完整藏文原文 · 德格版页 当前仅加载第 3 函德格 220a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་བསྐོས་ཟིན་ནོ། །ཀུན་དགའ་ར་བ་སྐོས་ཤིག་ཅེ་ན། འདི་ཡང་བསྐོས་ཟིན་ནོ། །ཀུན་དགའ་ར་བའི་ཉེ་འཁོར་སྐོས་ཤིག་ཅེ་ན། འདི་ཡང་བསྐོས་ཟིན་ནོ་ཞེས་བརྗོད་པར་བྱ་སྟེ། དེ་རྣམས་གནས་མེད་དེ་མི་གནས་ན་ངོ་ཚ་མེད་པ། འཛེམ་པ་མེད་པས་
D1.003.0220a01.01བདག་ཅག་ལ་གླེང་བར་མི་འགྱུར་རོ་སྙམ་ནས། དེ་གཉིས་ཀྱིས་གནས་མལ་བསྐོ་བ་གསུམ་དང་། གནས་མལ་གཟུང་བ་དྲུག་བྱས་སོ། །ཇི་ཙམ་ན་བཅོམ་ལྡན་འདས་རི་ནག་པོ་ལ་གཤེགས་པ་ན་དེ་གཉིས་ཀྱིས་བཅོམ་ལྡན་འདས་ཀྱི་གཙུག་ལག་ཁང་ནི་སྔ་ནས་བསྡོགས་ཟིན་ཏོ། །དགེ་སློང་
D1.003.0220a02.01རྣམས་ཀྱིས་སྨྲས་པ། ཚེ་དང་ལྡན་པ་དག་གནས་མལ་དང་གཙུག་ལག་ཁང་སྐོས་ཤིག །དེ་གཉིས་ཀྱིས་སྨྲས་པ། གཙུག་ལག་ཁང་སྔར་བསྐོས་ཟིན་ནོ། །ཁང་ཕྲན་སྐོས་ཤིག །དེ་ཡང་བསྐོས་ཟིན་ནོ། །གཙུག་ལག་ཁང་གི་ཉེ་འཁོར་སྐོས་ཤིག །དེ་ཡང་བསྐོས་ཟིན་ནོ། །ཁང་
D1.003.0220a03.01ཕྲན་གྱི་ཉེ་འཁོར་སྐོས་ཤིག །དེ་ཡང་བསྐོས་ཟིན་ནོ། །ཀུན་དགའ་ར་བ་སྐོས་ཤིག །དེ་ཡང་བསྐོས་ཟིན་ནོ། །ཀུན་དགའ་ར་བའི་ཉེ་འཁོར་སྐོས་ཤིག །དེ་ཡང་བསྐོས་ཟིན་ནོ། །གང་གི་ཕྱིར་དེ་གཉིས་ཀྱིས་གནས་ཐམས་ཅད་མ་བསྐོས་པ་དང་དེ་ནས་ཀུན་དགའ་ར་བའི་ནང་དུ་སྒྲ་མཐོན་
D1.003.0220a04.01པོ་དང་སྒྲ་ཆེན་པོ་བྱུང་ངོ་། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། མཁྱེན་བཞིན་དུ་རྨེད་ཀྱི་མི་མཁྱེན་པར་མི་རྨེད། དུས་སུ་རྨེད་ཀྱི་དུས་ལས་ཡོལ་བར་མི་རྨེད། དོན་དང་ལྡན་པར་རྨེད་ཀྱི་དོན་དང་མི་ལྡན་པར་མི་རྨེད་པས། སངས་
D1.003.0220a05.01རྒྱས་བཅོམ་ལྡན་འདས་རྣམས་དོན་དང་ལྡན་པ་མ་ཡིན་པ་རྨེད་པ་ལ་ཆུ་ལོན་གྱིས་ཟློག་པར་མཛད་པ་ཡིན་ནོ། །སངས་རྒྱས་བཅོམ་ལྡན་འདས་རྣམས་དོན་དང་ལྡན་པ་རྨེད་པ་དེ་ལ་དུས་མཁྱེན་པ་ཡིན་པས་སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་
D1.003.0220a06.01པ། ཀུན་དགའ་བོ་ཀུན་དགའ་ར་བའི་ནང་ན་སྐྱེ་བོའི་ཚོགས་ཆེན་པོའི་སྒྲ་མཐོན་པོ་དང་སྒྲ་ཆེན་པོར་གྲག་པ་འདི་ཅི་ཞིག་ཡིན། དེས་གསོལ་པ། དགེ་སློང་འགྲོ་མགྱོགས་དང་ནབ་སོ་གཉིས་ཀྱིས་གནས་མལ་བསྐོ་བ་གསུམ་དང་གནས་མལ་གཟུང་བ་དྲུག་བགྱིས་ནས་དགེ་
D1.003.0220a07.01