྱུང་བར་མི་བྱ། བསྙེན་པར་རྫོགས་པར་མི་བྱ།
D1.003.0253b02.01གནས་མི་སྦྱིན། དགེ་ཚུལ་གཞག་པར་མི་བྱ། འདིས་ལས་མི་བྱ། ལས་བྱེད་པར་བསྐོ་བར་མི་བྱ། འདིས་དགེ་སློང་མ་ལ་གདམས་ངག་སྦྱིན་པར་མི་བྱ། དགེ་སློང་མའི་གདམས་ངག་སྟོན་པར་བསྐོ་བར་མི་བྱ། སྔོན་བསྐོས་ན་ཡང་དགེ་སློང་མ་ལ་གདམས་ངག་སྦྱིན་པར་མི་བྱ།
D1.003.0253b03.01འདིས་དགེ་སློང་ལ་ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པས་གླེང་བར་མི་བྱ། དྲན་པར་མི་བྱ་སྟེ། འདིས་གདམས་ངག་དབོག་པར་མི་བྱ། གསོ་སྦྱོང་ལ་མ་ཡིན། དགག་དབྱེ་ལ་མ་ཡིན། གསོལ་བ་ལ་མ་ཡིན།
D1.003.0253b04.01གསོལ་བ་དང་གཉིས་ལ་མ་ཡིན། གསོལ་བ་དང་བཞིའི་ལས་ལ་མ་ཡིན་ཞིང་། གང་དག་འདུལ་བ་འཛིན་པ་གཞན་ཡོད་ན་དགེ་འདུན་གྱི་ནང་དུ་འདུལ་བ་གདོན་པར་ཡང་མི་བྱའོ། །དེའི་ངོ་བོ་ཉིད་ཚོལ་དུ་གཞུག་པར་འོས་པ་བྱིན་པའི་དགེ་སློང་གིས་ཀུན་དུ་སྤྱོད་པའི་ཆོས་ཇི་ལྟར་བཅས་
D1.003.0253b05.01པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །ཆོས་མ་ཡིན་པའི་དེའི་ངོ་བོ་ཉིད་ཚོལ་དུ་གཞུག་པར་འོས་པ་སྦྱིན་པ་ཆོས་མ་ཡིན་པ་གཅིག་དང་ཆོས་ཀྱི་གཅིག་གོ། །ཆོས་མ་ཡིན་པའི་གཅིག་གང་ཞེ་ན། འདི་ལྟ་སྟེ་དགེ་སློང་གཞི་ཅན་དགེ་
D1.003.0253b06.01འདུན་གྱི་ནང་དུ་ལྟུང་བ་དྲན་ཏེ་ཤེས་པ་ལས་བརྗེད་པ་དེ་བརྗེད་ན་ཡང་དྲན་པ་དེ་ལ་དགེ་འདུན་གྱིས་དེའི་ངོ་བོ་ཉིད་ཚོལ་དུ་གཞུག་པར་འོས་པ་སྦྱིན་པ་ནི་ཆོས་མ་ཡིན་པའི་དེའི་ངོ་བོ་ཉིད་ཚོལ་དུ་གཞུག་པར་འོས་པ་སྦྱིན་པ་སྟེ། འདི་ནི་ཆོས་མ་ཡིན་པའི་གཅིག་ཡིན་ནོ། །ཆོས་ཀྱི་གཅིག་
D1.003.0253b07.01