完整藏文原文 · 德格版页 当前仅加载第 3 函德格 177b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་རྣམས་འདོད་ཆགས་དང་བྲལ་བ་མ་ཡིན་པས་དགེ་འདུན་ལྷག་མའི་ལྟུང་བ་བྱུང་སྟེ་འགྱོད་པ་སྐྱེས་ནས་བསམས་པ། ད་ལྟར་བདག་ཅག་ལྟུང་བ་དང་བཅས། འགྱོད་པ་དང་བཅས། འཚེར་བ་དང་བཅས། ཡིད་ལ་
D1.003.0177b01.01གཅགས་པ་དང་བཅས། བྱ་བ་དང་བཅས་པ་སྟེ། འདྲལ་བར་བྱེད་པ། རྨ་འབྱིན་པར་བྱེད་པ། འདྲེན་མར་བྱེད་པ། ནག་ནོག་ཅན་དུ་བྱེད་པ། ལྟུང་བའི་གཞི་ནས་མ་ལངས་པ་རྣམས་ཀྱིས་ཇི་ལྟར་རང་བཞིན་དུ་གནས་པའི་དགེ་སློང་རྣམས་ལས་མངོན་དུ་སྨྲ་བ་དང་། ཕྱག་དང་།
D1.003.0177b02.01ལྡང་བ་དང་། ཐལ་མོ་སྦྱར་བ་དང་། འདུད་པའི་ལས་ཀྱང་བདག་གིར་བྱ། བྲམ་ཟེ་དང་ཁྱིམ་བདག་དད་པ་ཅན་རྣམས་ལས་ཀྱང་། སྟན་གྱི་ཐོག་མ་དང་། བཏུང་བའི་ཐོག་མ་དང་། བསོད་སྙོམས་ཀྱི་ཐོག་མ་ཡོངས་སུ་ལོངས་སྤྱད་པ། བདེ་བ་ཡུན་ཐུང་བའི་ཕྱིར་དམྱལ་བ་དང་། དུད་འགྲོ་
D1.003.0177b03.01དང་། {ཡི་དགས་,ཡི་དྭགས་}རྣམས་སུ་སྡུག་བསྔལ་བ་ཡུན་རིང་པོར་ཉམས་སུ་མྱོང་ཞིང་འཁྱམ་པར་འགྱུར་གྱིས། མ་ལ་བདག་ཅག་གིས་བསླབ་པ་ཕུལ་ལ་འབབས་སོ་སྙམ་ནས་དེ་དག་གིས་བསླབ་པ་ཕུལ་ནས་བབས་ཏེ་རབ་ཏུ་འབྱུང་བར་འདོད་པའི་སྐྱེ་བོ་ལ་ཡང་ཤེས་ལྡན་དག་ཚངས་པར་སྤྱོད་པ་ནི་
D1.003.0177b04.01སྤྱད་དཀས་ཁྱོད་རབ་ཏུ་འབྱུང་བ་ཐོང་ཤིག་ཅེས་སླུ་བར་བྱེད་པས་དེ་རྣམས་རབ་ཏུ་མ་བྱུང་ངོ་། །རབ་ཏུ་མ་བྱུང་བས་དགེ་སློང་རྣམས་ཉུང་བར་གྱུར། འགྲིབས་པར་གྱུར་ཏེ། དགེ་སློང་གི་དགེ་འདུན་ཉམས་པར་གྱུར། སྲབས་པར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་
D1.003.0177b05.01རྨེད་པ་ཡིན་པས་སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་རྒྱུ་གང་དང་རྐྱེན་གང་གིས་ན་ད་ལྟར་དགེ་སློང་ཉུང་བར་གྱུར། འགྲིབས་པར་གྱུར་ཏེ། དགེ་སློང་གི་དགེ་འདུན་དང་། ཉམས་པར་གྱུར། སྲབས་པར་གྱུར་དེས་སྐབས་དེ་བཅོམ་ལྡན་འདས་ལ་
D1.003.0177b06.01རྒྱས་པར་གསོལ་པ་དང་། དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། མ་ལ་ངས་དགེ་སློང་གི་དགེ་འདུན་ལྷག་མའི་ལྟུང་བ་བྱུང་བ་རྣམས་རྗེས་སུ་བཟུང་བ་བཅའ་བས་ལག་ནས་དྲང་བ་དང་འདྲ་བ་སྦྱིན་པར་བྱའོ་སྙམ་དུ་དགོངས་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་
D1.003.0177b07.01