完整藏文原文 · 德格版页 当前仅加载第 3 函德格 288b 版页；藏文 NFD、目录标记与异常页序保留在来源切片中，重复版页行以稳定序号区分。
ཅག་དེ་ལ་གླང་པོ་རིན་པོ་ཆེ་འབུལ་ལམ་ཞེས་སྨྲས་ནས་ཐལ་ལྕག་གིས་གླང་པོ་ཆེ་བསད་དོ། །ཇི་ཙམ་ན་ཕྱོགས་དེར་དགའ་བོ་འོངས་པ་དེས་དེ་མཐོང་ནས་དྲིས་པ། ཤེས་ལྡན་དག་གླང་པོ་ཆེ་བཟང་པོ་འདི་སུས་བསད། དེ་རྣམས་ཀྱིས་སྨྲས་པ། ལྷས་བྱིན་གྱིས་སོ། །
D1.003.0288b01.01དེས་བསམས་པ། གདོན་མི་ཟ་བར་འདི་ལ་ལྷས་བྱིན་གྱི་མཐུ་སད་ཀྱིས་མ་ལ་བདག་གིས་ཀྱང་འདི་ལ་མཐུ་སད་པར་བྱའོ་སྙམ་ནས་མཇུག་མ་ནས་བཟུང་སྟེ་དྲི་མི་ཞིམ་པར་མི་འགྱུར་བར་བྱ་བར་མཐའ་གཅིག་ཏུ་བོར་རོ། །ཇི་ཙམ་ན་བྱང་ཆུབ་སེམས་དཔའ་ཤཱཀྱ་ཐུབ་པ་ཕྱིར་བྱུང་བ་
D1.003.0288b02.01དེས་དེ་གཟིགས་ནས་དྲིས་པ། གླང་པོ་ཆེ་འདི་གང་ནས་འོངས། དེ་རྣམས་ཀྱིས་ཇི་ལྟར་གྱུར་པ་སྨྲས་སོ། །སུས་བསད། ལྷས་བྱིན་གྱིས་སོ། །མགྲོན་རྣམས་ལ་མགྲོན་གྱི་མཆོད་པ་བྱ་བ་ཡིན་ན་མ་ལེགས་པ་ཞིག་བྱས་སོ། །ཕྱོགས་གང་དུ་བསད། འོ་ནིར་
D1.003.0288b03.01རོ། །འདི་སུས་འདིར་ཁྱེར་ཏེ་འོངས། དགའ་བོས་སོ། །དེས་དགོངས་པ། གདོན་མི་ཟ་བར་དེ་གཉིས་ཀྱིས་འདི་ལ་མཐུ་སད་ཀྱིས། མ་ལ་ངས་ཀྱང་འདི་ལ་མཐུ་སད་པར་བྱའོ་སྙམ་དུ་དགོངས་ནས། མཇུག་མ་ནས་བཟུང་སྟེ་ར་བའི་ཁར་འཕངས་པ་ལས་ར་བ་རིམ་པ་
D1.003.0288b04.01བདུན་དང་། འོབས་རིམ་པ་བདུན་ལས་བཟླས་ཏེ་བོར་རོ། །དེ་ལྟུང་བས་གཤོང་བཏོད་པ་གླང་པོ་ཆེའི་གཤོང་གླང་པོ་ཆེའི་གཤོང་ཞེས་བྱ་བར་གྱུར་ཏོ། །དེར་བྲམ་ཟེ་དང་ཁྱིམ་བདག་དད་པ་ཅན་རྣམས་ཀྱིས་མཆོད་རྟེན་བརྩིགས་པས་དེང་སང་དུ་ཡང་དགེ་སློང་མཆོད་
D1.003.0288b05.01རྟེན་ལ་ཕྱག་བྱེད་པ་དག་ཕྱག་བྱེད་དོ། །འདིར་སྨྲས་པ། ལྷས་བྱིན་གྱིས་ནི་གླང་ཆེན་དབང་པོ་བསད། །དགའ་བོས་དེ་ནི་གོམ་པ་བདུན་དུ་ཁྱེར། །བྱང་ཆུབ་སེམས་དཔས་ཕྱག་གིས་བར་སྣང་ལ། །རྡོ་བ་བཞིན་དུ་ཕྱི་རོལ་རྒྱང་{རིངས་,རིང་}འཕངས། །གཞོན་ནུ་
D1.003.0288b06.01རྣམས་ཀྱིས་སྨྲས་པ། གཅོད་པ་བྱེད་དུ་འདོང་ངོ་ཞེས་དེ་རྣམས་ཕྱིར་བྱུང་བ་བྱང་ཆུབ་སེམས་དཔའ་ཤཱཀྱ་ཐུབ་པས་ཀྱང་གསན་ནས་འཁོར་ལྔ་བརྒྱ་དང་གཅོད་པ་བྱེད་དུ་ཕྱིར་བྱུང་ངོ་། །གཞོན་ནུ་རྣམས་འབྲས་རྔ་བ་བཞིན་དུ་གཅོད་པར་བྱེད་དེ། དེ་རྣམས་ཀྱིས་ཤིང་བཅད་ཅིང་
D1.003.0288b07.01