完整藏文原文 · 德格版页 当前仅加载第 3 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་གྱིས་རྒྱལ་སྲིད་བྱས་པས་འདི་ནི་བདག་གི་མཐུ་ཡིན་ནོ་སྙམ་དུ་སེམས་སོ། །བཙུན་མོ་དང་། གཞོན་ནུ་རྣམས་དང་། བློན་པོ་རྣམས་དང་། ཁྲོམ་གྱི་རུ་པ་དང་། ཡུལ་མི་དང་། གྲོང་གི་མི་རྣམས་ཀྱིས་ཀྱང་འདི་ནི་བདག་ཅག་གི་མཐུ་ཡིན་ནོ་སྙམ་དུ་སེམས་ཏེ་བདག་ཀྱང་ངོ་མཚར་ཆེན་པོ་
D1.003.0191b01.01སྐྱེས་ན། དེའི་ཕྱིར་འདི་སུའི་མཐུ་ལགས་པ་ཐེ་ཚོམ་གཅད་པའི་རིགས་སོ། །དེས་སྨྲས་པ། རྒྱལ་པོ་ཆེན་པོ་འདི་ནི་ཁྱོད་ཀྱི་མཐུ་མ་ལགས་ཏེ། བཙུན་མོའི་མ་ལགས། གཞོན་ནུ་རྣམས་ཀྱི་མ་ལགས། བློན་པོ་རྣམས་ཀྱི་མ་ལགས། ཁྲོམ་གྱི་རུ་པའི་མ་ལགས། གྲོང་མིའི་མ་ལགས།
D1.003.0191b02.01ཡུལ་གྱི་མིའི་མ་ལགས་ཏེ། འོན་ཀྱང་ཁྱོད་ཀྱི་ཡུལ་ན་སྲོག་ཆགས་བཞི་གནས་ཏེ། འདི་ནི་དེ་དག་གི་མཐུ་ཡིན་ནོ། །རྒྱལ་པོས་སྨྲས་པ། གལ་ཏེ་དེ་ལྟ་ན་རེ་ཞིག་བལྟས་མཆིའོ། །དྲང་སྲོང་གིས་སྨྲས་པ། རྒྱལ་པོ་ཆེན་པོ་ཁྱོད་ཀྱིས་དེ་རྣམས་བལྟ་ཅི་འཚལ། འོན་ཀྱང་དེ་རྣམས་ཀྱིས་ཡང་དག་
D1.003.0191b03.01པར་བླངས་ཏེ་སྤྱད་པ་གང་ལགས་པ་དེ་ཡང་དག་པར་བླངས་ཏེ་སྤྱད་མཛོད་ཅིག །དེ་རྣམས་ཀྱིས་ཅི་ཞིག་ཡང་དག་པར་བླངས་ཏེ་སྤྱད། བརྟུལ་ཞུགས་ཀྱི་གཞི་ལྔའོ། །དྲང་སྲོང་ཆེན་པོ་བརྟུལ་ཞུགས་ཀྱི་གཞི་ལྔ་ཅི་འདྲ་བ་ཞིག་ལགས། རྒྱལ་པོ་ཆེན་པོ་དེ་རྣམས་ནི་སྲོག་ཆགས་རྣམས་ཀྱི་སྲོག་
D1.003.0191b04.01མི་གཅོད། གཞན་གྱི་བདོག་པ་མི་འཕྲོག །བགྲོད་པར་བྱ་བ་མ་ཡིན་པ་བགྲོད་པར་མི་བྱེད། །{བརྫུན་,རྫུན་}གྱི་ཚིག་མི་སྨྲ། མྱོས་པར་འགྱུར་བའི་བཏུང་བ་མི་འཐུང་ངོ་། །རྒྱལ་པོས་སྨྲས་པ། དྲང་སྲོང་ཆེན་པོ་གལ་ཏེ་དེ་ལྟ་ན་བདག་གིས་ཀྱང་བརྟུལ་ཞུགས་ཀྱི་གཞི་ལྔ་པོ་འདི་དག་ཡང་དག་པར་
D1.003.0191b05.01བླངས་ཏེ་སྤྱད་པར་བྱའོ། །དེ་ནས་རྒྱལ་པོ་དེས་བརྟུལ་ཞུགས་ཀྱི་གཞི་ལྔ་ཡང་དག་པར་བླངས་ཏེ་སྤྱད་པར་བརྩམས་སོ། །རྒྱལ་པོས་བརྟུལ་ཞུགས་ཀྱི་གཞི་ལྔ་ཡང་དག་པར་བླངས་ཏེ་སྤྱད་པ་དང་། བཙུན་མོ་རྣམས་ཀྱིས་ཀྱང་བརྟུལ་ཞུགས་ཀྱི་གཞི་ལྔ་ཡང་དག་པར་བླངས་ཏེ་སྤྱད་པར་བརྩམས་
D1.003.0191b06.01སོ། །གཞོན་ནུ་རྣམས་དང་། བློན་པོ་རྣམས་དང་། ཁྲོམ་གྱི་རུ་བ་དང་། གྲོང་མི་དང་། ཡུལ་མི་རྣམས་ཀྱིས་ཀྱང་བརྟུལ་ཞུགས་ཀྱི་གཞི་ལྔ་ཡང་དག་པར་བླངས་ཏེ་སྤྱད་པར་བརྩམས་སོ། །ཁམས་ཀྱི་རྒྱལ་ཕྲན་རྣམས་ཀྱིས་རྒྱལ་པོ་ཚངས་བྱིན་བཙུན་མོ་དང་། གཞོན་ནུ་རྣམས་
D1.003.0191b07.01