完整藏文原文 · 德格版页 当前仅加载第 3 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་བལྟམ་པའི་མོད་ནས་སྤྱན་མི་འཛུམས་པར་གཟུགས་རྣམས་ལ་བལྟ་སྟེ། དེ་སྤྱན་མི་འཛུམས་པ་ནི་དཔེར་ན་སུམ་བཅུ་རྩ་གསུམ་གྱི་ལྷ་རྣམས་བཞིན་ནོ། །ཆོས་ཉིད་ཀྱིས་བྱང་ཆུབ་སེམས་དཔའ་བལྟམ་པའི་མོད་ནས་སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པའི་ལྷའི་
D1.003.0284b01.01སྤྱན་དང་ལྡན་པས་དེས་ན་དེ་ཉིན་དང་མཚན་དུ་དཔག་ཚད་གཅིག་ཁོ་ར་ཁོར་ཡུག་ཏུ་གཟིགས་སོ། །ཆོས་ཉིད་ཀྱིས་བྱང་ཆུབ་སེམས་དཔའ་བལྟམ་པའི་མོད་ནས་གསུང་སྙན་ཞིང་འཇེབས་པ་དང་། གསུང་སྙན་པ་དང་། གསུང་ཡིད་དུ་འོང་བ་ཡིན་ཏེ། དཔེར་ན་གངས་
D1.003.0284b02.01ཅན་གྱི་བྱ་སྐད་སྙན་ཞིང་འཇེབས་པ་དང་། སྐད་སྙན་པ་དང་། ཡིད་དུ་འོང་བ་དེ་བཞིན་དུ་བྱང་ཆུབ་སེམས་དཔའ་བལྟམ་པའི་མོད་ནས་གསུང་སྙན་ཞིང་འཇེབས་པ་དང་། གསུང་སྙན་པ་དང་། གསུང་ཡིད་དུ་འོང་བ་ཡིན་ནོ། །ཆོས་ཉིད་ཀྱིས་བྱང་ཆུབ་སེམས་དཔའ་
D1.003.0284b03.01བལྟམ་པའི་མོད་ནས་མཁས་པ་གསལ་བ་ཡིད་གཞུངས་པ་རྒྱུད་ལས་འབྱུང་བའི་ཤེས་རབ་དཔྱོད་པ་དང་ལྡན་པ་ཡིན་ཏེ། དེའི་ཚེ་རྒྱལ་པོ་ཟས་གཙང་གི་དགོས་པའི་ཆེད་ལ་འདུག་ནས་དོན་ཟབ་མོའི་ཚིག་དང་ཡི་གེ་དང་ཤེས་རབ་ཀྱིས་སོ་སོར་འབྱེད་པར་བྱེད་དོ། །དེ་ནས་མེས་བྱིན་
D1.003.0284b04.01གྱིས་སྨྲས་པ། མཁན་པོ་བྱང་ཆུབ་སེམས་དཔའ་སེར་སྐྱའི་གཞིར་བྱོན་ནས་དེའི་མཚན་ཡང་གསུམ་བཏགས་ཀྱིས། ད་ནི་བྱང་ཆུབ་སེམས་དཔའ་བལྟ་བའི་ཕྱིར་བཞུད་དོ། །དེས་སྨྲས་པ། དེ་བཞིན་བྱའོ། །དེ་གཉིས་ཆས་པ་དང་། བྱང་ཆུབ་སེམས་དཔའི་མཐུས་རྫུ་
D1.003.0284b05.01འཕྲུལ་ཉམས་ནས་རྐང་པ་ཁོ་ནས་གྲོང་ཁྱེར་སེར་སྐྱའི་གཞིར་ཞུགས་ནས་རྒྱལ་པོ་ཟས་གཙང་གི་ཁྱིམ་གྱི་སྒོར་སོན་པ་དང་། དྲང་སྲོང་ཉོན་མོངས་མེད་ཀྱིས་སྒོ་སྲུང་གི་མི་ལ་སྨྲས་པ། ཀྱེ་ནང་རྗེ་སོང་ལ་རྒྱལ་པོ་ཟས་གཙང་ལ་དྲང་སྲོང་ཉོན་མོངས་མེད་ལྷ་ཞལ་མཐོང་བར་འཚལ་
D1.003.0284b06.01ནས་སྒོ་ན་སྡོད་ཅིང་མཆིས་སོ་ཞེས་གསོལ་ཅིག །དེ་སོང་ནས་རྒྱལ་པོ་ལ་རིག་པར་བྱས་པ་དང་། རྒྱལ་པོས་སྨྲས་པ། ཤེས་ལྡན་ཉོན་མོངས་མེད་ལ་སུ་ཞིག་འགོག་ནང་དུ་ཞུགས་ཤིག །དེ་ཞུགས་པ་དང་། རྒྱལ་པོ་ཟས་གཙང་གིས་བཀུར་སྟི་སྔོན་དུ་འགྲོ་
D1.003.0284b07.01