完整藏文原文 · 德格版页 当前仅加载第 3 函德格 96b 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་བ་རི་འོར་ཞིག་ན་བྲམ་ཟེ་འཁོར་ལ་དབང་སྒྱུར་བ་ཞིག་ཡོད་དེ། དེས་བྲམ་ཟེའི་ཁྱེའུ་བརྒྱ་ཟླ་བ་གསུམ་མགྲོན་དུ་བོས་ཏེ་ཟན་བྱིན་ནས་དེའི་བློ་སྐྱེས་པ། བྲམ་ཟེའི་ཁྱེའུ་རེ་རེ་ལ་ཡང་རས་ཡུག་རེ་རེ་བསྐོན་ནོ་སྙམ་མོ། །དེ་དང་ཧ་ཅང་ཡང་མི་རིང་བ་ཞིག་ན་བྲམ་ཟེ་རྒན་པོ་ཞིག་ཡོད་
D1.003.0096b01.01པ་དེས་ཐོས་ནས་དེ་རྒན་པའི་མཐར་འདུག་སྟེ། ཐོག་མར་ཟོས་ནས་རས་ཡུག་གཅིག་ཁྱེར་ནས་སོང་ངོ་། །བྲམ་ཟེས་རས་རྣམས་འབྲིམ་པར་བྱེད་པ་ན། ཇི་ཙམ་ན་བྲམ་ཟེའི་ཁྱེའུ་གཅིག་གི་རས་ཆད་ནས་དེས་དྲིས་པ། ཤེས་ལྡན་དག་བདག་གིས་རས་ཡུག་བརྒྱ་ལེགས་པར་བགྲངས་
D1.003.0096b02.01ཏེ་འོངས་ན་བྲམ་ཟེའི་ཁྱེའུ་འགའ་ཞིག་གིས་རས་ཡུག་གཉིས་བླངས་པར་མ་གྱུར་གྲང་། དེ་རྣམས་ཀྱིས་སྨྲས་པ། དེ་ལྟར་སུ་ཞིག་བགྱིད། འོན་ཀྱང་ཁྱོད་ཀྱིས་བྲམ་ཟེ་རྒན་པོ་མགྲོན་དུ་བོས་སམ། བདག་གིས་མགྲོན་དུ་མ་བོས་སོ། །དེས་རས་ཡུག་དེ་ཐོག་མར་བླངས་ནས་སོང་
D1.003.0096b03.01ངོ་། །བྲམ་ཟེ་དེས་སྨད་པར་བརྩམས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ན་བྲམ་ཟེ་རྒན་པོ་གང་ཡིན་པ་དེ་ནི་ཉེ་དགའ་འདི་ཉིད་ཡིན་ཏེ། དེ་ན་ཡང་དེ་མགྲོན་དུ་མ་བོས་སོ། །ད་ལྟ་ན་ཡང་ངོ་། །གླེང་གཞི་ནི་མཉན་ཡོད་ནའོ། །རི་འོར་ཞིག་ན་ཁྱིམ་བདག་
D1.003.0096b04.01ཅིག་ཡོད་པ་དེས་གཙུག་ལག་ཁང་ཞིག་བརྩིགས་ནས་དེར་དགེ་སློང་གཅིག་དབྱར་གནས་པར་དམ་བཅས་པ་ལས་དེ་ལྡང་བ་ཕུན་སུམ་ཚོགས་པ་ཞིག་པས། དེས་ཉི་མ་རེ་རེ་ཞིང་གཙུག་ལག་ཁང་བྱུག་པ་དང་ཕྱག་དར་བྱེད་དོ། །གཙུག་ལག་ཁང་དེ་ནི་ས་ཕྱོགས་དབེན་ཞིང་
D1.003.0096b05.01བཟང་བའི་ཕྱོགས་སུ་བརྩིགས་ལ། ཤིང་སྣ་ཚོགས་ཀྱིས་མཛེས་པར་བྱས་པ། ངང་པ་དང་། ཁྲུང་ཁྲུང་དང་། རྨ་བྱ་དང་། ནེ་ཙོ་དང་། རི་སྐེགས་དང་། ཁུ་བྱུག་རྣམས་སྐད་འབྱིན་པ། མེ་ཏོག་དང་འབྲས་བུ་སྣ་ཚོགས་ཀྱིས་མཛེས་པར་བྱས་པ་ཡིན་ནོ། །ཇི་ཙམ་
D1.003.0096b06.01ན་དེད་དཔོན་འབྱོར་པ་རྒྱ་ཆེན་པོ་དང་ལྡན་པ་ཞིག་གཙུག་ལག་ཁང་དེར་དགོངས་བཏབ་པ་ལས། དེས་གཙུག་ལག་ཁང་དེ་མཛེས་པ་དང་། ཉེ་བའི་ཚལ་མཛེས་པ་དག་མཐོང་ནས་མངོན་པར་དད་པར་གྱུར་ཏེ། དགེ་སློང་གི་དགེ་འདུན་མ་མཐོང་ཡང་དེའི་ཆེད་དུ་རྙེད་པ་ཕལ་མོ་ཆེ་ཞིག་
D1.003.0096b07.01